Pakistan Sign Off - Crime Mirror

టీ20 వరల్డ్ కప్లో ముగిసిన పాకిస్థాన్ 5 పరుగులతో శ్రీలంకపై పాక్ గెలుపు అయినా, సిరీస్ నుంచి ఔట్ సెమీస్ కు చేరిన న్యూజిలాండ్ టీ20 వరల్డ్కప్లో పాకిస్థాన్ కథ ముగిసింది. సూపర్-8లో భాగంగా గ్రూప్-2లో జరిగిన కీలక మ్యాచ్లో పాక్ 5 పరుగులతో శ్రీలంకపై గెలిచింది. పాక్ నాకౌట్ చేరాలంటే ఈ మ్యాచ్లో గెలుపుతోపాటు కివీస్ కంటే మెరుగైన రన్రేట్ సాధించాలి. ఈ క్రమంలో టాస్ ఓడి బ్యాటింగ్కు దిగిన పాక్ 20 ఓవర్లలో 212/8 స్కోరు చేసింది. ప్లేయర్ ఆఫ్ ద మ్యాచ్ సాహిబ్జాదా ఫర్హాన్ (60 బంతుల్లో 9 ఫోర్లు, 5 సిక్స్ లతో 100) సెంచరీ చేయగా.. ఫఖర్ జమాన్ (84) రాణించాడు. మదుశంక 3, షనక 2 వికెట్లు పడగొట్టారు. అయితే, సెమీస్ బెర్త్ను సొంతం చేసుకోవాలంటే లంకను 147, అంతకంటే తక్కువ పరుగులకే కట్టడి చేయాల్సిన పరిస్థితి. దుమ్మురేపిన కెప్టెన్ షనక కెప్టెన్ షనక (31 బంతుల్లో 2 ఫోర్లు, 8 సిక్స్లతో 76 నాటౌట్), పవన్ రత్నాయకె (58) అర్ధ శతకాలతో పోరాడడంతో.. ఛేదనలో లంక ఓవర్లన్నీ ఆడి 207/6 స్కోరు మాత్రమే చేయగలిగింది. మిషార (26), అసలంక (25) రాణించారు. విజయానికి చివరి ఓవర్లో 28 రన్స్ కావాల్సి ఉండగా.. షనక అద్భుత బ్యాటింగ్తో పాక్కు ముచ్చెమటలు పట్టించాడు. అఫ్రీది వేసిన ఆఖరి ఓవర్లో తొలి నాలుగు బంతుల్లో ఫోర్, మూడు సిక్స్ లతో 22 పరుగులు రాబట్టాడు. గెలుపునకు 6 రన్స్ అవసరమ వగా.. తెలివిగా బంతులేసిన అఫ్రీది.. షనక షాట్లు ఆడకుండా కట్టడి చేశాడు. అంతకుముందు ఓపెనర్లు ఫర్హాన్, ఫఖర్ తొలి వికెట్కు 176 పరుగుల భాగస్వామ్యంతో అదిరే ఆరంభాన్నిచ్చారు. అయితే, డెత్ ఓవర్లలో క్రమం తప్పకుండా వికెట్లు పడగొట్టిన లంక.. కొంతమేర ప్రత్యర్థి జోరుకు బ్రేకులేసింది. 15.4 ఓవర్లలో పాక్ 176/0తో భారీ స్కోరు చేసేలా కనిపించింది. కానీ, ఫఖర్ను చమీర ఎప్పుడైతే అవుట్ చేశాడో.. అప్పటి నుంచి పాక్ బ్యాటింగ్ పేకమేడలా కూలింది. 26 బంతుల్లో.. 36 రన్స్ తేడాతో 8 వికెట్లు కోల్పోయింది. సెంచరీ పూర్తి చేసుకొన్న ఫర్హాన్ను ఆఖరి ఓవర్లో మదుశంక అవుట్ చేశాడు.

Tag: Pakistan Sign Off

Most Read

Singapore Fitness Trend: 60 ఏళ్ల వయసులో కూడా యవ్వనంగా… వైరల్ అవుతున్న సింగపూర్ కొత్త ఫిట్నెస్ ట్రెండ్!

Tollywood: సంక్షోభంలో టాలీవుడ్… థియేటర్లు మూసేస్తామంటూ హెచ్చరిక…!

Peddi New Release Date: మళ్లీ వాయిదా పడిన రామ్ చరణ్ పెద్ది…! ఈసారి విడుదల ఎప్పుడంటే!

రాజకీయాలను వదిలే ప్రసక్తి లే…!

EDITOR PICKS

T20 World Cup 2026: టీ20 వరల్డ్ కప్ నుంచి పాకిస్తాన్ ఔట్, శ్రీలంకతో మ్యాచ్ లో గెలిచినా నో యూజ్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending