Flight Cancellations - Crime Mirror

విమానయాన రంగంపై మిడిల్ ఈస్ట్ ఎఫెక్ట్ ఇతర మార్గాల్లోనూ పెరిగన టికెట్ల ధరలు లండన్ - ముంబై టికెట్ ధర ఏకంగా రూ.2.9 లక్షలు పశ్చిమాసియాలో నెలకొన్న పరిస్థితులతో విమానయాన రంగంపై తీవ్ర ప్రభావం పడింది. వేలాది విమానాలు రద్దవగా.. విమానాల టికెట్ల ధరలు ఆకాశాన్నంటిన పరిస్థితి. ఈ కారణంగా పాకిస్థాన్ తమ గగన తలాన్ని మార్చి 31 వరకు పాక్షికంగా మూసివేస్తున్నట్లు నోటమ్ జారీ చేసింది. పాక్ గగనతలంపై ఆంక్షలు ఇరాన్పై అమెరికా, ఇజ్రాయెల్ దాడులు.. బదులుగా గల్ఫ్ దేశాల్లోని అమెరికన్, ఇజ్రాయెల్ బేస్లపై ఇరాన్ దాడులు విమానయాన మార్గాలను పరిమితం చేశాయి. దీంతో పలు ఎయిర్లైన్స్ వేలాదిగా తమ విమానాలను రద్దు చేయడమో.. మళ్లించడమో చేయాల్సి వచ్చింది. దీనికితోడు పాకిస్థాన్.. ఆఫ్ఘానిస్థాన్ల మధ్య సైనిక ఘర్షణల ప్రభావం కూడా విమానయాన రంగంపై పడింది. కేవలం పాక్ నుంచి పశ్చిమాసియా దేశాలకు వెళ్లే విమానాలే 300కు పైగా రద్దయ్యాయి. 12,000కు పైగా విమానాలు రద్దు కాగా ఇరాన్పై అమెరికా దాడులు మొదలయ్యాక పశ్చిమాసియా దేశాల్లో 12,000కు పైగా విమానాలు రద్దయ్యాయి. దీంతో ప్రపంచ వ్యాప్తంగా లక్షలాది మంది ప్రయాణికులు ఇబ్బందుల్లో పడ్డారు. కాగా భారత్ నుంచి విదేశాలకు వెళ్లే, వచ్చే విమానాలు కూడా ప్రతిరోజు 700కు పైగా రద్దవుతుండడంతో టికెట్ల ధరలు భారీగా పెరిగాయి. ఒక్క టికెట్ ధర రూ. 2.9 లక్షలు గల్ఫ్ని బైపాస్ చేసి లండన్ నుంచి ముంబయి వచ్చే యూరోపియన్ విమానయాన సంస్థల విమానాల్లో వన్ వే ఎకానమీ క్లాస్ టికెట్ ధర ఏకంగా రూ.2.9 లక్షలకు చేరుకుంది. సాధారణ సమయాల్లో ఈ మార్గంలో ఎకానమీ క్లాస్ టికెట్ ధర రూ.20,000-రూ.40,000 వరకు మాత్రమే ఉంటుంది. హైదరాబాద్ నుంచి లండన్, ఫ్రాంక్ఫర్ట్ వెళ్లే విమానాల టికెట్ల ధరలు కూడా రెట్టింపు అయ్యాయి.

Tag: Flight Cancellations

Most Read

పోలవరంతో తెలంగాణ గ్రామాలకు ముప్పు: మంత్రి పొంగులేటి శ్రీనివాసరెడ్డి ఆందోళన!

కొన్ని సినిమాలు సమాజాన్ని నాశనం చేస్తున్నాయి: సినీ నటుడు సుమన్ ఆందోళన

మాజీ మంత్రి కొండా సురేఖకు వరుస షాక్‌లు: సెక్యూరిటీ, బుల్లెట్ ప్రూఫ్ వాహనం రద్దు!

ఫ్యామిలీ అంతా ఒకే సబ్బు వాడకం ఆరోగ్యానికి ప్రమాదకరమా..?

EDITOR PICKS

Iran–Israel Conflict: పశ్చిమాసియా దేశాల్లో యుద్ధ వాతావరణం, భగ్గుమన్న విమాన టికెట్ ధరలు

IndiGo: రూ.610 కోట్లు రీఫండ్

IndiGo: ప్రయాణికులకు చుక్కలు.. మరో 400 విమానాల రద్దు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags