Tamil film latest news - Crime Mirror

తమిళ సినీ పరిశ్రమలో విషాదం నెలకొంది. ప్రముఖ నేపథ్య గాయకుడు కృష్ణరాజ్ రామస్వామి (75) కన్నుమూశారు. కొంతకాలంగా క్యాన్సర్తో పోరాడుతున్న ఆయన గురువారం ఆసుపత్రిలో చికిత్స పొందుతూ తుదిశ్వాస విడిచారు. ఆయన మరణవార్తతో తమిళ సినీ పరిశ్రమలో విషాద ఛాయలు అలుముకున్నాయి. సంగీత ప్రియులు, సినీ ప్రముఖులు ఆయన మృతికి సంతాపం వ్యక్తం చేస్తున్నారు. మూడు వేలకు పైగా పాటలతో ప్రత్యేక గుర్తింపు కృష్ణరాజ్ తన సుదీర్ఘ సంగీత ప్రస్థానంలో వేలాది పాటలకు గాత్రాన్ని అందించారు. తన కెరీర్లో సుమారు 3 వేలకుపైగా పాటలు పాడటంతో పాటు, దాదాపు 300 సినిమాల్లో నేపథ్య గాయకుడిగా పనిచేశారు. తన గాత్రంతో ప్రేక్షకులను ఆకట్టుకుంటూ తమిళ సంగీత ప్రపంచంలో ప్రత్యేక గుర్తింపు సంపాదించుకున్నారు. విభిన్న రకాల పాటలు పాడుతూ సంగీత ప్రియులకు చేరువయ్యారు. దేవా మరణించిన కొద్ది రోజులకే మరో విషాదం ఇటీవల ప్రముఖ సంగీత దర్శకుడు దేవా మరణించిన ఐదు రోజుల వ్యవధిలోనే కృష్ణరాజ్ కన్నుమూయడం కోలీవుడ్లో తీవ్ర విషాదాన్ని నింపింది. దేవా సంగీత దర్శకత్వంలో కృష్ణరాజ్ పలు పాటలు పాడి ప్రేక్షకులను అలరించారు. వీరిద్దరి కలయికలో వచ్చిన పాటలు సంగీత ప్రియుల్లో మంచి ఆదరణ పొందాయి. తమిళ చిత్ర పరిశ్రమకు తమదైన సేవలందించిన ఈ ఇద్దరు కళాకారులు కొద్ది రోజుల వ్యవధిలోనే దూరం కావడం సినీ వర్గాలను కలచివేస్తోంది. కృష్ణరాజ్ మరణంతో ఆయన గాత్రాన్ని అభిమానించే వారు విషాదంలో మునిగిపోయారు. ఆయన అందించిన పాటలు సంగీత ప్రియుల జ్ఞాపకాల్లో ఎప్పటికీ నిలిచిపోనున్నాయి. also read: ఏపీ ఎన్నికల విధుల నుంచి ముగ్గురు ఐపీఎస్లను తొలగించాలి.. ఉన్నతాధికారులకు ఎంపీ గురుమూర్తి లేఖ!

Tag: Tamil film latest news

Most Read

ప్రభాస్ బర్త్‌డే స్పెషల్.. ‘ఫౌజీ’ నుంచి సరికొత్త పోస్టర్ విడుదల.. ఆ వీడియోపై పెరిగిన ఆసక్తి!

తేజ సజ్జా పెళ్లిపై క్లారిటీ.. డిసెంబర్‌లో ఉదయ్‌పుర్‌లో డెస్టినేషన్ వెడ్డింగ్!

హాలీవుడ్‌లో సినిమా చేయడమే నా కోరిక.. ‘వారణాసి’ తర్వాతే ఆలోచిస్తా: రాజమౌళి

కోలీవుడ్‌లో మరో విషాదం… ప్రముఖ గాయకుడు కృష్ణరాజ్ కన్నుమూత..

EDITOR PICKS

కోలీవుడ్‌లో మరో విషాదం… ప్రముఖ గాయకుడు కృష్ణరాజ్ కన్నుమూత..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags