music copyright - Crime Mirror

ప్రముఖ సంగీత దర్శకుడు ఇళయరాజాకు ఢిల్లీ హైకోర్టులో చిక్కులు ఎదురయ్యాయి. గతంలో న్యాయస్థానం ఇచ్చిన ఉత్తర్వులను ఆయన ఉల్లంఘిస్తున్నారంటూ ప్రముఖ మ్యూజిక్ సంస్థ సరిగమ దాఖలు చేసిన కోర్టు ధిక్కరణ పిటిషన్పై హైకోర్టు స్పందించింది. ఈ వ్యవహారంపై వివరణ ఇవ్వాలంటూ ఇళయరాజాకు నోటీసులు జారీ చేసింది. సరిగమ తన పిటిషన్లో ఇళయరాజాపై పలు ఆరోపణలు చేసింది. తమ సంస్థకు కాపీరైట్ హక్కులు ఉన్న కొన్ని పాటలను ఇళయరాజా వాణిజ్య అవసరాల కోసం ఉపయోగిస్తున్నారని పేర్కొంది. గతంలో కోర్టు విధించిన స్టే ఉత్తర్వులు అమల్లో ఉన్నప్పటికీ వాటిని పట్టించుకోకుండా పాటలను వినియోగిస్తున్నారని ఆరోపించింది. ఈ నేపథ్యంలో ఇళయరాజాపై కోర్టు ధిక్కరణ చర్యలు తీసుకోవాలని సరిగమ న్యాయస్థానాన్ని కోరింది. అంతేకాకుండా, తమ హక్కులకు సంబంధించిన నష్టాన్ని భర్తీ చేసేందుకు ఆయన ఆస్తులను జప్తు చేసి, వాటి విక్రయం ద్వారా వచ్చే మొత్తాన్ని తమకు చెల్లించేలా ఆదేశించాలని కూడా పిటిషన్లో విజ్ఞప్తి చేసింది. ఇళయరాజా స్వరపరిచిన పలు సినిమాల పాటలకు సంబంధించిన కాపీరైట్ హక్కులు తమవేనని సరిగమ గతంలోనే కోర్టును ఆశ్రయించింది. అయితే, ఆయా పాటలపై తనకున్న హక్కులను ప్రస్తావిస్తూ ఇళయరాజా వాటిని వాణిజ్యపరంగా ఉపయోగిస్తున్నారని సంస్థ వాదిస్తోంది. ఈ వివాదంపై గత విచారణలో న్యాయస్థానం స్టే ఉత్తర్వులు జారీ చేసింది. అయితే ఆ ఆదేశాలు ఉన్నప్పటికీ ఇళయరాజా వాటిని ఉల్లంఘిస్తున్నారని సరిగమ తాజాగా కోర్టు దృష్టికి తీసుకెళ్లింది. పిటిషన్ను పరిశీలించిన ఢిల్లీ హైకోర్టు.. ఆరోపణలపై స్పందించాలని ఇళయరాజాను ఆదేశిస్తూ నోటీసులు జారీ చేసింది. తదుపరి విచారణను వాయిదా వేసింది. ప్రస్తుతం ఇళయరాజా నుంచి వచ్చే వివరణపై ఈ కేసులో తదుపరి పరిణామాలు ఆధారపడి ఉన్నాయి. కాపీరైట్ హక్కుల విషయంలో ఇళయరాజా, సరిగమ మధ్య కొనసాగుతున్న వివాదం మరోసారి న్యాయస్థానం ముందుకు రావడంతో ఈ అంశం సినీ, సంగీత వర్గాల్లో ఆసక్తిని రేకెత్తిస్తోంది. also read: మేనల్లుడి పార్టీ మార్పు అంశం.. వేదికపైనే కంటతడి పెట్టిన బొత్స సత్యనారాయణ

Tag: music copyright

Most Read

మద్యం మత్తులో ఆలయంలో చోరీ.. రెండున్నరేళ్ల తర్వాత పశ్చాత్తాపంతో తిరిగి ఇచ్చేసిన దొంగ!

అంజయ్య నగర్‌లో వంట మనిషి దారుణ హత్య

డయానా ‘రివెంజ్ డ్రెస్’కు భారీ డిమాండ్.. వేలంలో రూ. కోట్ల ధర పలికే ఛాన్స్!

“తెలంగాణ వచ్చినా నాకు ఒరిగిందేమీ లేదు”- ఉదయభాను సంచలన వ్యాఖ్యలు

EDITOR PICKS

ఇళయరాజాకు ఢిల్లీ హైకోర్టు నోటీసులు.. సరిగమ సంచలన ఆరోపణలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags