Salman Khan Comments - Crime Mirror

బాలీవుడ్ స్టార్ హీరో సల్మాన్ ఖాన్ ఫొటోగ్రాఫర్ల వ్యవహారశైలిపై తీవ్రంగా స్పందించారు. ముఖ్యంగా హీరోయిన్లను వెనుక వైపు నుంచి అసభ్యకరంగా ఫొటోలు తీసి సోషల్ మీడియాలో ప్రచారం చేయడాన్ని ఆయన తప్పుబట్టారు. ఇలాంటి ప్రవర్తన వల్ల మహిళలు ఇబ్బందులు ఎదుర్కొంటున్నారని, దీనిపై వారు మౌనంగా ఉండాల్సిన అవసరం లేదని సల్మాన్ వ్యాఖ్యానించారు. ‘బిగ్ బాస్ 20’ వీకెండ్ కా వార్ కార్యక్రమంలో ఈ అంశంపై ఆయన మాట్లాడారు. కొంతమంది ఫొటోగ్రాఫర్లు హీరోయిన్ల ఫొటోలను వారి అనుమతి లేకుండా అభ్యంతరకర కోణాల్లో తీస్తున్నారని సల్మాన్ పేర్కొన్నారు. ప్రతి హీరోయిన్కు ఇలాంటి ఫొటోలు నచ్చుతాయని అనుకోవడం సరికాదన్నారు. కొందరు పట్టించుకోకపోయినా, మరికొందరు తీవ్ర అసౌకర్యానికి గురవుతారని చెప్పారు. ఇటీవల సాయి మంజ్రేకర్ ఇలాంటి పరిస్థితిని ఎదుర్కొని ఇబ్బందిపడిన విషయాన్ని సల్మాన్ ప్రస్తావించారు. గతంలో నేహా ధూపియా కూడా ఇలాంటి ఫొటోగ్రఫీపై అభ్యంతరం వ్యక్తం చేసిన విషయాన్ని గుర్తుచేశారు. అంతేకాదు, తన కుటుంబానికి చెందిన ఓ యువతిని కూడా ఫొటోగ్రాఫర్లు వెనుక నుంచి చిత్రీకరించారని తెలిపారు. ఆ ఫొటోలను సోషల్ మీడియాలో పోస్ట్ చేస్తూ ‘ఈమె ఎవరో గుర్తుపట్టండి?’ వంటి క్యాప్షన్లు పెట్టడం కూడా సల్మాన్కు ఆగ్రహం తెప్పించింది. ఒక వ్యక్తి ఫొటోను ఇలా తీసి ప్రచారం చేసే హక్కును ఎవరు ఇచ్చారని ఆయన ప్రశ్నించారు. ఇలాంటి అనుభవాలు ఎదురైనప్పుడు మహిళలు ధైర్యంగా స్పందించాలని సల్మాన్ సూచించారు. తనకు అసౌకర్యంగా అనిపించే విధంగా ఎవరైనా ఫొటోలు తీస్తే వెంటనే అభ్యంతరం వ్యక్తం చేయాలని అన్నారు. ఇలాంటి ప్రవర్తనను సమర్థించకూడదని, ఫొటోగ్రాఫర్లు కూడా తమ పరిమితులను తెలుసుకోవాలని సూచించారు. ఈ సందర్భంగా కొందరు ఫొటోగ్రాఫర్ల ప్రవర్తనపై సల్మాన్ తీవ్ర అసంతృప్తి వ్యక్తం చేశారు. ఇలాంటి ఫొటోలు తీయడం పట్ల మహిళలు మాత్రమే కాకుండా, ఇప్పుడు తల్లులైన పలువురు కూడా అసహనం వ్యక్తం చేస్తున్నారని పేర్కొన్నారు. ఫొటోగ్రాఫర్ల తీరుపై తాను తీవ్రంగా అభ్యంతరం వ్యక్తం చేస్తున్నానని స్పష్టం చేశారు. ‘బిగ్ బాస్ 20’ వేదికగా సల్మాన్ చేసిన ఈ వ్యాఖ్యలు ప్రస్తుతం చర్చనీయాంశంగా మారాయి. సెలబ్రిటీల వ్యక్తిగత గోప్యత, ఫొటోగ్రఫీ పేరుతో హద్దులు దాటుతున్న కొందరి వ్యవహారంపై మరోసారి చర్చ మొదలైంది. also read: డిస్నీ చరిత్రలో తొలిసారి సీటీవో.. భారత సంతతి టెక్ నిపుణుడు కరణ్దీప్ ఆనంద్కు కీలక బాధ్యతలు

Tag: Salman Khan Comments

Most Read

బాలుడు తన వద్దకు రాలేదని తండ్రి దారుణం.. రెండేళ్ల కొడుకుపై క్రూరంగా దాడి

వరంగల్‌లో దారుణం.. తమ్ముడిపై కత్తితో అన్న దాడి, తమ్ముడు మృతి

గుంటూరులో మోసగాళ్ల వల.. నకిలీ బంగారు చైన్ చూపించి రూ.20 వేల కాజేత

లోహగఢ్‌ కోటపై వ్యాపారవేత్త మృతి.. ప్రమాదం కాదు హత్యే! 5,053 పేజీల ఛార్జ్‌షీట్‌ దాఖలు

EDITOR PICKS

హీరోయిన్ల ఫొటోలు అలా తీయడమేంటి?.. ఫొటోగ్రాఫర్లపై సల్మాన్ ఖాన్ ఫైర్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags