Tag: Rowdy Sheeter Murder Case

క్రైం మిర్రర్ : మీర్పేట్లో జరిగిన రౌడీ షీటర్ దాసరి సురేందర్ అలియాస్ సూరి హత్య కేసును పోలీసులు వేగంగా ఛేదించారు. ఘటన జరిగిన 24 గంటల్లోనే కేసులో సంబంధం ఉన్న ముగ్గురు నిందితులను అరెస్ట్ చేసి కోర్టులో హాజరుపర్చగా, వారిని రిమాండ్కు తరలించారు. మీర్పేట్ ఇన్స్పెక్టర్ శోభన్ వెల్లడించిన వివరాల ప్రకారం.. వరంగల్ జిల్లా నెక్కొండ మండలం నాగారం గ్రామానికి చెందిన దాసరి సురేందర్ అలియాస్ సూరి (41)ను నందనవనం ప్రాంతానికి చెందిన ముగ్గురు వ్యక్తులు హత్య చేసినట్లు దర్యాప్తులో తేలింది. పోలీసుల వివరాల ప్రకారం, ప్రధాన నిందితుడు మహమ్మద్ అర్ఫాస్కు మృతుడు సూరితో గతంలో నుంచి కుటుంబ పరమైన విభేదాలు ఉన్నాయి. తన కుటుంబ సభ్యుల విషయంలో ఏర్పడిన కక్షతోనే ఈ ఘటనకు పాల్పడినట్లు విచారణలో వెల్లడైందని పోలీసులు తెలిపారు. ఈ కేసులో మహమ్మద్ అర్ఫాస్ (22), సుహిద్రమణి స్వామి (19), జంగిలొల్ల నాని (19)లను నిందితులుగా గుర్తించారు. వీరిలో అర్ఫాస్ పంక్చర్ షాపులో పనిచేస్తుండగా, సుహిద్రమణి స్వామి ప్రైవేట్ ఉద్యోగిగా ఉన్నట్లు పోలీసులు పేర్కొన్నారు. సోమవారం రాత్రి 11.44 గంటల సమయంలో నందనవనం ప్రాంతంలో ఓ వ్యక్తిపై కత్తులతో దాడి జరిగినట్లు పోలీసులకు సమాచారం అందింది. వెంటనే అక్కడికి చేరుకున్న పోలీసులు తీవ్ర గాయాలతో ఉన్న సూరిని ఆస్పత్రికి తరలించారు. అయితే అప్పటికే ఆయన మృతి చెందినట్లు వైద్యులు నిర్ధారించారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు. సాంకేతిక ఆధారాలు, విచారణ ఆధారంగా ముగ్గురు నిందితులను అదుపులోకి తీసుకున్నారు. విచారణలో వారు నేరానికి సంబంధించిన వివరాలను వెల్లడించినట్లు పోలీసులు తెలిపారు. అనంతరం నిందితులను న్యాయస్థానంలో హాజరుపర్చగా, కోర్టు ఆదేశాల మేరకు రిమాండ్కు తరలించారు. కేసుకు సంబంధించిన తదుపరి దర్యాప్తు కొనసాగుతోందని పోలీసులు వెల్లడించారు. also read : అనంత్నాగ్లో ఉగ్రదాడి.. సీసీటీవీలో రికార్డైన కాల్పుల దృశ్యాలు

Tag: Rowdy Sheeter Murder Case

Most Read

బీఆర్‌ఎస్ ఎమ్మెల్సీలు తాతా మధు, నవీన్ కుమార్ రెడ్డి అరెస్ట్…

నిజామాబాద్‌లో దారుణం…బంగారం కోసం వృద్ధురాలి చెవులు కోసిన దుండగుడు…

కేబినెట్‌లోకి రాజగోపాల్‌రెడ్డి!?.. వెంకట్‌రెడ్డి విషయంలో ఇదే జరుగుతోంది.!

వైసీపీకి విజయసాయి రెడ్డి స్ట్రాంగ్ వార్నింగ్: రెచ్చగొడితే నష్టం మీకే!

EDITOR PICKS

పగతోనే రౌడీ షీటర్ హత్య.. 24 గంటల్లో ముగ్గురు అరెస్ట్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags