క్రైమ్ మిర్రర్, హైదరాబాద్ : తెలంగాణ రాష్ట్ర పరిశ్రమల మౌలిక సదుపాయాల సంస్థ (TSIIC) నిర్వహించిన తాజా భూముల వేలంలో రాష్ట్ర చరిత్రలోనే అత్యధిక ధర నమోదైంది. హైదరాబాద్ రియల్ ఎస్టేట్ హబ్‌గా మారిన రాయదుర్గం ప్రాంతంలో ఎకరానికి రూ.177 కోట్లు ధర పలికింది. ఈ అత్యధిక మొత్తానికి MSN కంపెనీ భూమిని దక్కించుకోవడంతో రియల్ ఎస్టేట్ వర్గాల్లో పెద్ద సంచలనం సృష్టించింది.
హైదరాబాద్ నగర పరిసర ప్రాంతాల్లో రియల్ ఎస్టేట్ రంగం వేగంగా పుంజుకుంటున్న తరుణంలో రాయదుర్గం వేలం ధర రికార్డులను బద్దలుకొట్టింది. గచ్చిబౌలి, ఫైనాన్షియల్ డిస్ట్రిక్ట్, రాయదుర్గం, నానక్‌రాం గూడా లాంటి ప్రాంతాల్లో భూముల ధరలు ఇప్పటికే దేశంలో అగ్రస్థానంలో ఉండగా, తాజా వేలం ఆ స్థాయిని మరింత పెంచింది. ఈ వేలంలో అనేక ప్రముఖ కంపెనీలు పోటీ పడ్డాయి. చివరకు MSN గ్రూప్ అత్యధిక బిడ్ వేసి భూమిని సాధించిందని సమాచారం. TSIIC అధికారులు మాట్లాడుతూ రాష్ట్రంలో పరిశ్రమలకు అనుకూల వాతావరణం, మౌలిక సదుపాయాల అభివృద్ధి కారణంగా హైదరాబాద్ ప్రపంచస్థాయి పెట్టుబడిదారులను ఆకర్షిస్తోంది. ఈ వేలం ధర తెలంగాణ ఆర్థిక స్థిరత్వానికి నిదర్శనం, అన్నారు.
Read More : రోడ్డును ఆక్రమిస్తున్న వ్యాపారులు..!?
తెలంగాణ స్టేట్ ఇండస్ట్రియల్ ఇన్‌ఫ్రాస్ట్రక్చర్ కార్పొరేషన్ (TSIIC) వేలంలో పాల్గొన్న కంపెనీలు, MSN గ్రూప్‌తో పాటు పలు జాతీయ, అంతర్జాతీయ రియల్ ఎస్టేట్ సంస్థలు, ఎకరానికి రూ.177 కోట్లు, దాదాపు రూ.13,55 కోట్లు, పెట్టుబడిదారుల విశ్వాసానికి నిదర్శనం.. వేలంలో నమోదైన రికార్డు ధరతో తెలంగాణలోని రియల్ ఎస్టేట్ మార్కెట్‌పై పెట్టుబడిదారుల నమ్మకం మరింత బలపడిందని పరిశ్రమ వర్గాలు చెబుతున్నాయి. గతంలో కొంత స్తబ్దతగా కనిపించిన మార్కెట్ ఇప్పుడు తిరిగి చురుకుదనాన్ని సంతరించుకుంది. హైదరాబాద్ ఇప్పటికే దేశంలో ఐటీ, ఫార్మా, రియల్ ఎస్టేట్ హబ్ గా నిలుస్తుండగా, ఈ కొత్త రికార్డు భవిష్యత్ పెట్టుబడుల దిశగా సానుకూల సంకేతమని నిపుణులు విశ్లేషిస్తున్నారు. MSN గ్రూప్ రాయదుర్గంలో దక్కించుకున్న ఈ భూమిపై అత్యాధునిక కార్పొరేట్ క్యాంపస్, రీసెర్చ్ సెంటర్ నిర్మాణం చేపట్టే అవకాశం ఉందని కంపెనీ వర్గాల సమాచారం. ఈ ప్రాజెక్ట్ పూర్తయితే వేలాది ఉద్యోగావకాశాలు సృష్టించే అవకాశం ఉందని నిపుణులు చెబుతున్నారు.
ఈ వేలం ద్వారా ప్రభుత్వం భారీ ఆదాయం పొందడమే కాకుండా, భవిష్యత్ పెట్టుబడిదారులకు తెలంగాణలో భూముల విలువ, పెట్టుబడి భద్రతపై స్పష్టమైన సందేశం పంపినట్లైంది. రాష్ట్రంలో పరిశ్రమల, రియల్ ఎస్టేట్ రంగాల మధ్య పోటీ వాతావరణం మరింత ఊపందుకోనుంది. రాయదుర్గం వేలం ధర రికార్డు తెలంగాణ ఆర్థిక ప్రగతికి ప్రతిబింబం. ప్రభుత్వం పారదర్శకమైన వేలం విధానంతో పెట్టుబడిదారుల్లో విశ్వాసం కల్పిస్తోంది. కానీ రియల్ ఎస్టేట్ ధరలు పెరగడం మధ్యతరగతి గృహావసరాలపై ప్రభావం చూపే అవకాశం ఉంది, రియల్ ఎస్టేట్ నిపుణులు. రాయదుర్గం భూముల వేలం తెలంగాణ రియల్ ఎస్టేట్ రంగ చరిత్రలో కొత్త అధ్యాయాన్ని రాసింది. ఎకరానికి రూ.177 కోట్ల ధరతో హైదరాబాద్ దేశంలోనే అత్యంత విలువైన భూభాగాల్లో ఒకటిగా మరోసారి రుజువైంది.
మరిన్ని వార్తలను చదవండి …
జూబ్లీహిల్స్ ఉపఎన్నిక ముందే కాంగ్రెస్ కు షాక్.. నవీన్ యాదవ్ పై క్రిమినల్ కేస్!
ఆర్‌టీసీ చార్జీల పెంపుపై బిఆర్‌ఎస్ నేతల బస్సు నిరసన యాత్ర
కేంద్ర నిఘా వర్గాల దృష్టిలో తెలంగాణ కీలక నేతలు!
హెచ్ఎండీఏ కార్యాలయం ముందు ట్రిపుల్ ఆర్ రైతుల మహా ధర్నా
