Congress latest news - Crime Mirror

లోక్సభలో ప్రతిపక్ష నేత, కాంగ్రెస్ సీనియర్ నాయకుడు రాహుల్ గాంధీ నేడు ఉత్తరప్రదేశ్లోని రాయ్బరేలీ నియోజకవర్గంలో పర్యటించనున్నారు. రెండు రోజుల పాటు కొనసాగే ఈ పర్యటనలో భాగంగా ఆయన పలు కార్యక్రమాల్లో పాల్గొంటారు. నియోజకవర్గ అభివృద్ధి, ప్రజా సమస్యలపై ప్రధానంగా దృష్టి సారించనున్నారు. పర్యటనలో భాగంగా జిల్లా అభివృద్ధి సమన్వయ, పర్యవేక్షణ కమిటీ (దిశ) సమావేశానికి రాహుల్ గాంధీ అధ్యక్షత వహించనున్నారు. నియోజకవర్గంలో అమలవుతున్న అభివృద్ధి కార్యక్రమాలు, కేంద్ర ప్రభుత్వ పథకాల అమలు, వాటి పురోగతిపై అధికారులతో సమీక్ష నిర్వహించనున్నారు. ఇటీవల కురిసిన భారీ వర్షాలు, వరదల కారణంగా ప్రభావితమైన ప్రాంతాల పరిస్థితిపై కూడా సమావేశంలో ప్రధానంగా చర్చించే అవకాశం ఉంది. వరదల వల్ల జరిగిన నష్టం, సహాయక చర్యలు, పునరావాస పరిస్థితులపై అధికారులను రాహుల్ గాంధీ వివరాలు అడిగి తెలుసుకోనున్నారు. గతంలో అమేథీ ఎంపీ కిశోరీ లాల్ శర్మ అధ్యక్షతన జరిగిన దిశ సమావేశంలో తీసుకున్న నిర్ణయాల అమలుపైనా అధికారులు నివేదికలను సిద్ధం చేశారు. వరద ప్రభావిత ప్రాంతాల్లో రాహుల్ పర్యటన దిశ సమావేశం అనంతరం రాహుల్ గాంధీ శివ్గఢ్, మహారాజ్గంజ్ ప్రాంతాల్లో పర్యటించనున్నారు. వరదలతో ఇబ్బందులు ఎదుర్కొన్న ప్రాంతాలను పరిశీలించడంతో పాటు స్థానిక ప్రజలను కలుసుకోనున్నారు. బాధితుల సమస్యలను నేరుగా తెలుసుకుని, అక్కడి పరిస్థితులను స్వయంగా పరిశీలించనున్నారు. వరదల కారణంగా ప్రజలకు ఎదురైన ఇబ్బందులు, నష్టపోయిన మౌలిక వసతులు, ప్రభుత్వ సహాయక చర్యలపై స్థానికులతో మాట్లాడే అవకాశం ఉంది. ఈ పర్యటన ద్వారా ప్రజల నుంచి నేరుగా అభిప్రాయాలను తెలుసుకునేందుకు రాహుల్ గాంధీ ప్రయత్నించనున్నారు. ఎన్నికల వేళ ప్రాధాన్యం ఉత్తరప్రదేశ్లో అసెంబ్లీ ఎన్నికలు సమీపిస్తున్న నేపథ్యంలో రాహుల్ గాంధీ రాయ్బరేలీ పర్యటనకు రాజకీయ ప్రాధాన్యత ఏర్పడింది. నియోజకవర్గ అభివృద్ధి అంశాలతో పాటు స్థానిక సమస్యలను తెలుసుకోవడం ద్వారా పార్టీ కార్యకర్తలు, ప్రజలతో ఆయన మరింతగా మమేకం కానున్నారు. ఇదిలా ఉంటే.. రాహుల్ గాంధీ ఈ ఏడాది మే 19, 20 తేదీల్లో చివరిసారిగా ఉత్తరప్రదేశ్లో పర్యటించారు. ఆ సమయంలో రాయ్బరేలీ పరిధిలోని బచ్రావాన్లో ఎంపీ నిధులతో నిర్మించిన కల్యాణ మండపాన్ని ప్రారంభించారు. ప్రస్తుత పర్యటనలో అభివృద్ధి పనుల సమీక్షతో పాటు వరద ప్రభావిత ప్రాంతాల సందర్శనకు ప్రాధాన్యత ఇవ్వడం ఆసక్తికరంగా మారింది. also read: విమానాన్ని తలపించే ప్రభుత్వ బస్సు.. కేరళలో కేఎస్ఆర్టీసీ కొత్త ప్రయోగం!

Tag: Congress latest news

Most Read

‘ఎపిక్: ఫస్ట్ సెమిస్టర్‌’కు A సర్టిఫికెట్.. సెప్టెంబర్ 11న థియేటర్లలో సందడి

పంట బోదెలో గుర్తుతెలియని వృద్ధుడి మృతదేహం.. పామర్రులో కలకలం

పల్నాడులో విషాదం.. అబార్షన్ కిట్ వాడిన 17 ఏళ్ల మైనర్ బాలిక మృతి

యంగ్ ఫిల్మ్‌మేకర్లకు గుడ్‌న్యూస్.. ‘యంగ్ ఫిల్మ్‌మేకర్ ఛాలెంజ్-2026’కు దరఖాస్తుల ఆహ్వానం

EDITOR PICKS

రాయ్‌బరేలీలో రాహుల్ గాంధీ.. రెండ్రోజుల పాటు కొనసాగనున్న పర్యటన

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags