village story | Crime Mirror

WOW: హిమాచల్ ప్రదేశ్లో ఓ విచిత్రమైన, ఆశ్చర్యకరమైన గ్రామం ఉంది. ఇది ఊరంటే మనకు తెలిసిన అర్థంలో ఊరు కాదు. ఒకే ఒక్క ఇల్లు ఉన్న ఊరు. వినడానికి కల్పిత కథలా అనిపించినా ఇది నూటికి నూరు శాతం నిజం. లాహౌల్ స్పీతి జిల్లాలోని కాజా గ్రామ పంచాయతీ పరిధిలో ఉన్న కాకతీ గ్రామం దేశంలోనే అరుదైన గ్రామంగా గుర్తింపు పొందింది. ఈ గ్రామంలో ఒకే ఒక్క ఇల్లు ఉంది. ఆ ఒక్క ఇళ్లే మొత్తం గ్రామానికి ప్రతినిధిగా నిలుస్తోంది. ఎత్తైన మంచు పర్వతాల మధ్య, ప్రకృతి ఒడిలో కాకతీ గ్రామం అద్భుతంగా కనిపిస్తుంది. చుట్టూ నీలాకాశాన్ని తాకేలా ఉన్న కొండలు, వాటి అడుగున చిన్న చిన్న కూరగాయల తోటలు, పొదలు, చెట్లు ఈ గ్రామాన్ని కాపాడుతున్నట్లుగా ఉంటాయి. ప్రకృతి సృష్టించిన ఈ రక్షణ వలయం వల్ల కాకతీ గ్రామం బయట ప్రపంచానికి దూరంగా, ప్రశాంతంగా కొనసాగుతోంది. ఆధునిక జీవన శైలి హడావుడి ఇక్కడ కనిపించదు. ఈ గ్రామంలో ఉన్న ఏకైక ఇల్లు సుమారు వందేళ్ల చరిత్ర కలిగినది. ఈ ఇంట్లో తరతరాలుగా జీవనం కొనసాగుతోంది. ఇక్కడ నివసించే వారు ప్రధానంగా వ్యవసాయం, పశుపోషణపై ఆధారపడి జీవిస్తుంటారు. కొండ ప్రాంతాల్లో సాధ్యమైనంత మేరకు సాగు చేస్తూ, తమ అవసరాలను తామే తీర్చుకుంటారు. ఈ ఇంట్లో ప్రస్తుతం ఇద్దరు అన్నదమ్ములు ఉంటున్నారు. వారిలో ఒకరు కల్జాంగ్ తప్కా. ఆయన బౌద్ధ మతానికి చెందిన లామా. కాజా ప్రాంతంలో ఆధ్యాత్మిక సేవలు అందిస్తూ ప్రజల్లో మంచి గుర్తింపు సంపాదించారు. మరో సోదరుడు సెరింగ్ నమ్గ్యాల్. ఆయన తన భార్యతో కలిసి ఈ ఇంట్లో నివసిస్తూ వ్యవసాయం చేస్తున్నారు. సుమారు 15 బిగాల భూమిలో పంటలు సాగు చేస్తూ, పశువులను పెంచుకుంటూ జీవనం సాగిస్తున్నారు. ఎత్తైన ప్రాంతాల్లో వ్యవసాయం చేయడం కష్టమైనా, సంప్రదాయ పద్ధతులను అనుసరిస్తూ తమ జీవనాన్ని కొనసాగిస్తున్నారు. లాహౌల్ స్పీతి జిల్లా శీతాకాలంలో పూర్తిగా వేరుపడుతుంది. భారీ మంచు కురిసే సమయంలో మిగిలిన ప్రాంతాలతో రహదారి సంబంధాలు తెగిపోతాయి. ఉష్ణోగ్రతలు మైనస్ 30 డిగ్రీల సెల్సియస్ వరకు పడిపోతాయి. ఈ తీవ్రమైన చలిని తట్టుకోలేక చాలామంది స్థానికులు శీతాకాలంలో కుల్లు మనాలీ, మండీ వంటి ప్రాంతాలకు వలస వెళ్తుంటారు. కానీ సెరింగ్ నమ్గ్యాల్ కుటుంబం మాత్రం ఈ గ్రామాన్ని విడిచి వెళ్లడానికి నిరాకరిస్తోంది. తీవ్రమైన చలి, ఒంటరితనం, కనీస సౌకర్యాల కొరత ఉన్నప్పటికీ తమ పూర్వీకుల నేలను వదిలిపెట్టకూడదన్న భావనతో అక్కడే ఉంటున్నారు. ప్రకృతితో కలిసి జీవించడమే తమ జీవన విధానమని వారు భావిస్తారు. ఒంటరిగా ఉన్నా, తమ భూమి, తమ పశువులు, తమ ఇల్లు తమకు అన్నీ అన్న భావనతో జీవిస్తున్నారు. 2011 సంవత్సరం ఈ గ్రామానికి ఓ మైలురాయిగా మారింది. ఆ ఏడాది కాకతీ గ్రామానికి తొలిసారిగా విద్యుత్తు సౌకర్యం అందుబాటులోకి వచ్చింది. అదే సమయంలో రహదారి కూడా ఏర్పాటు చేశారు. దీంతో ఈ గ్రామానికి ప్రపంచంతో కొంతమేర అనుసంధానం ఏర్పడింది. అయినప్పటికీ ఇప్పటికీ కాకతీ గ్రామం దేశంలోనే అత్యంత అరుదైన, ప్రత్యేకమైన గ్రామంగా నిలిచింది. ఒకే ఇంటితో, ఒకే కుటుంబంతో, ప్రకృతి ఒడిలో కొనసాగుతున్న ఈ గ్రామం నిజంగా ఆశ్చర్యానికి ప్రతీకగా మారింది. ALSO READ: 16 ఏళ్ల బాలుడితో 43 ఏళ్ల మహిళ శృంగారం.. తర్వాత ఏమైందంటే?

Tag: village story

Most Read

ACB Raids : ఎల్బీ నగర్‌లో ఏసీబీ వలలో ఇద్దరు సబ్ ఇన్‌స్పెక్టర్లు

e-office: తెలంగాణ సర్కార్ మరో సంచలన నిర్ణయం.. ఒక్క క్లిక్‌తో పై అధికారికి ఫైల్

Alert: వందే భారత్ రైళ్ల ప్రయాణ వేళలు మారాయ్..

విద్యార్థ‌లు లక్ష్యంతో చ‌దివి ఉన్న‌త శిఖ‌రాల‌ను అధిరోహించాలి

EDITOR PICKS

WOW: అనగనగా ఒక ఊరు.. ఆ ఊరిలో మాత్రం ఒకే ఒక్క ఇల్లు.. ఎక్కడో తెలుసా?

Unexpected Tragedy: పెళ్లయిన నెల రోజులకు భార్యను పుట్టింటికి పంపిన వరుడు.. ఆపై దారుణం

Tragedy: అయ్యో తల్లి.. ఎంతపని చేశావమ్మా!

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US