Cricket Records - Crime Mirror

భారత క్రికెట్లో కొత్త సంచలనంగా ఎదుగుతున్న యువ ఆటగాడు వైభవ్ సూర్యవంశీ తన అసాధారణ ప్రతిభతో ప్రపంచ దృష్టిని ఆకర్షిస్తున్నాడు. బీహార్కు చెందిన ఈ బాల ప్రతిభ, చాలా చిన్న వయసులోనే ఐపీఎల్ వేదికపై తన ముద్ర వేసి అందరినీ ఆశ్చర్యపరుస్తోంది. గత ఏడాది కేవలం 13 ఏళ్ల వయసులోనే రాజస్థాన్ రాయల్స్ జట్టు తరఫున రూ.1,10,00,000కు ఎంపికై, ఐపీఎల్ ఒప్పందం కుదుర్చుకున్న అతి పిన్న వయస్కుడిగా చరిత్ర సృష్టించాడు. అనంతరం గుజరాత్ టైటాన్స్పై జరిగిన మ్యాచ్లో కేవలం 38 బంతుల్లోనే 101 పరుగులు చేసి, ఐపీఎల్ చరిత్రలో సెంచరీ సాధించిన అత్యంత చిన్న వయస్కుడిగా నిలిచాడు. ఈ యువ ఆటగాడి ప్రతిభను చూసి ప్రపంచ క్రికెట్ దిగ్గజాలు సైతం ప్రశంసలు కురిపిస్తున్నారు. ముఖ్యంగా ఇంగ్లాండ్ స్టార్ క్రికెటర్ జోస్ బట్లర్ అతనిపై చేసిన వ్యాఖ్యలు ఇప్పుడు వైరల్ అవుతున్నాయి. అహ్మదాబాద్లోని నరేంద్ర మోదీ స్టేడియంలో జరిగిన నెట్స్ ప్రాక్టీస్ సందర్భంగా బట్లర్ మాట్లాడుతూ.. వైభవ్ను తాను చూసిన అత్యుత్తమ యువ ఆటగాళ్లలో ఒకడిగా కొనియాడాడు. అండర్-19 ప్రపంచ కప్లో ఇంగ్లాండ్పై అతను 80 బంతుల్లో 175 పరుగులు చేసిన ఇన్నింగ్స్ తమ జట్టును కుదిపేసిందని తెలిపాడు. భవిష్యత్తులో అతను ప్రపంచ క్రికెట్ను ఏలే స్థాయికి చేరుకుంటాడని విశ్వాసం వ్యక్తం చేశాడు. ప్రస్తుతం జరుగుతున్న ఐపీఎల్ 2026 సీజన్లో కూడా వైభవ్ తన అద్భుత ఫామ్ను కొనసాగిస్తున్నాడు. ఓపెనర్గా బరిలోకి దిగుతూ ప్రత్యర్థి బౌలర్లపై దూకుడుగా ఆడుతున్నాడు. చెన్నై సూపర్ కింగ్స్పై గౌహతిలో జరిగిన మ్యాచ్లో కేవలం 15 బంతుల్లోనే అర్థ సెంచరీ సాధించి అందరినీ ఆశ్చర్యపరిచాడు. 305.88 స్ట్రైక్ రేట్తో ఐదు సిక్సర్లు బాది స్టేడియంను మార్మోగించాడు. ఇప్పటివరకు 8 మ్యాచ్లు ఆడిన వైభవ్, 38.00 సగటుతో 304 పరుగులు నమోదు చేశాడు. అతని స్ట్రైక్ రేట్ 218.70గా ఉండటం అతని దూకుడు బ్యాటింగ్కు నిదర్శనం. అతి చిన్న వయసులోనే ఇంతటి స్థాయిలో ప్రదర్శన చేయడం విశేషం. అతని ఆటతీరు, ఆత్మవిశ్వాసం చూస్తుంటే భవిష్యత్తులో భారత జట్టుకు కీలక ఆటగాడిగా మారే అవకాశాలు స్పష్టంగా కనిపిస్తున్నాయి. ALSO READ: ముక్కు-పెదవికి మధ్య ఉండే ఈ భాగాన్ని ఏమంటారో చెప్పుకోండి చూద్దాం!

Tag: Cricket Records

Most Read

ఓఆర్‌ఆర్‌పై ఘోర రోడ్డు ప్రమాదం.. ఇద్దరు మృతి, ముగ్గురికి తీవ్ర గాయాలు

కామారెడ్డి మహిళ హత్య కేసు ఛేదన.. నిందితుడిని అరెస్ట్ చేసిన పోలీసులు

భార్యతో గొడవ.. పసికందును నేలకేసి కొట్టిన తండ్రి

అహ్మదాబాద్‌లో బాణసంచా కర్మాగారంలో ఘోర పేలుడు.. 8 మంది మృతి

EDITOR PICKS

భారత క్రికెట్ రంగంలో మారుమోగిపోతున్న వైభవ్ సూర్యవంశీ పేరు.. ఎందుకంటే?

ఒక్క మ్యాచ్ తో ఎన్నో రికార్డులు బ్రేక్

T20 లలో షఫాలి వర్మ వరల్డ్ రికార్డ్..!

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags