Peddi Review - Crime Mirror

పాన్ ఇండియా స్టార్ రామ్ చరణ్ హీరోగా, బుచ్చిబాబు సాన దర్శకత్వంలో తెరకెక్కిన చిత్రం ‘పెద్ది’. జాన్వీ కపూర్ హీరోయిన్గా నటించగా, జగపతిబాబు, శివరాజ్కుమార్, అజయ్ ఘోష్ తదితరులు కీలక పాత్రలు పోషించారు. ఉత్తరాంధ్ర గ్రామీణ నేపథ్యం, క్రీడల అంశాలతో రూపొందిన ఈ సినిమా ఇవాళ(జూన్ 4) ప్రేక్షకుల ముందుకు వచ్చింది. కథ విషయానికి వస్తే.. విజయనగరం జిల్లాలోని ఓ కొండ ప్రాంతంలో ఉన్న చిన్న గ్రామానికి సరైన గుర్తింపు ఉండదు. అక్కడ నివసించే 1800 మంది ప్రజలు కనీస సౌకర్యాలు లేక ఇబ్బందులు పడుతుంటారు. ఆ గ్రామానికి చెందిన పెద్ది (రామ్ చరణ్)కి క్రికెట్ అంటే ప్రాణం. మంచి ఆటగాడైన అతను ఇతర జట్ల కోసం ఆడి విజయాలు అందిస్తుంటాడు. అయితే ఒక ఘటన అతని జీవితాన్ని మలుపుతిప్పుతుంది. అక్కడి నుంచి క్రికెట్ను దాటి కుస్తీ, రన్నింగ్ వంటి క్రీడల్లో అడుగుపెడతాడు. తన గ్రామానికి దేశవ్యాప్తంగా గుర్తింపు తీసుకురావాలనే లక్ష్యంతో అతను చేసిన పోరాటమే సినిమా ప్రధాన కథ. క్లైమాక్స్ లో క్రేజీ ట్విస్ట్ సినిమా ప్రారంభంలో గ్రామ పరిస్థితులు, పాత్రల పరిచయానికి దర్శకుడు ఎక్కువ సమయం కేటాయించాడు. మొదటి భాగం కొంత నెమ్మదిగా సాగిన భావన కలిగించినా, అప్పలసూరి పాత్ర చుట్టూ జరిగే సంఘటనల తర్వాత కథ ఆసక్తికరంగా మారుతుంది. ముఖ్యంగా ఇంటర్వెల్ తర్వాత వచ్చే కుస్తీ పోటీలు, భావోద్వేగ సన్నివేశాలు ఆకట్టుకుంటాయి. క్లైమాక్స్ లో వచ్చే ట్విస్ట్ ప్రేక్షకులను ఆశ్చర్యపరుస్తుంది. ఎవరి నటన ఎలా ఉంది? నటన పరంగా రామ్ చరణ్ తన కెరీర్లో గుర్తుండిపోయే ప్రదర్శన ఇచ్చాడు. క్రీడా సన్నివేశాలు, యాక్షన్ ఎపిసోడ్స్, భావోద్వేగ క్షణాల్లో అద్భుతంగా మెప్పించాడు. జాన్వీ కపూర్ తన పాత్రకు న్యాయం చేసింది. జగపతిబాబు, శివరాజ్కుమార్ పాత్రలు కూడా సినిమాకు బలంగా నిలిచాయి. టెక్నికల్ వ్యాల్యూస్ ఎలా ఉన్నాయి? సాంకేతికంగా సినిమాకు మంచి మార్కులు పడతాయి. సినిమాటోగ్రఫీ, నిర్మాణ విలువలు ఆకట్టుకుంటాయి. ఏఆర్ రెహమాన్ పాటలు బాగున్నప్పటికీ, కొన్ని చోట్ల నేపథ్య సంగీతం అంతగా ప్రభావం చూపలేదు. అలాగే సినిమా నిడివి కొంచెం ఎక్కువగా అనిపిస్తుంది. సినిమా ఎలా ఉంది? మొత్తంగా చూస్తే ‘పెద్ది’ రామ్ చరణ్ వన్ మ్యాన్ షోగా నిలిచే ఎమోషనల్ స్పోర్ట్స్ డ్రామా. కొన్ని లోపాలు ఉన్నప్పటికీ, అభిమానులకు మాత్రం పూర్తి స్థాయి వినోదాన్ని అందించే సినిమా.

Tag: Peddi Review

Most Read

చాణక్య నీతి.. భార్యభర్తల బంధాన్ని నాశనం చేసే అలవాట్లు ఇవే..

నెమలి పిల్లల్ని మీరెప్పుడైనా చూశారా..?

బుచ్చిబాబు టేకింగ్ మైండ్ బ్లోయింగ్

Longest Divorce Cases: విడాకులు ఆలస్యమైనా.. పరిహారం మాత్రం ‘జాక్‌పాట్’లా వచ్చింది!

EDITOR PICKS

Peddi Movie Review: గ్రామం కోసం ‘పెద్ది‘ పోరాటం.. బుచ్చిబాబు మ్యాజిక్ మళ్లీ పనిచేసిందా?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel