#MUSIMASTERPLAN - Crime Mirror

ప్రభుత్వం ప్రతిష్టాత్మకంగా చేపట్టిన మూసీ అభివృద్ధి ప్రాజెక్టులో భాగంగా పక్కా ప్లాన్ ప్రకారం మూసీ పరిసరాలను అభివృద్ధి చేయాలని ప్రభుత్వం నిర్ణయించింది. ఇందులో భాగంగా మూసీ రివర్ డెవలప్మెంట్ కార్పొరేషన్లిమిటెడ్ ప్రత్యేక మాస్టర్ ప్లాన్ రూపొందించాలని డిసైడ్ అయ్యింది. ఇప్పటికే ఉన్న ఐదు మాస్టర్ ప్లాన్లకు అదనంగా కొత్త ప్లాన్ రూపొందించనుంది. బల్దియా, హుడా, సైబరాబాద్, ఎయిర్పోర్ట్ డెవలప్మెంట్ అథారిటీ, హెచ్ఎండీఏ పరిధిలో ఉన్న మూసీ పరిసరాల కోసం ప్రత్యేకంగా 125 కిలోమీటర్ల పరిధిలో ప్లాన్ తయారు చేయనున్నారు. ఇందులో ఒక కంపెనీకి టెండర్లు ఖరారు చేసే అవకాశం ఉందని అధికారులు తెలిపారు. టెండర్ దక్కించుకున్న కంపెనీ డిసెంబర్ నాటికి మాస్టర్ ప్లాన్ను సిద్ధం చేస్తుందని అధికారులు తెలిపారు. ఇప్పటికే ఫీల్డ్ లెవల్లో అధికారులు సర్వే పూర్తి చేశారు. 125 కిలోమీటర్ల విస్తీర్ణంలో మూసీ మాస్టర్ ప్లాన్ సిద్ధం చేయాలని, అలాగే నదికి రెండు వైపులా కిలోమీటర్ పరిధిని గ్రోత్ కారిడార్ల గా అభివృద్ధి చేయాలని ప్రతిపాదించారు. మొత్తం నాలుగు జోన్లుగా అభివృద్ధి చేయాలని. ఇందులో హెరిటేజ్, రిక్రియేషన్, ఎకలాజికల్, మెట్రో జోన్లు ఉండనున్నాయి. మూసీ చుట్టూ చారిత్రక కట్టడాలను కాపాడడం, వాటిని అందంగా తీర్చిదిద్ది టూరిజం హబ్గా రూపొందించాలని కూడా ప్రపోజల్ సిద్ధం చేశారు. మూసీ ప్రాజెక్టు పూర్తి చేసిన తర్వాత నగరానికి భారీ సంఖ్యలో టూరిస్టులు వచ్చే అవకాశం ఉన్న దృష్ట్యా ప్రత్యేకంగా టూరిజం అభివృద్ధి చేసేందుకు మాస్టర్ ప్లాన్ రిక్రియేషన్ జోన్ ను రూపొందించేందుకు సన్నాహాలు చేస్తున్నారు. ఈ జోన్ లో భాగంగా పార్కుల నిర్మాణం, ఓపెన్ స్పేస్తో పాటు కమర్షియల్ కాంప్లెక్స్ లు, ఎంటర్టైన్మెంట్ కేంద్రాలు లను ఏర్పాటు చేస్తారు. ఎకలాజికల్జోన్లో పర్యావరణ అభివృద్ధి, మూసీలో నీటి నాణ్యతను పెంచడం, వరద నిర్వహణ, పర్యావరణ వ్యవస్థను అంచనా వేయడంతోపాటు భూ వినియోగంపై ప్రణాళికలు రూపొందిస్తారు. డ్రింకింగ్వాటర్, కరెంట్, ట్రంక్లైన్స్, సైకిల్ట్రాక్ ల వంటి సౌకర్యాలను అందుబాటులోకి తీసుకురానున్నారు. మెట్రోజోన్లో నది చుట్టూ హైరైజ్ భవనాలు, కమర్షియల్కాంప్లెక్స్లు, లాజిస్టిక్ హబ్స్ వంటివి తీసుకు రానున్నారు. మూసీకి ప్రత్యేక మాస్టర్ ప్లాన్ రూపొందించడం ద్వారా అభివృద్ధికే ఎక్కువ ప్రాధాన్యత ఇవ్వాలని అధికారులు నిర్ణయించారు. మూసీకి తూర్పున గౌరెల్లి నుంచి పశ్చిమాన నార్సింగ్ ఔటర్ రింగ్ రోడ్ వరకూ మూసీని అభివృద్ధి చేయనున్నారు. మొత్తం 55 కిలోమీట్ల పరిధిలో ఈ ప్రాజెక్టు రూపుదిద్దుకోనుంది. నది వెడల్పు 300 మీటర్లు కాగా, ఇరువైపులా ఒక కిలోమీటర్ పరిధిని గ్రోత్ కారిడార్ గా డెవలప్ చేయనున్నారు. మాస్టర్ ప్లాన్ కు అనుగుణంగా వివిధ రకాల అభివృద్ధి పనులను చేపట్టనున్నారు. మూసీలో నిర్వాసితులకు పునరరావాసం కల్పించిన తరువాత మాస్టర్ ప్లాన్కు సంబంధించిన పనులు కూడా ప్రారంభంకానున్నాయి

Tag: #MUSIMASTERPLAN

Most Read

వామపక్షాలకు కవిత గాలం…!

జనసేన ఎమ్మెల్యే పై ఈసీకి ఫిర్యాదు…!

భర్తకు అనారోగ్యం.. కానీ వెనుకడుగు వేయని మహిళ

గులాబీ పార్టీలో కొత్త గుబులు…!

EDITOR PICKS

రేవంత్ మాస్టర్ ప్లాన్.. మూడేళ్లలో మూసీ దశమారినట్టే!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending