Telangana villages - Crime Mirror

Promises: స్థానిక ఎన్నికల సమయంలో అభ్యర్థులు చూపించే చాతుర్యం, జనాన్ని ఆకర్షించే ప్రయత్నాలు, ఓటర్లను ఒప్పించేందుకు చేసే హామీలు అన్నీ కలిపి గ్రామాల్లో రాజకీయ వాతావరణాన్ని మరింత ఉత్కంఠభరితంగా మారుస్తాయి. సాధారణంగా అభ్యర్థులు అభివృద్ధి పనులు చేస్తామని, మౌలిక వసతులు మెరుగుపరుస్తామని హామీలు ఇస్తుంటారు. అయితే ఈసారి గ్రామాల్లో ప్రజలు ఎదుర్కొంటున్న సమస్యలను కచ్చితంగా గమనించి, వాటికి ప్రత్యక్షంగా పరిష్కారం చూపుతామని పేర్కొంటూ అభ్యర్థులు వినూత్న హామీలను ముందుకు తెస్తున్నారు. ఎక్కడైనా కోతుల బెడద తొలగిస్తామని చెప్పేవారు ఉంటే, మరికొన్ని గ్రామాల్లో మేకల దాడులు, దోమల సమస్యలను అధిగమిస్తామని చెప్పేవారూ ఉన్నారు. అయితే సిద్దిపేట జిల్లాలోని అక్బర్పేట్ భూంపల్లి మండలానికి చెందిన బొప్పాపూర్ గ్రామ సర్పంచ్ అభ్యర్థి భాను ప్రసాద్ ఇచ్చిన హామీ మాత్రం అందర్నీ ఆశ్చర్యపరుస్తోంది. ఇటీవలి కాలంలో రాష్ట్రవ్యాప్తంగా వీధి కుక్కల దాడులు పెరిగిన విషయం తెలిసిందే. గ్రామాలు, చిన్న పట్టణాలు, స్కూలుల దగ్గర, రాత్రివేళల్లో తిరిగే కుక్కల గుంపులు ప్రజలకు భయాందోళన కలిగిస్తున్నాయి. చిన్నారులపై జరిగిన ప్రమాదాలు మరికొన్ని చోట్ల పెద్దలకు జరిగిన తీవ్ర గాయాలు ప్రజలలో ఆందోళనను మరింత పెంచాయి. బొప్పాపూర్ గ్రామంలో కూడా గతంలో వీధి కుక్కల దాడులు జరిగి పలువురు గాయపడ్డారు. విద్యార్థులు స్కూల్కు వెళ్లేటప్పుడు జాగ్రత్తగా వెళ్లాల్సిన పరిస్థితి ఉందని గ్రామస్తులు చెబుతున్నారు. రైతులు ఉదయం పొలాలకు వెళ్లేటప్పుడు కూడా కుక్కల గుంపులను చూసి కలవరపడుతున్నారని తెలిపారు. ఈ సమస్యను దృష్టిలో పెట్టుకుని భాను ప్రసాద్ తన ప్రచారంలో ప్రధాన హామీగా గ్రామాన్ని వీధి కుక్కల బెడద నుండి పూర్తిగా విముక్తి చేయడం తీసుకున్నారు. తనను సర్పంచ్గా గెలిపిస్తే గ్రామంలో తిరుగుతున్న అన్ని వీధి కుక్కలను గుర్తించి వాటిని జంతు సంరక్షణ కేంద్రాలకు తరలించే ఏర్పాట్లు చేస్తానని భాను ప్రసాద్ ప్రకటించారు. గ్రామంలో పిల్లలు, మహిళలు, వృద్ధులు భయపడకుండా స్వేచ్ఛగా తిరిగేలా వాతావరణాన్ని సృష్టించడమే తన లక్ష్యమని అన్నారు. శాస్త్రీయ పద్ధతుల్లో కుక్కలను పట్టించడం, వాటికి అవసరమైన టీకాలు వేయించడం, అవసరమైతే వాటిని పునర్వసతి కేంద్రాలకు తరలించడం వంటి చర్యలు చేపడతానని వివరించారు. అభ్యర్థుల హామీలు గ్రామస్థుల జీవనశైలిలో ప్రత్యక్ష మార్పును తెచ్చే విధంగా ఉండడం ప్రజలకు ఆకట్టుకుంటోంది. అయితే ఇలాంటి హామీలు ఎంతవరకు అమలవుతాయి అనేది ఎన్నికల తరువాతే తెలుస్తుంది. భాను ప్రసాద్ నిజంగానే గెలిచి, గ్రామస్తులకు ఇచ్చిన హామీని నెరవేరుస్తారా లేదా అన్నది గ్రామ ప్రజలు ఆసక్తిగా గమనిస్తున్నారు. ALSO READ: Panchayat Polls: సర్పంచ్ ఎన్నికలు.. కీలక UPDATE

Tag: Telangana villages

Most Read

మంచు మనోజ్ కొత్త సినిమా.. పోతురాజు పాత్రలో పవర్‌ఫుల్ అవతార్!

చిన్నపాటి గొడవలతో విడాకులు ఇవ్వలేం.. తెలంగాణ హైకోర్టు కీలక తీర్పు!

విజయదశమి సందర్భంగా ‘ఇడుపు కాయితం’ కొత్త పోస్టర్.. ప్రియదర్శి సినిమా నుంచి స్పెషల్ అప్‌డేట్!

విజయసాయిరెడ్డి కొత్త పార్టీ ప్రకటనకు ముహూర్తం ఫిక్స్.. నవంబర్ 11న విజయవాడలో ఆవిర్భావ సభ!

EDITOR PICKS

FLASH NEWS: ఈ గ్రామాలలో ఎన్నికలకు బ్రేక్!

‘ఆడపిల్ల పెళ్లికి రూ.10,116’.. సర్పంచ్ అభ్యర్థి తరుపున ఫ్రెండ్స్ హామీ

డబ్బులు తిరిగి ఇచ్చేయండి.. సెల్ టవర్ ఎక్కిన ఓడిన సర్పంచ్ అభ్యర్థి భర్త

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags