#ManipurClashes - Crime Mirror

క్రైమ్ మిర్రర్ : మణిపూర్లో హింసాత్మక ఘటనలు మరోసారి తీవ్ర ఆందోళనకు దారితీశాయి. కామ్జోంగ్, ఉఖ్రుల్ జిల్లాల్లో జరిగిన వేర్వేరు కాల్పుల ఘటనల్లో ఐదుగురు ప్రాణాలు కోల్పోయారు. మరోవైపు చస్సాద్, పరిసర ప్రాంతాల్లో ఇళ్లు, దుకాణాలకు నిప్పు పెట్టడంతో ఆస్తి నష్టం సంభవించింది. నాగా, కుకీ-జో తెగల మధ్య తాజాగా చెలరేగిన ఉద్రిక్తతలతో ఆయా ప్రాంతాల్లో భద్రతపై ఆందోళనలు వ్యక్తమవుతున్నాయి. కామ్జోంగ్ జిల్లాలోని చస్సాద్ ప్రాంతంలో శనివారం ఉదయం సాయుధ వ్యక్తులు జరిపిన కాల్పుల్లో 23 ఏళ్ల మైఖేల్ న్గామ్మిన్లెన్ హాకిప్ మృతి చెందినట్లు సమాచారం. ఉఖ్రుల్ జిల్లాలోని టీఎం కసోమ్ సమీపంలోని యావోలెన్ వద్ద 40 ఏళ్ల సందీప్ రాయ్ ప్రయాణిస్తున్న వాహనంపై దుండగులు కాల్పులు జరపడంతో ఆయన ప్రాణాలు కోల్పోయారు. ఇదిలా ఉండగా, కామ్జోంగ్ జిల్లాలోని మణిపూర్-మయన్మార్ సరిహద్దు ప్రాంతమైన నింగ్చౌ గ్రామంలో శనివారం ఉదయం మరో ఇద్దరు నాగా గ్రామస్థులు హత్యకు గురయ్యారు. సాయుధ వ్యక్తులు జరిపిన కాల్పుల్లో 35 ఏళ్ల న్గాచాన్సో నింగ్షెన్, 48 ఏళ్ల లీషిషన్ లీషాడాంగ్ మరణించినట్లు గుర్తించారు. ఈ ఘటనలకు కొద్ది రోజుల ముందు చస్సాద్లో శుక్రవారం రాత్రి సుమారు 9.40 గంటల సమయంలో కుకీ తెగకు చెందిన డోమ్ఖోనీ టౌతాంగ్ హత్యకు గురయ్యారు. ఐదుగురు పిల్లలకు తల్లైన ఆమె బుల్లెట్ గాయాలతో మరణించినట్లు సమాచారం. వరుస ఘటనలతో ఆయా ప్రాంతాల్లో ఉద్రిక్త పరిస్థితులు నెలకొన్నాయి. శనివారం ఉదయం చస్సాద్, పరిసర ప్రాంతాల్లో దుండగులు కనీసం 10 ఇళ్లు, 20 దుకాణాలకు నిప్పు పెట్టినట్లు సమాచారం. ఈ ఘటనలో జరిగిన ఆస్తి నష్టం ఎంత? ఎంతమంది నిరాశ్రయులయ్యారు? అనే వివరాలు ఇంకా స్పష్టంగా తెలియరాలేదు. సమాచారం అందుకున్న భద్రతా బలగాలు ఘటనాస్థలాలకు చేరుకుని పరిస్థితిని సమీక్షించాయి. వరుస కాల్పులు, అగ్నిప్రమాదాల వెనుక కారణాలపై సంబంధిత అధికారులు దర్యాప్తు చేపట్టారు. 24 గంటల బంద్కు పిలుపు తాజా హింసాత్మక ఘటనల నేపథ్యంలో కాంగ్పోక్పి జిల్లాలో కమిటీ ఆన్ ట్రైబల్ యూనిటీ (సీఓటీయూ) శనివారం సాయంత్రం 6 గంటల నుంచి 24 గంటల పాటు బంద్కు పిలుపునిచ్చింది. ఈ పరిణామాలతో స్థానికంగా ఆందోళన నెలకొంది. మణిపూర్లో కొనసాగుతున్న హింసకు అడ్డుకట్ట వేసి, ప్రజలకు భద్రత కల్పించాల్సిన అవసరం ఉందని తాజా ఘటనలు స్పష్టం చేస్తున్నాయి. కాల్పులు, హత్యలు, ఆస్తుల దహనానికి సంబంధించిన పూర్తి వివరాలు దర్యాప్తులో వెల్లడికావాల్సి ఉంది. also read: బొల్లారంలో విషాదం.. కిడ్నాప్కు గురైన ఆరేళ్ల చిన్నారి దారుణ హత్య

Tag: #ManipurClashes

Most Read

రెట్టింపు లాభాల ఆశ చూపి.. రూ.10 కోట్లకు టోకరా!

ఢిల్లీలో నిరసనకారులపై హిందూ రక్షా దళ్‌ వ్యక్తుల దాడి.. నలుగురి అరెస్ట్‌

మణిపూర్‌లో మళ్లీ హింస.. కాల్పుల్లో ఐదుగురు మృతి

బొల్లారంలో విషాదం.. కిడ్నాప్‌కు గురైన ఆరేళ్ల చిన్నారి దారుణ హత్య

EDITOR PICKS

మణిపూర్‌లో మళ్లీ హింస.. కాల్పుల్లో ఐదుగురు మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags