Government Fees Issue - Crime Mirror

తెలంగాణ రాష్ట్రంలో ఫీజు రీయింబర్స్మెంట్ పథకం అమలులో ఆలస్యం, బకాయిల పెరుగుదలపై తీవ్ర అసంతృప్తి వ్యక్తం చేస్తూ అఖిల భారతీయ విద్యార్థి పరిషత్ (ఏబీవీపీ) ఈనెల 14న రాష్ట్రవ్యాప్తంగా కళాశాలల బంద్ నిర్వహించనున్నట్లు ప్రకటించింది. వరంగల్ ప్రెస్ క్లబ్లో జరిగిన మీడియా సమావేశంలో ఏబీవీపీ రాష్ట్ర కార్యదర్శి మాచెర్ల రాంబాబు మాట్లాడుతూ, రాష్ట్రంలోని లక్షలాది మంది విద్యార్థులు ప్రభుత్వ ఫీజు రీయింబర్స్మెంట్ మరియు స్కాలర్షిప్లపై ఆధారపడి చదువుకుంటున్నారని తెలిపారు. అయితే ప్రభుత్వం సమయానికి నిధులు విడుదల చేయకపోవడంతో భారీగా బకాయిలు పేరుకుపోయాయని పేర్కొన్నారు. ప్రస్తుతం వేల కోట్ల రూపాయల ఫీజు బకాయిలు పెండింగ్లో ఉండటంతో విద్యార్థులు తీవ్ర ఇబ్బందులు ఎదుర్కొంటున్నారని ఆయన ఆవేదన వ్యక్తం చేశారు. ఈ పరిస్థితుల కారణంగా ప్రతి సంవత్సరం అనేక మంది విద్యార్థులు చదువును మధ్యలోనే మానేయాల్సి వస్తోందని తెలిపారు. అలాగే ఫీజులు చెల్లించకపోవడంతో కొన్ని ప్రైవేట్ కాలేజీలు సర్టిఫికెట్లు ఇవ్వకుండా నిలిపివేస్తున్నాయని, దీంతో విద్యార్థుల భవిష్యత్తు ప్రమాదంలో పడుతోందని విమర్శించారు. ప్రభుత్వం వెంటనే స్పందించి బకాయిలను క్లియర్ చేయాలని డిమాండ్ చేశారు. ఈ నేపథ్యంలో విద్యార్థుల హక్కుల పరిరక్షణ కోసం జూలై 14న రాష్ట్రవ్యాప్తంగా కళాశాలల బంద్ నిర్వహించనున్నట్లు ప్రకటించారు.ఈ సమావేశంలో ఏబీవీపీకి చెందిన పలువురు నాయకులు, ప్రతినిధులు పాల్గొన్నారు. also read: మహబూబ్నగర్ జైలు పరారీ కేసు: నిర్లక్ష్యంపై సూపరింటెండెంట్ బదిలీ, కఠిన చర్యలు

Tag: Government Fees Issue

Most Read

కండల కోసం డబ్బా పౌడర్లు అక్కర్లేదు.. సహజంగా ప్రోటీన్ పొందాలంటే ఇవే బెస్ట్ ఫుడ్స్!

వియత్నాంలో బోటు ప్రమాదం.. 15 మంది భారతీయుల దుర్మరణం!

పవన్ కళ్యాణ్‌కు శస్త్రచికిత్స.. మరో రెండు నెలల్లో రెండో ఆపరేషన్!

సునీల్‌తో బంధంపై ఎస్తేర్ రియాక్షన్.. అసలు విషయాన్ని బయటపెట్టిన హీరోయిన్

EDITOR PICKS

14న కళాశాలల బంద్‌కు ఏబీవీపీ పిలుపు- రాష్ట్రవ్యాప్తంగా ఫీజు రీయింబర్స్‌మెంట్‌పై ఆగ్రహం వ్యక్తం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel