#MercedesBenz - Crime Mirror

క్రైమ్ మిర్రర్ : కేరళలోని కొచ్చిలో ఘోర రోడ్డు ప్రమాదం చోటుచేసుకుంది. ఓ న్యాయమూర్తికి చెందిన 17 ఏళ్ల మైనర్ కుమారుడు నడిపిన మెర్సిడెస్ కారు స్కూటీని వెనుక నుంచి ఢీకొట్టడంతో ఓ వ్యక్తి ప్రాణాలు కోల్పోయాడు. ఈ ఘటన ఆదివారం తెల్లవారుజామున జరిగింది. ప్రమాదానికి సంబంధించి పోలీసులు మైనర్ను అదుపులోకి తీసుకున్నారు. వేగంగా వచ్చి స్కూటీని ఢీకొట్టిన కారు పోలీసుల వివరాల ప్రకారం.. న్యాయమూర్తికి చెందిన 17 ఏళ్ల కుమారుడు మెర్సిడెస్ కారును నడుపుతూ వెళ్తున్నాడు. ఈ క్రమంలో ముందుగా వెళ్తున్న స్కూటీని వెనుక నుంచి వేగంగా ఢీకొట్టాడు. ఈ ప్రమాదంలో స్కూటీపై ప్రయాణిస్తున్న 55 ఏళ్ల జయబాలకృష్ణన్ తీవ్రంగా గాయపడి ప్రాణాలు కోల్పోయాడు. సమాచారం అందుకున్న పోలీసులు ఘటనాస్థలానికి చేరుకుని విచారణ చేపట్టారు. మృతుడి వివరాలను గుర్తించి, కారు నడిపిన మైనర్ను అదుపులోకి తీసుకున్నారు. రక్త నమూనాల సేకరణ ప్రమాద సమయంలో మైనర్ మద్యం సేవించి లేడని ప్రాథమికంగా గుర్తించినట్లు ఓ పోలీసు అధికారి వెల్లడించారు. అయితే, మరింత స్పష్టత కోసం అతడి రక్త నమూనాలను సేకరించినట్లు తెలిపారు. ఈ ఘటనపై కేసు నమోదు చేసి ప్రమాదానికి గల కారణాలపై దర్యాప్తు చేస్తున్నారు. న్యాయమూర్తి తీరుపై మృతుడి బంధువు ఆగ్రహం మరోవైపు, ప్రమాదం అనంతరం సంబంధిత న్యాయమూర్తి తమతో అగౌరవంగా మాట్లాడినట్లు మృతుడి బంధువైన ఓ మహిళ ఆరోపించారు. మైనర్ చేతికి కారు ఎలా ఇచ్చారని ఆమె ప్రశ్నించారు. ఈ కేసును న్యాయపరంగా ముందుకు తీసుకెళ్తామని ఆమె స్పష్టం చేశారు. లైసెన్స్ లేకుండా వాహనాలు నడపడం ఎంతటి ప్రమాదాలకు దారితీస్తుందో ఈ ఘటన తెలియజేస్తోందని పేర్కొన్నారు. బాధ్యులపై తగిన చర్యలు తీసుకోవాలని ఆమె కోరారు. ఈ ఘటన స్థానికంగా చర్చనీయాంశంగా మారింది. ప్రమాదానికి సంబంధించిన పూర్తి వివరాలు, మైనర్పై తీసుకునే తదుపరి చర్యలపై పోలీసుల దర్యాప్తు కొనసాగుతోంది. also read : బాబాయ్ ఇంట్లో బంగారం చోరీ.. అమ్మి థార్ కొనుగోలు చేసిన యువకుడు!

Tag: #MercedesBenz

Most Read

జడ్జి కుమారుడి కారు బీభత్సం.. 55 ఏళ్ల వ్యక్తి దుర్మరణం

బాబాయ్‌ ఇంట్లో బంగారం చోరీ.. అమ్మి థార్‌ కొనుగోలు చేసిన యువకుడు!

కృష్ణా నదిలో నాటుపడవ బోల్తా.. ఇద్దరు యువకులు మృతి

బీహార్‌లో దారుణం.. ఏడాదిన్నర బాలుడిని హత్య చేసిన సొంత అన్న?

EDITOR PICKS

జడ్జి కుమారుడి కారు బీభత్సం.. 55 ఏళ్ల వ్యక్తి దుర్మరణం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags