child welfare discussion

Crime: మేడ్చల్ మల్కాజిగిరి పోలీస్స్టేషన్ పరిధిలో చోటుచేసుకున్న హృదయవిదారక ఘటన స్థానికంగా తీవ్ర విషాదాన్ని నింపింది. వసంతపురి కాలనీలో నివసిస్తున్న ఏడేళ్ల బాలికపై ఆమె తల్లే అమానుషంగా వ్యవహరించడంతో చిన్నారి ప్రాణాలు కోల్పోయింది. మూడంతస్తుల అపార్ట్మెంట్పై నుంచి బాలికను కిందికి తోసివేయడంతో ఈ విషాద ఘటన చోటుచేసుకున్నట్లు పోలీసులు వెల్లడించారు. ఈ ఘటనలో తీవ్రంగా గాయపడిన బాలికను స్థానికులు వెంటనే గాంధీ ఆస్పత్రికి తరలించారు. అయితే అక్కడ చికిత్స పొందుతూ చిన్నారి మృతి చెందింది. ఈ సంఘటనతో కాలనీలో విషాద ఛాయలు అలుముకున్నాయి. చిన్నారి మృతి వార్త విని స్థానికులు, బంధువులు తీవ్ర దిగ్భ్రాంతికి గురయ్యారు. మల్కాజిగిరి సీఐ సత్యనారాయణ తెలిపిన వివరాల ప్రకారం.. మృతురాలి తల్లిదండ్రులు గత 20 సంవత్సరాలుగా వసంతపురి కాలనీలో నివాసం ఉంటున్నారు. తండ్రి ప్రైవేటు సంస్థలో ఉద్యోగం చేస్తూ కుటుంబానికి జీవనాధారం కల్పిస్తున్నట్లు తెలిపారు. అయితే బాలిక తల్లి కొంతకాలంగా మానసిక సమస్యలతో బాధపడుతున్నట్లు ప్రాథమిక విచారణలో వెల్లడైంది. ఈ క్రమంలో సోమవారం సాయంత్రం బాలికను అపార్ట్మెంట్ పై నుంచి కిందకు నెట్టినట్లు పోలీసులు అనుమానిస్తున్నారు. కిందకు పడిన బాలిక పక్కనే ఉన్న ఇంటి మెట్లపై పడటంతో తీవ్ర గాయాలయ్యాయి. ఈ ఘటనను గమనించిన స్థానికులు వెంటనే స్పందించి బాలికను ఆస్పత్రికి తరలించారు. అయినప్పటికీ ఆమె ప్రాణాలను కాపాడలేకపోయారు. ఈ ఘటనపై కేసు నమోదు చేసుకున్న మల్కాజిగిరి పోలీసులు దర్యాప్తు చేపట్టారు. బాలిక తల్లి మానసిక స్థితి, సంఘటన జరిగిన సమయంలో పరిస్థితులు, ఇతర కుటుంబ సభ్యుల పాత్ర వంటి అంశాలపై పోలీసులు విచారణ కొనసాగిస్తున్నారు. పూర్తి వివరాలు దర్యాప్తులో తేలాల్సి ఉందని అధికారులు తెలిపారు. ALSO READ: Anirudh Reddy: బీఆర్ఎస్ సర్పంచులను చంపేస్తా.. ఎమ్మెల్యే సంచలన వ్యాఖ్యలు

Tag: child welfare discussion

Most Read

శెట్టిపాలెం ఇండియ‌న్ గ్యాస్ గోదాములో అంతా గోల్ మాల్..!

డాడీ లేని జీవితం నాకొద్దంటూ…ఉరేసుకొని ఆత్మ‌హ‌త్య‌…!

రెండు సంవత్సరాలలో ఐదువేల ఆలయాలు నిర్మించాలి : సీఎం చంద్రబాబు

నేడు ఆసక్తికర మ్యాచ్.. కోల్కతా భోణి కొడుతుందా..?

EDITOR PICKS

Crime: భవనంపై నుంచి కూతురిని తోసేసిన తల్లి.. బాలిక మృతి

Preschool For Children: తల్లిదండ్రులు తప్పక తెలుసుకోవాల్సిన విషయాలు ఇవే..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending