global oil prices - Crime Mirror

Russia Rakes in Massive Revenue: పశ్చిమాసియాలో కొనసాగుతున్న యుద్ధం ప్రపంచ ఆర్థిక వ్యవస్థపై ప్రభావం చూపుతుండగా, అదే సమయంలో రష్యాకు మాత్రం అనుకోని లాభాలను తెచ్చిపెడుతోంది. ముఖ్యంగా ముడి చమురు మార్కెట్లో ఏర్పడిన అనిశ్చిత పరిస్థితులు రష్యా ఖజానాకు భారీ ఆదాయాన్ని అందిస్తున్నాయి. భారీగా పెరిగిన చమురు ధరలు ఇరాన్–ఇజ్రాయెల్ మధ్య ఉద్రిక్తతలు పెరగడం, అలాగే ఇరాన్ కీలకమైన హోర్ముజ్ జలసంధిని మూసివేయడం వల్ల ప్రపంచ చమురు సరఫరాలో అంతరాయం ఏర్పడింది. హోర్ముజ్ జలసంధి ద్వారా ప్రపంచంలో పెద్దఎత్తున ముడి చమురు రవాణా జరుగుతుండటంతో, అది మూసివేయబడటం అంతర్జాతీయ మార్కెట్ను కుదిపేసింది. ఈ పరిస్థితుల్లో చమురు ధరలు ఒక్కసారిగా పెరగడం ప్రారంభమైంది. అనుకూలంగా మార్చుకున్న రష్యా ఈ నేపథ్యంలో రష్యా ముడి చమురుకు ప్రపంచ మార్కెట్లో భారీగా డిమాండ్ పెరిగింది. పలు దేశాలు ప్రత్యామ్నాయ సరఫరా కోసం రష్యా వైపు మొగ్గుచూపడంతో, ఆ దేశం చమురు ఎగుమతులు పెరిగాయి. ధరలు కూడా పెరగడంతో రష్యాకు వచ్చే ఆదాయం గణనీయంగా పెరిగినట్టు అంతర్జాతీయ నివేదికలు సూచిస్తున్నాయి. చమురు అమ్మకాల ద్వారా రష్యాకు రోజుకు సుమారు రూ.1,385 కోట్ల అదనపు ఆదాయం లభిస్తోంది. యుద్ధం ప్రారంభమైన తర్వాత కేవలం 12 రోజుల్లోనే చమురు ఎగుమతులపై రష్యాకు రూ.11,960 కోట్ల నుంచి రూ.17,480 కోట్ల వరకు అదనపు పన్ను ఆదాయం వచ్చినట్టు సమాచారం. ఈ ధోరణి ఇలాగే కొనసాగితే ఈ నెలాఖరు నాటికి రష్యా ఖజానాకు దాదాపు రూ.46 వేల కోట్ల వరకు అదనపు ఆదాయం చేరే అవకాశం ఉందని విశ్లేషకులు అంచనా వేస్తున్నారు. రష్యాకు ఆర్థిక బలం ప్రపంచంలోని అనేక దేశాలు యుద్ధ ప్రభావంతో ఆర్థిక ఒత్తిడిని ఎదుర్కొంటున్న వేళ, రష్యా మాత్రం ఈ పరిస్థితిని తనకు అనుకూలంగా మార్చుకుంటోంది. అంతర్జాతీయ మార్కెట్లో చమురు ధరలు పెరగడం, సరఫరా మార్గాల్లో అంతరాయం కలగడం వంటి అంశాలు రష్యాకు లాభాల పంటను అందిస్తున్నాయని నిపుణులు చెబుతున్నారు.

Tag: global oil prices

Most Read

గాదె సాయికృష్ణ కస్టోడియల్ డెత్ కేసు.. ఏపీ ప్రభుత్వానికి సుప్రీంకోర్టులో ఊరట

జనసేన రాజంపేట సోషల్ మీడియా ఇన్‌ఛార్జ్ సూసైడ్

యూపీలో దారుణం.. ఐదేళ్ల బాలుడిపై ఉపాధ్యాయురాలి వేధింపులు

Bala Krishna: బాలయ్య త్వరగా కోలుకోవాలని ఎన్‌బికె111 టీమ్ ప్రత్యేక మహాయాగం..

EDITOR PICKS

Russian Oil Sales: పశ్చిమాసియాలో ఉద్రిక్తత.. రష్యాకు లాభాల పంట!

యుద్దం ఆపేద్దామని ట్రంప్‌కు సహాయకుల సూచన?

Fuel Price: పెట్రోల్ ధరలు పెరుగుతాయా?

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags