domestic issues - Crime Mirror

హైదరాబాద్లోని అంబర్పేట్ ప్రాంతంలో హృదయ విదారక ఘటన చోటుచేసుకుంది. కుటుంబ సమస్యలు, ఆర్థిక వివాదాలు భరించలేక ఓ వ్యక్తి సెల్ఫీ వీడియో తీసుకొని ప్రాణాలు తీసుకున్నాడు. ఈ సంఘటన స్థానికంగా తీవ్ర కలకలం రేపింది. పోలీసుల వివరాల ప్రకారం, ఉమర్ నగర్కు చెందిన సుల్తాన్ (44) పండ్ల వ్యాపారం చేస్తూ జీవనం సాగించేవాడు. అతనికి భార్య అస్మా ఫరిన్, ముగ్గురు పిల్లలు ఉన్నారు. కుటుంబ భవిష్యత్తు కోసం సంపాదించిన డబ్బును కుమార్తె పేరుతో సేవ్ చేయాలని భావించి, ప్రతినెల కొంత మొత్తాన్ని భార్యకు ఇస్తూ వచ్చాడు. అయితే, పోస్టాఫీస్లో తన కుమార్తె పేరుతో డిపాజిట్ చేసిన డబ్బు గురించి తెలుసుకునేందుకు వెళ్లినప్పుడు, ఖాతాలో తక్కువ మొత్తం మాత్రమే ఉన్నట్లు తెలిసి షాక్కు గురయ్యాడు. ఈ విషయం తన భార్యపై అనుమానాలకు దారితీసిందని వీడియోలో పేర్కొన్నాడు. ఇక మరోవైపు, నిజామాబాద్లో స్థలం కొనుగోలు పేరుతో అత్తమామలకు ఇచ్చిన డబ్బు కూడా వినియోగించలేదని, తనను మోసం చేశారని సుల్తాన్ ఆరోపించాడు. తన కష్టార్జిత సంపాదన మొత్తం కనిపించకపోవడం, కుటుంబ సభ్యుల ప్రవర్తన తనను తీవ్రంగా కలవరపరిచిందని తెలిపాడు. అలాగే, డబ్బుల విషయంపై ప్రశ్నించగా భార్య, అత్తమామలు తనను మానసికంగా వేధించారని, ఈ పరిస్థితులను తట్టుకోలేక తీవ్ర నిర్ణయం తీసుకుంటున్నానని సెల్ఫీ వీడియోలో వెల్లడించాడు. తన సంపాదనను పిల్లల భవిష్యత్తు కోసం వినియోగించాలని చివరిగా కోరాడు. సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు. కేసు నమోదు చేసి పూర్తి స్థాయి దర్యాప్తు చేపట్టారు. ఈ ఘటనపై స్థానికులు తీవ్ర ఆవేదన వ్యక్తం చేస్తున్నారు. also read: కేరళలో షాకింగ్ చోరీ.. స్మశానంలో సమాధి పై ఉన్న గ్రానైట్ పలక మాయం చేసిన దొంగలు

Tag: domestic issues

Most Read

దేశానికి యువ‌శ‌క్తి ఎంతో అవ‌స‌రం…! ప్ర‌ధాని మోడీ…

హైద‌రాబాద్‌లో విషాదం…! నీళ్ల బ‌కెట్‌లో ప‌డి చిన్నారి మృతి…

‘బలగం’ వేణుకు మార్చి సెంటిమెంట్ వర్కవుట్ అవుతుందా?

రాజీవ్ చౌక్‌లో ట్రాఫిక్ మళ్లింపు.. నేటి నుంచి 3 రోజుల పాటు కల్వర్టు నిర్మాణ పనులు: మున్సిపల్ కమిషనర్

EDITOR PICKS

అంబర్‌పేట్‌లో విషాదం: కుటుంబ వేధింపులు తట్టుకోలేక సెల్ఫీ వీడియోతో వ్యక్తి ఆత్మహత్య

చెల్లి అంటూనే వివాహితపై కన్నేశాడు, ఆపై ఘోరం..

Missing Girl Case: చేతులు కట్టేసి కాలువలోకి తోసినా తిరిగొచ్చిన బాలిక (VIDEO)

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags