Paddy Smuggling Prevention

అంతర్రాష్ట్ర సరిహద్దులో ప్రత్యేక తనిఖీ కేంద్రం ఏర్పాటు ధాన్యం కొనుగోళ్లలో అక్రమాలకు అడ్డుకట్టే లక్ష్యం 24 గంటల పాటు నిరంతర తనిఖీలు నిర్వహించాలని అదనపు కలెక్టర్ ఆదేశం భూపాలపల్లి, క్రైమ్ మిర్రర్: ధాన్యం అక్రమ రవాణాను అరికట్టి, స్థానిక రైతులకు ప్రభుత్వం ప్రకటించిన కనీస మద్దతు ధర అందేలా చర్యలు చేపట్టినట్లు రెవెన్యూ అదనపు కలెక్టర్ అశోక్ కుమార్ తెలిపారు. జయశంకర్ భూపాలపల్లి జిల్లా మహాదేవపూర్ మండలం కాళేశ్వరం గ్రామంలోని అంతర్రాష్ట్ర సరిహద్దు చెక్పోస్ట్ వద్ద ప్రత్యేక తనిఖీ కేంద్రాన్ని ఏర్పాటు చేశారు. శనివారం పౌర సరఫరాలు, పోలీస్, పంచాయతీ శాఖల అధికారులు, సిబ్బందితో కలిసి ఆయన తనిఖీ కేంద్రాన్ని ప్రారంభించారు. అక్రమ రవాణాకు అడ్డుకట్ట.. రైతులకు భరోసా.. ఈ సందర్భంగా అదనపు కలెక్టర్ అశోక్ కుమార్ మాట్లాడుతూ.. రైతులు పండించిన ధాన్యానికి ప్రభుత్వం ప్రకటించిన కనీస మద్దతు ధర లభించేలా చూడటమే లక్ష్యమన్నారు. పొరుగు రాష్ట్రాల నుంచి ధాన్యాన్ని అక్రమంగా తెలంగాణలోకి తరలించకుండా నిరోధించేందుకు ప్రత్యేక తనిఖీ కేంద్రాన్ని ఏర్పాటు చేసినట్లు వివరించారు. ధాన్యం కొనుగోళ్లలో అక్రమాలకు తావులేకుండా, రైతుల ప్రయోజనాలను కాపాడేందుకు జిల్లా యంత్రాంగం ప్రత్యేక చర్యలు తీసుకుంటోందని పేర్కొన్నారు. 24 గంటల పాటు నిఘా.. ప్రతి వాహనంపై తనిఖీ... కాళేశ్వరం అంతర్రాష్ట్ర సరిహద్దు చెక్పోస్ట్ వద్ద పోలీస్, పౌర సరఫరాల శాఖ అధికారులు సమన్వయంతో 24 గంటల పాటు నిరంతర తనిఖీలు నిర్వహించాలని అదనపు కలెక్టర్ ఆదేశించారు. సరిహద్దు దాటి వచ్చే ప్రతి వాహనాన్ని క్షుణ్ణంగా పరిశీలించాలని, విధుల నిర్వహణలో ఎలాంటి నిర్లక్ష్యానికి తావులేకుండా అప్రమత్తంగా ఉండాలని సిబ్బందికి సూచించారు. పారదర్శకంగా ధాన్యం కొనుగోళ్లు... రైతుల సంక్షేమం, వారు పండించిన పంటకు గిట్టుబాటు ధర కల్పించడం ప్రభుత్వ ప్రధాన లక్ష్యమని అదనపు కలెక్టర్ స్పష్టం చేశారు. ధాన్యం కొనుగోళ్ల ప్రక్రియ పారదర్శకంగా జరిగేలా సంబంధిత శాఖల అధికారులు పరస్పర సమన్వయంతో పనిచేయాలని సూచించారు. ఈ కార్యక్రమంలో పౌర సరఫరాల అధికారి కిరణ్ కుమార్, డీఎం రాములు, పోలీస్, రెవెన్యూ శాఖల అధికారులు, సిబ్బంది తదితరులు పాల్గొన్నారు. ఇవి కూడ చదవండి: AP కి తుఫాన్ ముప్పు: భారీ వర్షాలు కురిసే అవకాశం.. హెల్ప్లైన్ నంబర్లు ఇవే! ముంబై ఇండియన్స్ హెడ్ కోచ్గా కీరన్ పొలార్డ్ నియామకం! ముంబై ఇండియన్స్ హెడ్ కోచ్గా కీరన్ పొలార్డ్ నియామకం! మహిళా నాయకులపై దాడులా?.. చంద్రబాబు తీరుపై వైఎస్ జగన్ తీవ్ర ఆగ్రహం!

Tag: Paddy Smuggling Prevention

Most Read

అమెరికా పోలీసులకు చిక్కిన ఇద్దరు భారత గ్యాంగ్‌స్టర్లు

భర్తల చేతిలో భార్యల హతం.. ! శివన్నగూడెంలో వరుస హత్యల కలకలం…

కాళేశ్వరం చెక్‌పోస్ట్ వద్ద ధాన్యం అక్రమ రవాణాకు చెక్…!

అనుమ‌తి లేకుండా ఫోటోలు తీశారు…! అలా చేయ‌డంతో మాన‌సికంగా ప్ర‌భావం చూపింది…అనుప‌మ‌

EDITOR PICKS

కాళేశ్వరం చెక్‌పోస్ట్ వద్ద ధాన్యం అక్రమ రవాణాకు చెక్…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags