The sudden change in the darshan system in Tirumala.. a shock to the devotees...!

తిరుపతి, క్రైమ్ మిర్రర్: వేసవి సెలవులు ప్రారంభమైన తర్వాత తిరుమల లో భక్తుల రద్దీ భారీగా పెరిగింది. దేశం నలుమూలల నుంచి ప్రతి రోజు వేల సంఖ్యలో భక్తులు శ్రీ వేంకటేశ్వర స్వామి దర్శనం కోసం చేరుకుంటున్నారు. ఈ పెరిగిన రద్దీ కారణంగా సోమవారం ఒక అనుకోని పరిస్థితి ఏర్పడి భక్తులు ఇబ్బందులు ఎదుర్కొన్నారు. వాళ్లకి అనుకొని షాక్...! ప్రత్యేకంగా VIP బ్రేక్ దర్శనానికి వచ్చిన వారికి సమస్యలు ఎక్కువగా ఎదురయ్యాయి. సాధారణంగా ప్రజాప్రతినిధుల సిఫారసు లేఖలతో వచ్చిన వారికి ఈ దర్శనం అనుమతిస్తారు. కానీ ఆ రోజు మాత్రం అధికారులు ఈ లేఖలను అంగీకరించలేదు. ముందుగా ఎలాంటి సమాచారం ఇవ్వకపోవడంతో చాలా మంది భక్తులు ఆశ్చర్యానికి గురయ్యారు. చాలా దూరం నుంచి వచ్చిన వారు నిరాశ చెందడంతో అక్కడే తమ అసంతృప్తిని వ్యక్తం చేశారు. కొంతసేపు అక్కడ గందరగోళ వాతావరణం కనిపించింది. వెంటనే స్పందించిన తిరుమల తిరుపతి దేవస్థానం అధికారులు పరిస్థితిని చక్కదిద్దడానికి చర్యలు తీసుకున్నారు. VIP దర్శనం ఇవ్వలేకపోయినా, సిఫారసు లేఖలతో వచ్చిన భక్తులకు ప్రత్యామ్నాయంగా రూ.300 ప్రత్యేక దర్శన టికెట్లు అందించారు. దీంతో కొంతవరకు భక్తుల ఆందోళన తగ్గింది. ప్రస్తుతం వేసవి సెలవులు కావడంతో కుటుంబాలుగా వచ్చే భక్తుల సంఖ్య ఎక్కువగా ఉంది. చిన్న పిల్లలతో వచ్చిన వారు కూడా ఎక్కువగా కనిపిస్తున్నారు. ఈ కారణంగా దర్శనానికి ఎక్కువ సమయం పడుతోంది. క్యూలైన్లు పొడవుగా మారి భక్తులు గంటల పాటు వేచి ఉండాల్సి వస్తోంది. అందువల్ల మరింత సౌకర్యాలు కల్పించాలని భక్తులు కోరుతున్నారు. ఈ VIP బ్రేక్ దర్శనానికి సంబంధించిన సిఫారసు లేఖల అంశంపై త్వరలో స్పష్టత వచ్చే అవకాశం ఉంది. వచ్చే టీటీడీ బోర్డు సమావేశంలో దీనిపై చర్చించి తుది నిర్ణయం తీసుకునే అవకాశం ఉంది. భక్తులకు ఇబ్బందులు లేకుండా స్పష్టమైన మార్గదర్శకాలు ప్రకటించాలని అధికారులు భావిస్తున్నారు.

Tag: The sudden change in the darshan system in Tirumala.. a shock to the devotees...!

Most Read

Vijay- Trisha: ట్రెండింగ్‌లో విజయ్–త్రిష.. చదువులో ఎవరు టాప్ తెలుసా…?

సెప్టెంబర్ 8 నుంచి కొన్ని ఫోన్లలో వాట్సాప్ ఆగిపోతుంది…! మీ ఫోన్ సేఫ్‌నా వెంటనే చెక్ చేయండి…

ఎండాకాలం సన్‌స్క్రీన్ ఎక్కువగా వాడుతున్నారా.. జరిగేది ఇదే…!

43 ఏళ్ల తర్వాత చ‌రిత్ర రిపీట్‌…! రెండేళ్లలోనే విజయ్.. కారణాలు ఇవే…!

EDITOR PICKS

తిరుమలలో ఒక్కసారిగా మారిన దర్శన విధానం.. భక్తులకు షాక్…!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags

WhatsApp Channel