Tag: Sanjay Gandhi National Park

సాధారణంగా కారును పార్కింగ్ చేసి తిరిగి వచ్చినప్పుడు బానెట్ తెరిచి ఇంజిన్ను చెక్ చేస్తుంటారు. కానీ ముంబైలో ఓ కారు యజమానికి మాత్రం ఊహించని షాక్ ఎదురైంది. కారు బానెట్లో ఏకంగా భారీ కొండచిలువ ప్రత్యక్షమైంది. దీంతో స్థానికులు ఒక్కసారిగా భయాందోళనకు గురయ్యారు. ముంబైలోని దహిసర్ వెస్ట్ పరిధిలో ఈ ఘటన చోటుచేసుకుంది. కందర్పడ ప్రాంతంలోని బాపు బాగ్వే రోడ్డులో మహేశ్వర్ బిల్డింగ్ సమీపంలోని పార్కింగ్లో ఓ కారు నిలిపి ఉంది. ఆ సమయంలో కారు బానెట్లో భారీ పాము ఉన్నట్లు గుర్తించారు. వెంటనే బానెట్ తెరిచి పరిశీలించగా.. ఇంజిన్ భాగాన్ని చుట్టుకుని ఉన్న కొండచిలువ కనిపించింది. భయపడిన స్థానికులు వెంటనే పాముల రక్షణ బృందానికి సమాచారం అందించారు. సమాచారం అందుకున్న రెస్క్యూ సిబ్బంది అక్కడికి చేరుకుని కొండచిలువను బయటకు తీసే ప్రక్రియను ప్రారంభించారు. అయితే అది ఇంజిన్ భాగాన్ని గట్టిగా చుట్టుకుని ఉండటంతో రక్షణ చర్యలు సవాల్గా మారాయి. ఎలాంటి ప్రమాదం జరగకుండా రెస్క్యూ సిబ్బంది ఎంతో అప్రమత్తంగా వ్యవహరించారు. కొంతసేపటి ప్రయత్నం అనంతరం కొండచిలువను కారులో నుంచి సురక్షితంగా బయటకు తీశారు. బయటకు తీసే సమయంలో పాము రెస్క్యూ సిబ్బందిని పట్టుకోవడంతో కాసేపు అక్కడ ఉత్కంఠ నెలకొంది. అయినప్పటికీ సిబ్బంది పరిస్థితిని అదుపులోకి తీసుకుని కొండచిలువను ప్రత్యేక సంచిలోకి తరలించారు. అనంతరం కొండచిలువకు వైద్య పరీక్షలు నిర్వహించినట్లు తెలుస్తోంది. పరీక్షల అనంతరం దాన్ని సంజయ్ గాంధీ నేషనల్ పార్క్లో సురక్షితంగా విడిచిపెట్టారు. కారు ఇంజిన్లో ఇంత భారీ కొండచిలువ కనిపించడంతో స్థానికులు ఆశ్చర్యానికి గురయ్యారు. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్గా మారింది. వీడియోలో కారు ఇంజిన్ భాగంలో చిక్కుకున్న కొండచిలువను రెస్క్యూ సిబ్బంది జాగ్రత్తగా బయటకు తీస్తున్న దృశ్యాలు కనిపిస్తున్నాయి. also read: రీల్స్ కోసం రిస్క్.. 30 అడుగుల ఎత్తు నుంచి దూకి రెండు కాళ్లు విరగ్గొట్టుకున్న యువకుడు

Tag: Sanjay Gandhi National Park

Most Read

‘ఎపిక్: ఫస్ట్ సెమిస్టర్‌’కు A సర్టిఫికెట్.. సెప్టెంబర్ 11న థియేటర్లలో సందడి

పంట బోదెలో గుర్తుతెలియని వృద్ధుడి మృతదేహం.. పామర్రులో కలకలం

పల్నాడులో విషాదం.. అబార్షన్ కిట్ వాడిన 17 ఏళ్ల మైనర్ బాలిక మృతి

యంగ్ ఫిల్మ్‌మేకర్లకు గుడ్‌న్యూస్.. ‘యంగ్ ఫిల్మ్‌మేకర్ ఛాలెంజ్-2026’కు దరఖాస్తుల ఆహ్వానం

EDITOR PICKS

కారు బానెట్‌లో భారీ కొండచిలువ.. ముంబైలో హైటెన్షన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags