Police action press misuse

Press: రాష్ట్రంలో వాహనాలపై Press అనే పదం వినియోగంపై ప్రభుత్వం కఠిన నిర్ణయం తీసుకుంది. జర్నలిస్టుల పేరుతో జరుగుతున్న దుర్వినియోగాన్ని అరికట్టే దిశగా రాష్ట్ర సమాచార పౌర సంబంధాల శాఖ కీలక ఆదేశాలు జారీ చేసింది. ఇక నుంచి ప్రభుత్వ గుర్తింపు పొందిన అక్రిడిటేషన్ కార్డు ఉన్న జర్నలిస్టులు మాత్రమే తమ వాహనాలపై Press అని వ్రాసుకునే హక్కు ఉంటుందని స్పష్టం చేసింది. దీనికి సంబంధించిన అధికారిక మెమోను సమాచార శాఖ కమిషనర్ విడుదల చేశారు. సెంట్రల్ మోటార్ వెహికల్ చట్టం 1989 ప్రకారం అనుమతి లేకుండా వాహనాలపై లేదా నెంబర్ ప్లేట్లపై Press అనే పదాన్ని వినియోగించడం చట్టరీత్యా నేరమని ప్రభుత్వం గుర్తు చేసింది. గత కొంతకాలంగా ప్రైవేట్ సంస్థల ఐడీ కార్డులు, నకిలీ గుర్తింపులతో కొందరు వ్యక్తులు తమ వాహనాలపై Press స్టిక్కర్లు అతికించడం ద్వారా అధికారులపై ఒత్తిడి తెచ్చే ప్రయత్నాలు చేస్తున్నారని అనేక ఫిర్యాదులు అందినట్లు అధికారులు పేర్కొన్నారు. ఈ నేపథ్యంలోనే ప్రభుత్వం ఈ కీలక నిర్ణయం తీసుకున్నట్లు స్పష్టమవుతోంది. రాష్ట్రవ్యాప్తంగా ఈ నిబంధనలు ఖచ్చితంగా అమలయ్యేలా జిల్లా పౌర సంబంధాల అధికారులకు స్పష్టమైన ఆదేశాలు జారీ అయ్యాయి. ప్రతి జిల్లా పరిధిలో అక్రిడిటేషన్ కార్డు లేని వ్యక్తులు తమ వాహనాలపై ఉన్న Press లోగోలను వెంటనే తొలగించేలా చర్యలు తీసుకోవాలని డీపీఆర్ఓలను ఆదేశించారు. ప్రభుత్వ గుర్తింపు లేని జర్నలిస్టులు వాహనాలపై Press అనే పదాన్ని కొనసాగిస్తే చర్యలు తప్పవని హెచ్చరించారు. ప్రస్తుతం అనేక మీడియా సంస్థల్లో పనిచేస్తున్న కొంతమంది జర్నలిస్టులు తమ సంస్థలు ఇచ్చిన ఐడీ కార్డుల ఆధారంగా వాహనాలపై Press స్టిక్కర్లు వాడుతున్నారు. తాజా ఉత్తర్వులతో అక్రిడిటేషన్ లేని వారికి ఇబ్బందులు ఎదురయ్యే అవకాశం ఉంది. అయితే నకిలీ జర్నలిస్టుల పేరుతో జరుగుతున్న అక్రమాలను అరికట్టడం, నిజమైన జర్నలిస్టులకు స్పష్టమైన గుర్తింపు కల్పించడమే ఈ నిర్ణయానికి ప్రధాన ఉద్దేశ్యమని అధికారులు వెల్లడిస్తున్నారు. నిబంధనలు అతిక్రమించిన వారిపై రవాణా శాఖ, పోలీస్ శాఖ ద్వారా జరిమానాలు విధించే అవకాశముందని ప్రభుత్వం హెచ్చరించింది. అవసరమైతే వాహనాలపై ఉన్న Press లోగోలను బలవంతంగా తొలగించే చర్యలు కూడా చేపట్టవచ్చని స్పష్టం చేసింది. ఈ నిర్ణయం జర్నలిజం వృత్తికి గౌరవం పెంచే దిశగా, ప్రజల్లో నమ్మకాన్ని బలోపేతం చేసే చర్యగా ప్రభుత్వం భావిస్తోంది. నిజమైన జర్నలిస్టులు తమ అక్రిడిటేషన్ కార్డులను తప్పనిసరిగా పొందాలని, నిబంధనలకు అనుగుణంగా వ్యవహరించాలని ప్రభుత్వం సూచించింది. ఈ మార్పులతో రాష్ట్రంలో ప్రెస్ గుర్తింపు వ్యవస్థ మరింత క్రమబద్ధంగా మారనుందని అధికారులు అంచనా వేస్తున్నారు. ALSO READ: భోజనం చివరలో పెరుగు తింటే ఇన్ని లాభాలా?

Tag: Police action press misuse

Most Read

దాణా బస్తాల భారం.. పాడి రైతు దివాళా

సికింద్రాబాద్‌లో గంజాయి క‌ల‌క‌లం…! నిందితుల‌ అరెస్టు

తమిళనాడులో ఎన్డీఏలోకి విజయ్ పార్టీ!.. ఫలించిన పవన్ దౌత్యం

పదో తరగతి విద్యార్థులకు ఉచిత పరీక్షా ప్యాడ్లు, జ్యామెట్రీ బాక్స్‌ల పంపిణీ

EDITOR PICKS

Press: వాహనాలపై స్టిక్కర్లు.. తెలంగాణ సర్కార్ కీలక నిర్ణయం

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US