The famous fruit master met with a serious road accident.. What is the situation like...!

హైదరాబాద్, క్రైమ్ మిర్రర్: ప్రముఖ డ్యాన్స్ కొరియోగ్రాఫర్, ఢీ డ్యాన్స్ షో ద్వారా గుర్తింపు పొందిన పండు మాస్టర్ రోడ్డు ప్రమాదంలో తీవ్రంగా గాయపడ్డారు. ఈ ఘటన విశాఖపట్నం జిల్లా ఆనందపురం సమీపంలో చోటుచేసుకుంది. ప్రమాదంలో ఆయన కాళ్లకు తీవ్ర గాయాలు కావడంతో వెంటనే ఆస్పత్రికి తరలించి చికిత్స అందిస్తున్నారు. సమాచారం ప్రకారం, పండు మాస్టర్ తన డ్యాన్స్ టీమ్తో కలిసి తగరపువలసలో నిర్వహించిన అమ్మవారి ఉత్సవాల డ్యాన్స్ కార్యక్రమంలో పాల్గొన్నారు. కార్యక్రమం ముగిసిన తర్వాత తిరిగి వస్తున్న సమయంలో ఈ ప్రమాదం జరిగింది. మార్గమధ్యలో పండు మాస్టర్ టీమ్లోని ఒక డ్యాన్సర్కు స్వల్ప అస్వస్థత కలగడంతో వాహనాన్ని రోడ్డుపక్కన ఆపారు. పరిస్థితిని పరిశీలించేందుకు పండు మాస్టర్ కారులో నుంచి కిందకు దిగారు. అదే సమయంలో వెనుక నుంచి వేగంగా వచ్చిన ఓ కోళ్ల వ్యాన్ ఆయనను ఢీకొట్టినట్లు తెలుస్తోంది. వ్యాన్ అదుపుతప్పి ఎదురుగా ఉన్న కారును కూడా ఢీకొట్టి ఆగింది. ప్రమాదం జరిగిన వెంటనే స్థానికులు, టీమ్ సభ్యులు కలిసి పండు మాస్టర్ను సమీపంలోని ప్రైవేట్ ఆస్పత్రికి తరలించారు. ప్రస్తుతం ఆయనకు వైద్యులు చికిత్స అందిస్తున్నారు. గాయాల తీవ్రతపై పూర్తి వివరాలు ఇంకా తెలియాల్సి ఉంది. ఘటన సమాచారం అందుకున్న పోలీసులు వెంటనే అక్కడికి చేరుకుని పరిశీలించారు. ప్రమాదానికి కారణమైన కోళ్ల వ్యాన్తో పాటు ఇతర వాహనాలను స్వాధీనం చేసుకుని కేసు నమోదు చేశారు. డ్రైవర్ నిర్లక్ష్యం, అతివేగం లేదా ఇతర కారణాల వల్ల ప్రమాదం జరిగిందా అనే కోణంలో దర్యాప్తు కొనసాగుతోంది. ఢీ డ్యాన్స్ షో ద్వారా పండు మాస్టర్ తెలుగు ప్రేక్షకులకు ఎంతో దగ్గరయ్యారు. అనేక టెలివిజన్ షోలు, స్టేజ్ ప్రోగ్రామ్లు చేస్తూ తనకంటూ ప్రత్యేక గుర్తింపు సంపాదించుకున్నారు. ఈ ప్రమాద వార్త తెలిసిన వెంటనే అభిమానులు, సినీ మరియు టెలివిజన్ రంగానికి చెందిన పలువురు ఆయన త్వరగా కోలుకోవాలని ఆకాంక్షిస్తున్నారు. పండు మాస్టర్ ఆరోగ్య పరిస్థితిపై మరిన్ని వివరాలు త్వరలో వెల్లడయ్యే అవకాశం ఉంది.

Tag: The famous fruit master met with a serious road accident.. What is the situation like...!

Most Read

దుర్గం చెరువు కేబుల్ బ్రిడ్జి పైనుండి దూకి యువతి బ‌ల‌వ‌న్మ‌ర‌ణం…!

ఘోర ప్రమాదం.. రెండు బస్సులు ఢీ…ఏడుగురు స‌జీవ ద‌హ‌నం…!

Vignesh Shivan: నయనతార భర్తతో మూడేళ్ల రిలేషన్ షిప్‌…! న‌టి సోనా హైడెన్ సంచ‌ల‌న వ్యాఖ్య‌లు…!

ఢీ ఫేమ్ పండు మాస్టర్‌కు ఘోర రోడ్డు ప్రమాదం.. పరిస్థితి ఎలా ఉందంటే…!

EDITOR PICKS

ఢీ ఫేమ్ పండు మాస్టర్‌కు ఘోర రోడ్డు ప్రమాదం.. పరిస్థితి ఎలా ఉందంటే…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel