Germany Crime News - Crime Mirror

జర్మనీలో జరిగిన ఘోర అగ్నిప్రమాదం తీవ్ర విషాదాన్ని నింపింది. బోచుమ్ నగరంలోని ఓ నివాస భవనంలో చెలరేగిన మంటల్లో ముగ్గురు భారతీయులు ప్రాణాలు కోల్పోయారు. ఈ ఘటనలో మరో ఐదుగురు గాయపడటంతో వారిని ఆసుపత్రులకు తరలించి చికిత్స అందిస్తున్నారు. అయితే, ఈ అగ్నిప్రమాదం వెనుక కుట్ర ఉందా అనే అనుమానాలు వ్యక్తమవుతుండటంతో పోలీసులు హత్య కోణంలోనూ దర్యాప్తు చేపట్టారు. తెల్లవారుజామున నివాస భవనంలో మంటలు స్థానిక మీడియా కథనాల ప్రకారం.. జర్మనీలోని బోచుమ్ నగరంలో ఉన్న హోఫ్స్టెడ్ ప్రాంతంలోని ఓ నివాస భవనంలో మంగళవారం తెల్లవారుజామున ఒక్కసారిగా మంటలు చెలరేగాయి. దీంతో భవనంలో నివసిస్తున్నవారు తీవ్ర ఆందోళనకు గురయ్యారు. సమాచారం అందుకున్న అగ్నిమాపక సిబ్బంది వెంటనే అక్కడికి చేరుకుని మంటలను అదుపులోకి తీసుకొచ్చారు. అగ్నిమాపక చర్యలు పూర్తయిన అనంతరం అధికారులు భవనంలో తనిఖీలు నిర్వహించారు. ఈ క్రమంలో రెండో అంతస్తులోని ఓ అపార్ట్మెంట్లో ముగ్గురి మృతదేహాలను గుర్తించారు. మృతుల్లో 25, 27 ఏళ్ల వయసున్న ఇద్దరు యువతులు, 26 ఏళ్ల యువకుడు ఉన్నారు. వీరంతా భారతీయులని అధికారులు నిర్ధారించారు. ఐదుగురికి గాయాలు ఈ ప్రమాదంలో మరో ఐదుగురు పొగ పీల్చడం వల్ల తీవ్ర అస్వస్థతకు గురయ్యారు. వెంటనే వారిని సమీపంలోని ఆసుపత్రులకు తరలించి చికిత్స అందిస్తున్నారు. అయితే, గాయపడిన వారి పూర్తి వివరాలు, జాతీయతకు సంబంధించిన సమాచారం ఇంకా వెల్లడికాలేదు. హత్య అనుమానంతో ఒకరి అరెస్ట్ ముగ్గురు భారతీయుల మరణానికి దారితీసిన ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. ప్రాథమిక విచారణలో భాగంగా అదే భవనంలో నివసిస్తున్న 41 ఏళ్ల రొమేనియా దేశస్థుడిని హత్య అనుమానంతో అదుపులోకి తీసుకున్నట్లు పోలీసులు వెల్లడించారు. ఈ అగ్నిప్రమాదం అనుకోకుండా జరిగిందా? లేక ఎవరైనా ఉద్దేశపూర్వకంగా మంటలు పెట్టారా? అనే అంశాలపై అధికారులు దర్యాప్తు చేస్తున్నారు. మంటలు చెలరేగడానికి గల అసలు కారణాలను గుర్తించేందుకు ఆధారాలను సేకరిస్తున్నారు. ఈ ఘటనకు సంబంధించి మరిన్ని వివరాలు దర్యాప్తు పూర్తయిన తర్వాత వెల్లడయ్యే అవకాశం ఉంది. also read: హైదరాబాద్లో ఆటో డ్రైవర్ నిర్లక్ష్యం.. సినిమా చూస్తూ డ్రైవింగ్! సీపీ సజ్జనార్ సీరియస్ వార్నింగ్

Tag: Germany Crime News

Most Read

సీజేపీ నేతల అరెస్టుకు నిరసనగా అక్టోబర్ 16న “తిరంగా” ప్రదర్శన.. అభిజీత్ దీప్కే కీలక ప్రకటన!

ప్రజల గొంతును నొక్కలేరు.. దేశమంతా జంతర్ మంతర్ అవుతుంది: ప్రకాశ్ రాజ్

షూటింగ్‌లో పెను ప్రమాదం.. తృటిలో తప్పించుకున్న ఇమ్రాన్ హష్మీ!

‘రణబాలి’కి U/A సర్టిఫికెట్.. అక్టోబర్ 16న విజయ్ దేవరకొండ, రష్మిక సినిమా విడుదల!

EDITOR PICKS

జర్మనీలో ఘోర అగ్నిప్రమాదం.. ముగ్గురు భారతీయులు మృతి.. హత్య కోణంలో పోలీసుల దర్యాప్తు!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags