#MahindraThar - Crime Mirror

క్రైమ్ మిర్రర్ : కొత్త కారు కొనాలనే ఆశతో ఓ యువకుడు సొంత బాబాయ్ ఇంట్లోనే బంగారు ఆభరణాలు దొంగిలించాడు. వాటిని విక్రయించి వచ్చిన డబ్బుతో ఖరీదైన మహీంద్రా థార్ వాహనాన్ని కొనుగోలు చేశాడు. అంతటితో ఆగకుండా కొత్త వాహనం పూజకు బాబాయ్ను సైతం ఆహ్వానించాడు. చివరకు బంగారు నగల చోరీ కేసులో పోలీసులకు చిక్కి కటకటాలపాలయ్యాడు. మహారాష్ట్రలోని కొల్హాపూర్ జిల్లాలో ఈ ఘటన వెలుగులోకి వచ్చింది. రూ.10 లక్షలకు బంగారు ఆభరణాల విక్రయం పోలీసుల వివరాల ప్రకారం.. కొల్హాపూర్ జిల్లా సతావే గ్రామానికి చెందిన 19 ఏళ్ల సమర్ చవాన్ తన ఇంటికి సమీపంలో నివసించే బాబాయ్ ఉమేష్ మారుతి చవాన్ ఇంట్లో నెల రోజుల క్రితం చోరీకి పాల్పడ్డాడు. సుమారు 15 తులాల బంగారు ఆభరణాలను అపహరించాడు. అనంతరం స్థానిక స్వర్ణకారుడు సంగ్రామ్ బాబాసో మోరే సహాయంతో వాటిని రూ.10 లక్షలకు విక్రయించినట్లు సమాచారం. ఆ డబ్బుతో కొత్త మహీంద్రా థార్ వాహనాన్ని కొనుగోలు చేశాడు. వాహనం పూజకు బాబాయ్కు ఆహ్వానం కొత్త వాహనాన్ని ఇంటికి తీసుకొచ్చిన సమర్.. దాని పూజా కార్యక్రమానికి తన బాబాయ్ ఉమేష్ను కూడా ఆహ్వానించాడు. పూజ సందర్భంగా ధరించేందుకు ఉమేష్ తన భార్యకు చెందిన బంగారు నగల కోసం వెతకగా అవి కనిపించలేదు. దీంతో ఇంట్లో చోరీ జరిగినట్లు గుర్తించి పోలీసులను ఆశ్రయించాడు. ఇంట్లో తన అమ్మమ్మకు చెందిన ఆభరణాలు అలాగే ఉండగా, ఉమేష్, ఆయన భార్యకు చెందిన నగలు మాత్రమే కనిపించకపోవడంతో కుటుంబ సభ్యులపైనే అనుమానాలు వ్యక్తమయ్యాయి. ఈ క్రమంలో పోలీసులకు ఫిర్యాదు అందింది. అనుమానంతో విచారణ.. ఇద్దరి అరెస్ట్ సమర్ అకస్మాత్తుగా ఖరీదైన వాహనాన్ని కొనుగోలు చేయడంపై పోలీసులు దృష్టి సారించారు. అతడికి అంత పెద్ద మొత్తంలో డబ్బు ఎక్కడి నుంచి వచ్చిందనే కోణంలో విచారణ చేపట్టారు. దర్యాప్తులో కీలక ఆధారాలు లభించడంతో సమర్ను అదుపులోకి తీసుకుని ప్రశ్నించారు. పోలీసుల విచారణలో అతడు చోరీకి పాల్పడినట్లు అంగీకరించినట్లు సమాచారం. ఈ కేసులో సహకరించినట్లు ఆరోపణలు ఎదుర్కొంటున్న స్వర్ణకారుడు సంగ్రామ్ మోరేను కూడా పోలీసులు అరెస్ట్ చేశారు. చోరీకి గురైన బంగారు ఆభరణాలను స్వాధీనం చేసుకున్నారు. నిందితులపై కేసు నమోదు చేసి తదుపరి దర్యాప్తు కొనసాగిస్తున్నట్లు పోలీసు అధికారి వెల్లడించారు. also read : కృష్ణా నదిలో నాటుపడవ బోల్తా.. ఇద్దరు యువకులు మృతి

Tag: #MahindraThar

Most Read

జడ్జి కుమారుడి కారు బీభత్సం.. 55 ఏళ్ల వ్యక్తి దుర్మరణం

బాబాయ్‌ ఇంట్లో బంగారం చోరీ.. అమ్మి థార్‌ కొనుగోలు చేసిన యువకుడు!

కృష్ణా నదిలో నాటుపడవ బోల్తా.. ఇద్దరు యువకులు మృతి

బీహార్‌లో దారుణం.. ఏడాదిన్నర బాలుడిని హత్య చేసిన సొంత అన్న?

EDITOR PICKS

బాబాయ్‌ ఇంట్లో బంగారం చోరీ.. అమ్మి థార్‌ కొనుగోలు చేసిన యువకుడు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags