compact scooter designs

Electric Scooters: ఎలక్ట్రిక్ వాహనాల మార్కెట్లో ఇటీవల అత్యంత వేగవంతమైన పెరుగుదల చూపుతున్న విభాగం కాంపాక్ట్ ఎలక్ట్రిక్ స్కూటర్లు. ముఖ్యంగా మహిళలు సురక్షితంగా, సులభంగా, తక్కువ బరువుతో నడిపే వీలుండే స్కూటర్లను అధికంగా ఎంపిక చేసుకుంటున్నారు. ట్రాఫిక్ ఎక్కువగా ఉండే నగరాలు, సెమీ అర్బన్ పట్టణాలు, రోజువారీ ఉద్యోగుల ప్రయాణాలకు ఈ ఈవీలు మరింత బాగా సరిపోవడం వాటికి భారీ డిమాండ్ తెచ్చిపెడుతోంది. తక్కువ ఖర్చుతో ఎక్కువ దూరం ప్రయాణించగలిగే సామర్థ్యం, రిమూవబుల్ బ్యాటరీలు, ఆధునిక భద్రతా సదుపాయాలు, కీ లెస్ ఎంట్రీ వంటి ఫీచర్లు అందుబాటులో ఉండటం వల్ల ఈ స్కూటర్ల వినియోగం గతకొన్నేళ్లలో విపరీతంగా పెరిగింది. ఇప్పటికే దేశీయ మార్కెట్లో అనేక కంపెనీలు మహిళా రైడర్ల కోసం ప్రత్యేకంగా రూపొందించిన ఈవీ మోడళ్లను విడుదల చేశాయి. తక్కువ బరువు, తక్కువ సీటు ఎత్తు, శరీర నిర్మాణానికి సరిపోయే డిజైన్, వేగం పరిమితి వంటి ఫీచర్లు మహిళలకు పెద్ద సౌకర్యాన్ని అందిస్తున్నాయి. అదే సమయంలో ఛార్జింగ్ సదుపాయాల విస్తరణ, తక్కువ నిర్వహణ ఖర్చులు, ప్రభుత్వ ప్రోత్సాహకాలు ఈ వాహనాల వృద్ధిని మరింత పెంచుతున్నాయి. ఇప్పుడు మార్కెట్లో అత్యంత ప్రజాదరణ పొందుతున్న ఐదు కాంపాక్ట్ ఈ స్కూటర్ల వివరాలు ఇలా ఉన్నాయి. జీలియో లిటిల్ గ్రేసీ ప్రస్తుతం అత్యంత తక్కువ ధరలో దొరికే లైట్ వెయిట్ స్కూటర్గా గుర్తింపు తెచ్చుకుంది. కేవలం 80 కిలోల బరువు ఉండటం వల్ల ఇది ట్రాఫిక్ రోడ్లలో కూడా సులభంగా హ్యాండిల్ చేయవచ్చు. ఇంట్లో విద్యుత్తో కేవలం 1.5 యూనిట్ల పవర్ ఉపయోగించి 60 నుంచి 90 కిలోమీటర్ల వరకు ప్రయాణించగలిగే రేంజ్ వినియోగదారులకు మరింత ఆర్థికంగా నిలుస్తుంది. సెంటర్ లాక్ ఆంటీ థెఫ్ట్ అలారం, యూఎస్బీ ఛార్జింగ్, లైసెన్స్ అవసరం లేకుండా నడపగలిగే సౌకర్యం ఉండటం దీనిని మహిళలు ఎక్కువగా ఎంచుకునేలా చేస్తోంది. దీని ధర రూ. 55,000 నుంచి రూ. 60,000 మధ్యలో ఉంది. ఒకినావా లైట్ రోజువారీ చిన్న దూర రైడింగ్ కోసం ప్రత్యేకంగా రూపొందించబడింది. 1.25 kWh లిథియం అయాన్ బ్యాటరీతో ఇది ఒక్కసారి ఛార్జ్ చేస్తే సుమారు 60 కిలోమీటర్ల ప్రయాణం అందిస్తుంది. గంటకు 25 కిలోమీటర్ల గరిష్ట వేగం కారణంగా ఇది పూర్తిగా సేఫ్ రైడింగ్కు అనువైన మోడల్గా భావించబడుతోంది. 740 mm సీటు ఎత్తు ఉండటం వలన చిన్న శరీర నిర్మాణం కలిగిన మహిళలు కూడా సౌకర్యంగా నడపగలరు. దీని ధర రూ. 69,093 ఎక్స్ షోరూమ్. ఆంపియర్ మాగ్నస్ EX బడ్జెట్ ఫ్రెండ్లీ కేటగిరీలో అత్యంత ఆకర్షణీయమైన లుక్తో వస్తుంది. 82 కిలోల బరువుతో తేలికైన శరీరంతో ఉండే ఈ స్కూటర్ ఏఆర్ఏఐ సర్టిఫై చేసిన 121 కిలోమీటర్ల రేంజ్ ఇవ్వడం దీనిలోని ప్రధాన ప్రత్యేకత. 50 కిలోమీటర్ల వేగంతో ప్రయాణించగలిగే ఈ మోడల్ లింప్ హోమ్ ఫీచర్ను కలిగి ఉండటం మరో అదనపు భద్రత. బ్యాటరీ పూర్తిగా తక్కువ అయినా కొద్ది దూరం ప్రయాణించే అవకాశాన్ని ఇస్తుంది. దీని ధర రూ. 67,999 నుంచి రూ. 94,900 వరకు ఉంది. హీరో ఎలక్ట్రిక్ ఆప్టిమా CX 2.0 నమ్మకమైన, మన్నికైన, సులభంగా ఆపరేట్ చేయగలిగే ఈవీగా పేరుపొందింది. 72.5 నుంచి 83 కిలోల మధ్య బరువు ఉండే ఈ మోడల్ ఒక్కసారి ఛార్జ్పై దాదాపు 89 కిలోమీటర్ల దూరం ప్రయాణిస్తుంది. ముఖ్యంగా దీనిలోని పోర్టబుల్ బ్యాటరీ కారణంగా ఇంట్లోనే ఛార్జ్ చేసుకోవచ్చు. ఇది మహిళలకు మరింత సులభంగా ఉపయోగపడే విధంగా ఉంటుంది. ధర రూ. 85,000 నుంచి రూ. 90,000. కొమాకి SE ఇకో స్కూటర్ నగర ప్రయాణాల కోసం ప్రత్యేకంగా రూపొందించబడింది. 82 కిలోల బరువుతో తేలికగా ఉండే ఈ స్కూటర్ స్మార్ట్ డిజిటల్ డాష్బోర్డ్, మంచి స్టోరేజ్ స్పేస్ వంటి ఫీచర్లతో మరింత ఆధునిక అనుభవాన్ని అందిస్తోంది. 2 kW LiPo బ్యాటరీ తో వస్తున్న ఈ వాహనం ఒక్కసారి ఛార్జ్ చేస్తే 100 కిలోమీటర్ల వరకు ప్రయాణించగలదని కంపెనీ చెబుతోంది. ఫ్రంట్ డిస్క్ బ్రేకులు, ఆంటీ స్కిడ్ టైర్లు, ఆంటీ థెఫ్ట్ లాక్ వంటి భద్రతా సదుపాయాలు దీనిని మరింత నమ్మదగిన ఎంపికగా నిలుస్తున్నాయి. ధర రూ. 97,256 ఎక్స్ షోరూమ్. ఈ ఐదు స్కూటర్లు తక్కువ ఖర్చుతో పాటు ఎక్కువ ప్రయోజనాలు అందించడం, మహిళా రైడర్లకు మరింత అనుకూలంగా ఉండటం కారణంగా మార్కెట్లో వేగంగా పాపులర్ అవుతున్నాయి. సిటీ రైడింగ్ కోసం తేలికైన, సురక్షితమైన, తక్కువ నిర్వహణ ఖర్చుతో కూడిన ఈవీలను కోరుకునే వారికి ఇవి ప్రస్తుతానికి ఉత్తమ ఎంపికలుగా నిలుస్తున్నాయి. ALSO READ: Prawns: రొయ్యలు తినడం వల్ల ఎన్ని లాభాలో తెలుసా?

Tag: compact scooter designs

Most Read

Bengal Elections: బెంగాల్ ఎన్నికల పరిశీలకుడిగా ఎన్‌కౌంటర్ స్పెషలిస్ట్.. ఈసీ సంచలన నిర్ణయం!

నారా లోకేష్ ఎక్కడ…?!

అందరివాడు రేవంత్…!

గులాబీ పార్టీలో కళావిహీనం…!

EDITOR PICKS

Electric Scooters: లేడీస్ కోసం బెస్ట్ స్కూటర్లు.. లైసెన్స్ కూడా అవసరమే లేదు!..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel