RareFoodHabit - Crime Mirror

తెలంగాణలోని జగిత్యాల జిల్లాలో ఓ మహిళకు సంబంధించిన అరుదైన ఆహారపు అలవాటు ప్రస్తుతం స్థానికంగా చర్చనీయాంశంగా మారింది. రాయికల్ మండలం మైదాపూర్ గ్రామానికి చెందిన కాజమ్మకు అన్నం తినకుండా ఏకంగా మూడు దశాబ్దాలుగా జీవిస్తున్న అలవాటు ఉంది. కుటుంబ సభ్యులు గతంలో "అన్నం పెట్టడం దండగ" అని అన్న ఓ మాటను మనసులో పెట్టుకున్న కాజమ్మ.. అప్పటి నుంచి అన్నానికి దూరంగా ఉంటున్నట్లు చెబుతున్నారు. సుమారు 30 ఏళ్లుగా అన్నం తినకుండా తన జీవనాన్ని కొనసాగిస్తున్నట్లు ఆమె తెలిపారు. ప్రస్తుతం కాజమ్మ రోజుకు దాదాపు 20 కప్పుల టీ తాగుతున్నట్లు చెబుతున్నారు. దీంతో పాటు రోజుకు రెండు, మూడు సార్లు వేరుశనగలు తింటూ జీవనం సాగిస్తున్నారట. ఇవే తనకు ప్రధాన ఆహారంగా మారాయని ఆమె పేర్కొన్నారు. ఇంతకాలం అన్నం తినకపోయినా తనకు ఎలాంటి ఇబ్బంది లేదని, ప్రస్తుతం అన్నం తినాలనే కోరిక కూడా కలగడం లేదని కాజమ్మ చెబుతున్నారు. ఆమె ఆహారపు అలవాట్ల గురించి తెలిసిన స్థానికులు ఆశ్చర్యం వ్యక్తం చేస్తున్నారు. సాధారణంగా మన ఆహారంలో అన్నం ప్రధాన భాగంగా ఉండగా.. మూడు దశాబ్దాలుగా దానికి దూరంగా ఉంటూ టీ, వేరుశనగలతో జీవనం సాగిస్తున్న కాజమ్మ విషయం గ్రామంలో ఆసక్తికర చర్చకు దారితీసింది. అయితే ఇలాంటి అసాధారణ ఆహారపు అలవాట్లు ఆరోగ్యంపై ఎలాంటి ప్రభావం చూపుతాయనే అంశంపై వైద్యుల సూచనలు తీసుకోవడం మంచిదని నిపుణులు చెబుతున్నారు. also read: రామ్ చరణ్ శ్రీకృష్ణుడిగా.. ‘లాలో’ తెలుగు రీమేక్లో గ్లోబల్ స్టార్?

Tag: RareFoodHabit

Most Read

కాంగ్రెస్ లో నిస్తేజం…!

వినాయక చవితికి తెలంగాణ పోలీసుల సైబర్ అలర్ట్.. గణేశుడి రూపంలో కీలక సందేశం!

కీవ్‌పై భారీ రష్యా దాడులు.. ముగ్గురు చిన్నారులు సహా 12 మంది మృతి- మృతుల్లో ఒకరు భారతీయుడిగా గుర్తింపు

వివాహేతర సంబంధం ఆరోపణలు.. వ్యక్తికి చెప్పుల దండతో ఊరేగింపు

EDITOR PICKS

30 ఏళ్లుగా అన్నానికి దూరం.. రోజూ 20 టీలు, వేరుశనగలతోనే జీవనం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags