Nerve weakness - Crime Mirror

క్రైమ్ మిర్రర్, హెల్త్ న్యూస్:- నరాల బలహీనత అనేది ప్రస్తుతం చాలా మందిలో కనిపిస్తున్న సాధారణ సమస్య. చేతులు, కాళ్లలో తిమ్మిర్లు, మంట, జలదరింపు, బలహీనత వంటి లక్షణాలు ఉంటే నరాల ఆరోగ్యంపై దృష్టి పెట్టాల్సిన సమయం వచ్చినట్టే. సరైన పోషకాహారం తీసుకుంటే నరాలు బలపడటంతో పాటు శరీర పనితీరు కూడా మెరుగవుతుంది. బి విటమిన్లు నరాల ఆరోగ్యానికి విటమిన్ బి12, బి6, ఫోలేట్ కీలక పాత్ర పోషిస్తాయి. ఇవి నరాల చుట్టూ ఉండే రక్షణ పొరను కాపాడి, మెదడు నుంచి శరీరానికి సంకేతాలు సరిగ్గా చేరేలా చేస్తాయి. గుడ్లు, చేపలు, పాలు, పెరుగు, చికెన్, ఆకుకూరలు, తృణధాన్యాల్లో ఈ పోషకాలు ఎక్కువగా ఉంటాయి. ముఖ్యంగా బి12 లోపం ఉంటే చేతులు, కాళ్లలో తిమ్మిర్లు ఎక్కువగా కనిపిస్తాయి. ఒమేగా-3 ఒమేగా-3 ఫ్యాటీ యాసిడ్లు నరాల మరమ్మత్తుకు సహాయపడతాయి. ఇవి నరాల్లో వచ్చే వాపును తగ్గించి, వాటి పనితీరును మెరుగుపరుస్తాయి. చేపలు, అవిసె గింజలు, చియా సీడ్స్, వాల్నట్స్ వంటి ఆహారాల్లో ఒమేగా-3 పుష్కలంగా ఉంటుంది. వీటిని తరచూ ఆహారంలో చేర్చడం మంచిది. యాంటీఆక్సిడెంట్ల నరాలను దెబ్బతీసే ఫ్రీ రాడికల్స్ నుంచి రక్షించడంలో యాంటీఆక్సిడెంట్లు కీలకంగా పనిచేస్తాయి. నారింజ, స్ట్రాబెర్రీ, క్యారెట్, టమాటా, పాలకూర వంటి ఆహారాల్లో ఇవి ఎక్కువగా ఉంటాయి. వీటిని తీసుకోవడం వల్ల నరాల పనితీరు మెరుగుపడటంతో పాటు రోగనిరోధక శక్తి కూడా పెరుగుతుంది. మెగ్నీషియం, పొటాషియం నరాలు, కండరాలు సరిగా పనిచేయాలంటే మెగ్నీషియం, పొటాషియం చాలా అవసరం. అరటిపండ్లు, బాదం, జీడిపప్పు, బీన్స్, ఆకుకూరలు, కొబ్బరి నీళ్లు వంటి ఆహారాల్లో ఇవి లభిస్తాయి. అలాగే రోజూ తగినంత నీరు తాగడం కూడా నరాల ఆరోగ్యానికి ఎంతో మేలు చేస్తుంది. ఈ అలవాట్లు మానేయాలి అధికంగా చక్కెర తీసుకోవడం, ప్రాసెస్డ్ ఫుడ్స్ తినడం, ధూమపానం, మద్యం సేవించడం వల్ల నరాలు దెబ్బతినే ప్రమాదం పెరుగుతుంది. రోజూ కనీసం 30 నిమిషాలు నడక, యోగా లేదా సైక్లింగ్ వంటి వ్యాయామాలు చేయడం మంచిది. మంచి నిద్ర, ఒత్తిడి నియంత్రణ కూడా నరాలను ఆరోగ్యంగా ఉంచడంలో కీలక పాత్ర పోషిస్తాయి. నిరంతరం తిమ్మిర్లు లేదా నరాల నొప్పులు ఉంటే వైద్యులను సంప్రదించడం ఉత్తమం.

Tag: Nerve weakness

Most Read

‘పెద్ది’ ఎందుకు చూడాలి…?

నయనతార భర్తతో 3 ఏళ్ల రిలేషన్షిప్.. ఆసక్తికర విషయాలు బయటపెట్టిన జూ. ఎన్టీఆర్ నటి!

నేడు కూటమి నేతల కీలక సమావేశం

Aamir Khan: మూడో పెళ్లికి సిద్ధమైన స్టార్ హీరో.. పెళ్లి డేట్ ఫిక్స్!

EDITOR PICKS

నరాలు స్ట్రాంగ్ కావాలంటే ఇవి తప్పనిసరి..!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel