Indian Auto News - Crime Mirror

భారతదేశంలో లగ్జరీకి అర్థం కేవలం ఖరీదైన కార్లు, బంగారు భవనాలు మాత్రమే కాదు. కొన్ని సందర్భాల్లో ఒక చిన్న నంబర్ ప్లేట్ కూడా దేశవ్యాప్తంగా చర్చనీయాంశంగా మారుతుంది. వాహనాలకు ఫ్యాన్సీ నంబర్ల కోసం కోట్ల రూపాయలు ఖర్చు చేయడం ఇప్పుడు కేవలం విలాసం కాదు.. అది ఒక స్టేటస్ సింబల్గా మారింది. అలాంటి స్టేటస్ను మరో లెవల్కు తీసుకెళ్లిన వ్యక్తిగా ఆంధ్రప్రదేశ్కు చెందిన ఓ యువ పారిశ్రామికవేత్త దేశం మొత్తాన్ని ఆశ్చర్యపరిచారు. కేవలం ఒక వాహన నంబర్ ప్లేట్ కోసం ఏకంగా రూ.2.08 కోట్లకు పైగా ఖర్చు చేసి చరిత్ర సృష్టించారు. ఆంధ్రప్రదేశ్లోని గుంటూరు నివాసి కిరణ్ కోల్పాకుల తాజాగా దేశవ్యాప్తంగా సంచలనం సృష్టించారు. దేశ చరిత్రలో ఇప్పటివరకు ఎవరూ చేయని విధంగా తన వాహన నంబర్ ప్లేట్ కోసం రూ.2.08 కోట్ల భారీ మొత్తాన్ని వెచ్చించారు. ఈ డీల్ భారతదేశంలో ఇప్పటివరకు నమోదైన అత్యంత ఖరీదైన వాహన నంబర్ ప్లేట్ కొనుగోలుగా రికార్డు సృష్టించింది. లగ్జరీ ప్రీ-ఓన్డ్ కార్లకు ప్రసిద్ధి చెందిన బిగ్ బాయ్ టాయ్స్ (BBT) నిర్వహించిన ఆన్లైన్ వేలం యాప్ ద్వారా ‘DDC 0001’ అనే అరుదైన వాహన రిజిస్ట్రేషన్ ప్లేట్కు వేలం జరిగింది. దేశవ్యాప్తంగా సంపన్నులు, లగ్జరీ ప్రేమికులు ఈ ఫ్యాన్సీ నంబర్ కోసం పోటీపడ్డారు. చివరకు కిరణ్ కోల్పాకుల అత్యధిక బిడ్ వేసి ఈ వింటేజ్ నంబర్ ప్లేట్ను రూ.2.08 కోట్లకు సొంతం చేసుకున్నారు. దీంతో ఈ నంబర్ ప్లేట్ దేశంలోనే అత్యంత ఖరీదైనదిగా నిలిచింది. ఫ్యాన్సీ నంబర్లకు ఉన్న క్రేజ్ ఎంత స్థాయిలో ఉందో ఈ ఘటన మరోసారి నిరూపించింది. అరుదైన నంబర్లు, ప్రత్యేకమైన గుర్తింపులు ఉన్న ప్లేట్ల కోసం సంపన్నులు ఎంతటి ధరైనా వెనకాడరని ఈ డీల్ స్పష్టంగా చూపించింది. ముఖ్యంగా ‘0001’ లాంటి నంబర్లు అధికార, వ్యాపార, సామాజిక వర్గాల్లో ప్రత్యేక గుర్తింపుగా భావిస్తారు. అందుకే ఈ నంబర్ కోసం దేశవ్యాప్తంగా తీవ్ర పోటీ నెలకొంది. ఈ ‘DDC 0001’ నంబర్ ప్లేట్ తొలి ఓనర్గా బిగ్ బాయ్ టాయ్స్ సంస్థ వ్యవస్థాపకుడు జతిన్ అహుజా ఉన్నారు. ఇటీవలే బిగ్ బాయ్ టాయ్స్ తమ కొత్త విభాగంగా ఆక్షన్ హౌస్ను ప్రారంభించింది. ఈ వేదిక ద్వారా అత్యంత అరుదైన, విలాసవంతమైన వస్తువులు, ఫ్యాన్సీ నంబర్ ప్లేట్లు, లగ్జరీ కార్లను వేలం వేస్తోంది. ఈ ఆక్షన్ హౌస్ ప్రారంభమైన తక్కువ కాలంలోనే ఇలాంటి భారీ డీల్స్తో దేశవ్యాప్తంగా గుర్తింపు తెచ్చుకుంది. గత సంవత్సరం ఇదే వేదికపై ‘HR 88 B 8888’ అనే ఫ్యాన్సీ నంబర్ ప్లేట్ రూ.1.17 కోట్లకు బిడ్ దక్కినా, చివరికి బిడ్డర్ చెల్లింపులో విఫలమవడంతో ఆ డీల్ రద్దైంది. అనంతరం అదే నంబర్ను రూ.26.7 లక్షలకు తిరిగి అమ్మారు. అయితే ఇప్పుడు ‘DDC 0001’ ప్లేట్ రూ.2.08 కోట్లకు అమ్ముడై అన్ని పాత రికార్డులను తిరగరాసింది. బిగ్ బాయ్ టాయ్స్ ఆక్షన్ హౌస్ కేవలం నంబర్ ప్లేట్లకే పరిమితం కాకుండా, ప్రముఖ సెలబ్రిటీలు వాడిన లగ్జరీ కార్లను కూడా వేలంలో ఉంచుతోంది. ఇందులో బాలీవుడ్ నటి శిల్పా శెట్టికి చెందిన మెర్సిడెస్-మేబ్యాక్ GLS 600, ప్రముఖ దర్శకుడు రోహిత్ శెట్టికి చెందిన మెర్సిడెస్ బెంజ్ CLA 200d, భారత క్రికెటర్ దినేష్ కార్తీక్కు చెందిన రేంజ్ రోవర్ స్పోర్ట్ SVR వంటి ఖరీదైన వాహనాలు కూడా ఉన్నాయి. దీంతో లగ్జరీ, అరుదైన వస్తువుల సేకరణపై ఆసక్తి ఉన్నవారికి ఈ ఆక్షన్ హౌస్ ప్రత్యేక వేదికగా మారింది. ALSO READ: Shocking: ఒరేయ్ అన్నందుకు కొట్టి చంపేశారు!

Tag: Indian Auto News

Most Read

ఎమ్మిగనూరులో నకిలీ స్వామి గుట్టురట్టు

బీహార్‌లో దారుణం.. యువతిని నిర్మానుష్య ప్రాంతానికి తీసుకెళ్లి అఘాయిత్యం!

ప్రేమ పేరుతో వేధింపులు.. ప్రపోజల్ తిరస్కరించిందని డిగ్రీ విద్యార్థినిపై లైంగిక దాడి!

సమాధి తవ్వి యువతి తల, చేతుల అపహరణ! క్షుద్ర పూజల కోసమేనా?

EDITOR PICKS

ఇదోరకం కిక్కు.. రూ.2 కోట్లు పెట్టి నంబర్ ప్లేట్ కొని రూ.10 లక్షల కారుకు అమర్చాడు

Renault Duster: మీకు తెలుసా? ఇప్పుడు దేశవ్యాప్తంగా అందరు ఈ కారు గురించే మాట్లాడుకుంటున్నారు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags