Disha Salian Case - Crime Mirror

దివంగత నటుడు సుశాంత్ సింగ్ రాజ్పుత్ మాజీ మేనేజర్ దిశా సాలియన్ మృతి కేసులో కీలక పరిణామం చోటుచేసుకుంది. బాంబే హైకోర్టు ఆదేశాల నేపథ్యంలో కేంద్ర దర్యాప్తు సంస్థ (సీబీఐ) సోమవారం కేసు నమోదు చేసి దర్యాప్తును ప్రారంభించింది. తాజాగా నమోదైన ఎఫ్ఐఆర్లో పలువురు రాజకీయ, సినీ ప్రముఖుల పేర్లు ఉండటం చర్చనీయాంశంగా మారింది. శివసేన (యూబీటీ) నేత, మహారాష్ట్ర మాజీ మంత్రి ఆదిత్య థాకరేతో పాటు నటి రియా చక్రవర్తి, ఆమె సోదరుడు షోవిక్ చక్రవర్తి పేర్లు ఎఫ్ఐఆర్లో ఉన్నట్లు సమాచారం. నటులు డీనో మోరియా, సూరజ్ పంచోలి, మాజీ ముఖ్యమంత్రి ఉద్ధవ్ థాకరే, మాజీ హోంమంత్రి అనిల్ దేశ్ముఖ్, మాజీ పోలీసు అధికారులు సచిన్ వాజే, పరమ్ వీర్ సింగ్ తదితరుల పేర్లు కూడా ప్రస్తావించినట్లు తెలుస్తోంది. కేసులో నేరపూరిత కుట్ర, సాక్ష్యాల ధ్వంసం, ఘటనను ఆత్మహత్యగా చిత్రీకరించేందుకు ప్రయత్నించారనే ఆరోపణలు సహా పలు అంశాలపై సీబీఐ దర్యాప్తు చేయనున్నట్లు సమాచారం. అయితే ఎఫ్ఐఆర్లో పేర్కొన్న ఆరోపణలు దర్యాప్తులో నిర్ధారణ కావాల్సి ఉంది. నాటి ప్రభుత్వం కేసును తప్పుదోవ పట్టించిందన్న ఆరోపణలపైనా దర్యాప్తు సంస్థ దృష్టి సారించనుంది. 2020 జూన్ 8న ముంబైలోని ఓ భవనం నుంచి కిందపడటంతో దిశా సాలియన్ మృతి చెందారు. ఆ ఘటన జరిగిన ఆరు రోజులకే, జూన్ 14న నటుడు సుశాంత్ సింగ్ రాజ్పుత్ ముంబైలోని తన నివాసంలో మృతిచెందారు. ఈ రెండు మరణాల మధ్య సంబంధం ఉందంటూ అప్పట్లో పలు అనుమానాలు, వాదనలు తెరపైకి వచ్చాయి. దిశా సాలియన్ మృతి ఘటనపై తొలుత ముంబై పోలీసులు దర్యాప్తు చేపట్టారు. అయితే కేసులో ఎఫ్ఐఆర్ నమోదు విషయంలో జాప్యం, దర్యాప్తు తీరుపై పలు ప్రశ్నలు తలెత్తాయి. ఈ నేపథ్యంలో బాంబే హైకోర్టు జోక్యం చేసుకుని కేసును సీబీఐకి అప్పగించేందుకు మార్గం సుగమం చేసింది. ఇక దిశా సాలియన్ పనిచేసిన సంస్థ, ఘటన జరిగిన ప్రాంతం, మల్వానీ పోలీస్ స్టేషన్కు చెందిన అప్పటి అధికారులు, పోస్టుమార్టం నిర్వహించిన వైద్యులు, ఫోరెన్సిక్ సిబ్బంది, భవనం భద్రతా సిబ్బంది సహా పలువురి పాత్రపై సీబీఐ దృష్టి పెట్టనున్నట్లు సమాచారం. కేసులో వాస్తవాలు ఏమిటన్నది దర్యాప్తు పూర్తయిన తర్వాతే స్పష్టమయ్యే అవకాశం ఉంది. also read: కంగనా రనౌత్ వర్సెస్ రాఖీ సావంత్.. మరోసారి ముదిరిన మాటల యుద్ధం

Tag: Disha Salian Case

Most Read

మోడీ దూకుడుకు బ్రేక్…!

2018 వీడియో వివాదం మళ్లీ హాట్ టాపిక్.. ధ్రువ్ రాఠీకి కోర్టు వారెంట్!

జవానుతో వాగ్వాదం.. చెంపపై కొట్టిన మహిళ! రంగంలోకి ఢిల్లీ పోలీసులు!

నూడుల్స్ తిన్న తర్వాత ఏం జరిగింది? ఒకే కుటుంబంలో ఐదుగురి అనుమానాస్పద మృతి!

EDITOR PICKS

దిశా సాలియన్ మృతి కేసులో కీలక పరిణామం.. సీబీఐ ఎఫ్‌ఐఆర్‌లో ప్రముఖుల పేర్లు

ఆరేళ్ల తర్వాత దిశా కేసులో బిగ్ ట్విస్ట్.. సీబీఐ దర్యాప్తునకు హైకోర్టు ఆదేశాలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags