Disha Salian - Crime Mirror

క్రైమ్ మిర్రర్ : దిశా సాలియాన్ మృతి కేసు మరోసారి మహారాష్ట్ర రాజకీయాల్లో చర్చనీయాంశంగా మారింది. దిశా మృతి వ్యవహారంపై ఎఫ్ఐఆర్ నమోదు చేసి, సమగ్రంగా దర్యాప్తు చేపట్టాలని బాంబే హైకోర్టు సెంట్రల్ బ్యూరో ఆఫ్ ఇన్వెస్టిగేషన్ (సీబీఐ)ను ఆదేశించినట్లు సమాచారం. దీంతో దాదాపు ఆరేళ్ల తర్వాత ఈ కేసు మళ్లీ తెరపైకి వచ్చింది. 2020 జూన్లో దిశా సాలియాన్ మృతి చెందిన కొద్ది రోజుల వ్యవధిలోనే బాలీవుడ్ నటుడు సుశాంత్ సింగ్ రాజ్పుత్ కూడా మరణించారు. ఆ సమయంలో మహారాష్ట్రలో ఉద్ధవ్ ఠాక్రే నేతృత్వంలోని మహా వికాస్ అఘాడీ ప్రభుత్వం అధికారంలో ఉంది. ఉద్ధవ్ ఠాక్రే ముఖ్యమంత్రిగా ఉండగా, ఆయన కుమారుడు ఆదిత్య ఠాక్రే మంత్రిగా కొనసాగారు. దిశా సాలియాన్ మరణించిన రాత్రి మలాడ్లోని ఓ అపార్ట్మెంట్లో జరిగిన పార్టీలో పలువురు ప్రముఖులు పాల్గొన్నారని అప్పట్లో విపక్షాలు ఆరోపించాయి. ఆ పార్టీలో ఆదిత్య ఠాక్రే కూడా ఉన్నారంటూ రాజకీయ విమర్శలు వచ్చాయి. అయితే ఈ ఆరోపణలను ఆదిత్య ఠాక్రే వర్గం పలుమార్లు ఖండించింది. మరోవైపు, దిశా మృతి ఘటనను అప్పటి ముంబై పోలీసులు ఆత్మహత్యగా భావించి యాక్సిడెంటల్ డెత్ రిపోర్ట్గా నమోదు చేశారు. పోలీసుల దర్యాప్తుపై అసంతృప్తి వ్యక్తం చేసిన దిశా తండ్రి సతీష్ సాలియాన్ బాంబే హైకోర్టును ఆశ్రయించారు. తన కుమార్తె మృతి వెనుక వాస్తవాలను వెలికితీసేందుకు కొత్తగా దర్యాప్తు చేపట్టాలని ఆయన కోర్టును కోరారు. ప్రభావవంతమైన వ్యక్తులను రక్షించేందుకే దర్యాప్తు సరిగ్గా జరగలేదని ఆయన ఆరోపించారు. అలాగే కేసులో ఎఫ్ఐఆర్ నమోదు చేయడంతో పాటు, ఆదిత్య ఠాక్రే పేరును కూడా ఎఫ్ఐఆర్లో చేర్చాలని పిటిషన్లో విజ్ఞప్తి చేసినట్లు సమాచారం. తాజా పరిణామంలో సీబీఐ దర్యాప్తునకు హైకోర్టు ఆదేశాలు ఇవ్వడంతో దిశా సాలియాన్ మృతి వ్యవహారం మరోసారి రాజకీయంగా వేడెక్కింది. ఈ పరిణామంపై శివసేన (యూబీటీ), మహాయుతి వర్గాల మధ్య రాజకీయ విమర్శలు మరింత పెరిగే అవకాశం ఉంది. అయితే కేసులో వచ్చిన ఆరోపణలు నిరూపితమైనవిగా పరిగణించలేమని, దర్యాప్తు పూర్తయ్యే వరకు వాస్తవాలు అధికారికంగా స్పష్టమవాల్సి ఉందని సంబంధిత వర్గాలు పేర్కొంటున్నాయి. also read : మైలార్దేవ్పల్లిలో రౌడీషీటర్ దారుణ హత్య

Tag: Disha Salian

Most Read

మహిళ కడుపులో 14 పెన్నులు.. స్కానింగ్‌లో షాకింగ్ విషయం!

రూ.6 లక్షల అప్పు కోసం దారుణం.. ఫైనాన్స్ సంస్థ మేనేజర్ హత్య

కుటుంబాన్ని చిదిమేసిన రోడ్డు ప్రమాదం.. ముగ్గురు మృతి

పెళ్లి వేడుకలో భారీ అగ్నిప్రమాదం.. 22 మంది మృతి

EDITOR PICKS

ఆరేళ్ల తర్వాత దిశా కేసులో బిగ్ ట్విస్ట్.. సీబీఐ దర్యాప్తునకు హైకోర్టు ఆదేశాలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags