#DammamAirport - Crime Mirror

క్రైమ్ మిర్రర్ : సౌదీ అరేబియాలోని దమ్మామ్ విమానాశ్రయం సమీపంలో జరిగిన డ్రోన్ దాడి తీవ్ర ఆందోళనకు దారితీసింది. ఈ ఘటనలో ఇద్దరు ప్రాణాలు కోల్పోగా, మృతుల్లో ఒక భారతీయుడు కూడా ఉన్నట్లు అధికారులు వెల్లడించారు. పలువురు గాయపడటంతో బాధితుల పరిస్థితిపై ఆందోళన వ్యక్తమవుతోంది. డ్రోన్ శకలాలు తగిలి ఇద్దరు మృతి అందుబాటులో ఉన్న సమాచారం ప్రకారం.. బుధవారం సౌదీ అరేబియాలోని దమ్మామ్ విమానాశ్రయాన్ని లక్ష్యంగా చేసుకుని దాడి జరిగినట్లు వార్తలు వెలువడ్డాయి. ఈ నేపథ్యంలో ఓ డ్రోన్ను అడ్డుకున్నామని సౌదీ ఇంధన శాఖ ప్రకటించింది. అయితే, డ్రోన్ శకలాలు పడటంతో ఇద్దరు మరణించగా, మరో ఇద్దరు గాయపడినట్లు వెల్లడించింది. మృతుల్లో భారతీయుడు ఉండటంతో ఈ ఘటన ప్రాధాన్యం సంతరించుకుంది. గాయపడిన వారిలో భారతీయులతో పాటు యెమెన్, బంగ్లాదేశ్కు చెందిన వ్యక్తులు కూడా ఉన్నట్లు సమాచారం. ప్రమాదానికి సంబంధించిన పూర్తి వివరాలను అధికారులు సేకరిస్తున్నారు. భారతీయుల భద్రతపై ఎంబసీ ఆరా ఈ ఘటనపై రియాద్లోని భారత రాయబార కార్యాలయం స్పందించింది. దాడికి సంబంధించిన వివరాలను సేకరిస్తున్నామని ఎక్స్ వేదికగా తెలిపింది. ప్రాణాలు కోల్పోయిన వారి కుటుంబాలకు సానుభూతి తెలియజేస్తూ, గాయపడిన వారు త్వరగా కోలుకోవాలని ఆకాంక్షించింది. అక్కడ నివసిస్తున్న భారతీయుల భద్రతకు సంబంధించిన పరిస్థితులను ఎంబసీ నిశితంగా పరిశీలిస్తోంది. తాజా పరిణామాల నేపథ్యంలో స్థానిక అధికారులు జారీ చేసే మార్గదర్శకాలను పాటించాలని భారతీయులకు సూచించింది. విమానాశ్రయ కార్యకలాపాలు పునరుద్ధరణ దాడి అనంతరం విమానాశ్రయానికి జరిగిన నష్టాన్ని అంచనా వేసేందుకు అధికారులు చర్యలు చేపట్టారు. విమానాశ్రయ కార్యకలాపాలను తిరిగి ప్రారంభించినట్లు సమాచారం. ప్రయాణికుల భద్రతకు సంబంధించి అవసరమైన చర్యలు తీసుకుంటున్నట్లు అధికారులు వెల్లడించారు. భారత్, అమెరికా పౌరులకు హెచ్చరికలు ప్రాంతంలో భద్రతాపరమైన ఉద్రిక్తతలు పెరుగుతున్న నేపథ్యంలో భారత్, అమెరికా తమ పౌరులకు అప్రమత్తత సూచనలు జారీ చేశాయి. సౌదీ అరేబియాలో ఉన్న భారతీయులు స్థానిక అధికారుల సూచనలను తప్పనిసరిగా పాటించాలని భారత రాయబార కార్యాలయం కోరింది. మరోవైపు, అమెరికా తన రాయబార కార్యాలయంలో అత్యవసర విధుల్లో లేని సిబ్బంది తమ కుటుంబాలతో కలిసి స్వదేశానికి తిరిగి రావాలని సూచించినట్లు సమాచారం. ఈ పరిణామాలతో గల్ఫ్ ప్రాంతంలో నివసిస్తున్న విదేశీయుల భద్రతపై చర్చ మొదలైంది. దాడికి సంబంధించి మరిన్ని వివరాలు, విమానాశ్రయానికి జరిగిన నష్టం, బాధితుల పూర్తి సమాచారం అధికారికంగా వెల్లడికావాల్సి ఉంది. also read : ఘోర రోడ్డు ప్రమాదం.. ఇద్దరు యువ అథ్లెట్లు మృతి!

Tag: #DammamAirport

Most Read

సవతి తల్లిపై డీజిల్ పోసి నిప్పంటించిన కుమారుడు.. చికిత్స పొందుతూ మృతి!

రూ.20 వాటర్ బాటిల్ కోసం దారుణం.. వ్యక్తిని కొట్టి చంపిన నలుగురు!

సౌదీలో డ్రోన్ దాడి కలకలం.. మృతుల్లో భారతీయుడు!

ఘోర రోడ్డు ప్రమాదం.. ఇద్దరు యువ అథ్లెట్లు మృతి!

EDITOR PICKS

సౌదీలో డ్రోన్ దాడి కలకలం.. మృతుల్లో భారతీయుడు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags