Telangana jagruthi - Crime Mirror

తెలంగాణ జాగృతి అధ్యక్షురాలు కల్వకుంట్ల కవిత నేతృత్వంలో జరిగిన పోరాటం రాష్ట్ర రాజకీయాల్లో పెను సంచలనం సృష్టించింది. కాంగ్రెస్ ప్రభుత్వం ఎన్నికల వేళ ఉద్యమకారులకు ఇచ్చిన హామీలను నెరవేర్చడంలో విఫలమైందంటూ శనివారం చేపట్టిన ‘చలో సెక్రటేరియట్’ కార్యక్రమం ఉద్రిక్తతకు దారితీసింది. అమరవీరుల కుటుంబాలకు ఇచ్చిన భూమి పెన్షన్ వాగ్దానాలను అమలు చేయాలని డిమాండ్ చేస్తూ సచివాలయ ముట్టడికి వెళ్తున్న ఉద్యమకారులను పోలీసులు అడ్డుకుని అరెస్టు చేశారు. ఈ క్రమంలో అరెస్టైన వారిని పరామర్శించేందుకు కవిత స్వయంగా మెహదీపట్నం పోలీస్ స్టేషన్కు చేరుకున్నారు. అక్కడ నిర్బంధించిన ఉద్యమకారుల యోగక్షేమాలు అడిగి తెలుసుకున్నారు. పోలీసుల చర్యను తీవ్రంగా తప్పుబడుతూ ఆమె స్టేషన్ ఆవరణలోనే బైఠాయించారు. అరెస్టైన ప్రతి ఒక్కరినీ తక్షణమే విడుదల చేయాలని పట్టుబట్టారు. పోలీసులు ఎంత నచ్చజెప్పినా వినకుండా భీష్మించుకుని కూర్చోవడంతో అధికారులు వెనక్కి తగ్గక తప్పలేదు. చివరకు అందరినీ విడిచిపెట్టే వరకు ఆమె అక్కడి నుంచి కదలలేదు. ఈ సందర్భంగా మీడియాతో మాట్లాడిన కవిత కాంగ్రెస్ సర్కారుపై నిప్పులు చెరిగారు. అధికారంలోకి వచ్చి రెండున్నరేళ్లు గడుస్తున్నా అమరవీరుల కుటుంబాలకు న్యాయం చేయలేదని విమర్శించారు. తెలంగాణ రాష్ట్రం కోసం ప్రాణాలకు తెగించి పోరాడిన వారిని జైళ్లకు పంపడం అత్యంత దురదృష్టకరమని ఆవేదన వ్యక్తం చేశారు. ఓట్ల రాజకీయాల కోసం అబద్ధపు హామీలు ఇచ్చి ఇప్పుడు మోసం చేస్తున్నారని మండిపడ్డారు. అసెంబ్లీలో ఉద్యమకారుల సంక్షేమ బిల్లు పెడతామని చెప్పి కాలయాపన చేస్తున్నారని ధ్వజమెత్తారు. ప్రభుత్వ అలసత్వాన్ని జాగృతి సహించబోదని ఆమె హెచ్చరించారు. ఉద్యమకారులకు రావాల్సిన భూములను తక్షణమే కేటాయించకుంటే ప్రత్యక్ష భూపోరాటాలు చేపడతామని స్పష్టం చేశారు. అవసరమైతే ఆక్రమించుకుంటామంటూ ఘాటు వ్యాఖ్యలు చేశారు. హక్కుల సాధన కోసం తెలంగాణ గడ్డపై కొట్లాడటం తమకు కొత్త కాదని కార్యకర్తల్లో ధైర్యం నింపారు. కష్టపడి రాష్ట్రం తెచ్చుకున్న వాళ్లం హక్కులను కాపాడుకోలేమా అని ప్రశ్నించారు. మెహదీపట్నం స్టేషన్లో ఉన్న వారితో పాటు నాంపల్లి పంజాగుట్ట వంటి ప్రాంతాల్లో అరెస్టైన వారిని కూడా వదిలిపెట్టాలని కవిత పట్టుబట్టారు. అధికారులతో నిరంతరం సంప్రదింపులు జరుపుతూ అందరి విడుదలకు కృషి చేశారు. అందరూ క్షేమంగా బయటకు వచ్చిన తర్వాతే ఆమె వారిని వెంటబెట్టుకుని స్టేషన్ నుంచి నిష్క్రమించారు. కాంగ్రెస్ వైఖరిపై భవిష్యత్తులో మరిన్ని పోరాటాలు చేస్తామని ఈ సందర్భంగా తెలంగాణ జాగృతి ప్రకటించింది. ఇది కూడా చదవండి: రాజ్యాంగాన్ని మార్చేందుకు బీజేపీ కుట్ర … దక్షిణాదికి అన్యాయం చూస్తే ఊరుకోం….! సీఎం రేవంత్ రెడ్డి

Tag: Telangana jagruthi

Most Read

లంచం తీసుకుంటూ ఏసీబీకి చిక్కిన ఇద్దరు ఉద్యోగులు

సచిన్ టెండూల్కర్ చారిత్రాత్మక రికార్డులకు జో రూట్ చెక్ పెట్టగలడా?

పెళ్లయిన నాలుగు నెలలకే భార్య హత్య

బాటసింగారంలో ఆర్టీసీ బస్సు బీభత్సం.. కారు, ఆటో ధ్వంసం..

EDITOR PICKS

ఉద్యమకారులను జైల్లో పెట్టడం ఏంటి..? కవిత ఆగ్రహం

మహిళా రిజర్వేషన్ బిల్లులో ఓబీసీలకు అన్యాయం.. కల్వకుంట్ల కవిత ధ్వజం

ఆ పార్టీతో కవిత పొత్తు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags