Border Tensions - Crime Mirror

దాడులు మరింత ఉధృతంగా కొనసాగిస్తాం తాలిబన్ల నేతృత్వంలోని అప్ఘాన్ రక్షణ శాఖ వెల్లడి పాకిస్థాన్, అఫ్ఘానిస్థాన్ మధ్య ఉద్రిక్తతలు తీవ్రమయ్యాయి. ఈ నేపథ్యంలో తాలిబన్ వైమానికదళం పాక్ భూభాగంలోకి చొచ్చుకెళ్లి వైమానిక దాడులు చేసినట్టు వెల్లడించింది. సోమవారం తెల్లవారుజామున రావల్పిండిలోని పాక్ ఆర్మీ ప్రధాన కార్యాలయానికి సమీపంలో ఉన్న నూర్ ఖాన్ వైమానిక స్థావరంపై భారీ దాడులు చేసినట్టు అఫ్ఘాన్ రక్షణ శాఖ ప్రకటించింది. ఈ దాడులు ఎంతో సమన్వయంతో, కచ్చితత్వంతో నిర్వహించినట్టు పేర్కొంది. కీలకమైన సైనిక స్థావరాలను లక్ష్యంగా దాడులు రావల్పిండి సమీపంలోని నూర్ ఖాన్ ఎయిర్బేస్, బలూచిస్థాన్లోని క్వెట్టాలో ఉన్న 12వ డివిజన్ ప్రధాన కార్యాలయం, ఖైబర్ పఖ్తుంఖ్వాలోని కీలకమైన సైనిక స్థావరాలను లక్ష్యంగా చేసుకుని ఈ దాడులు చేసినట్టు తాలిబన్ నేతృత్వంలోని అఫ్ఘాన్ రక్షణ శాఖ తెలిపింది. నూర్ఖాన్ ఎయిర్బేస్ పాకిస్థాన్లోని అత్యంత వ్యూహాత్మకమైన వైమానిక స్థావరాల్లో ఒకటి. గతేడాది ఆపరేషన్ సిందూర్ సమయంలో భారత్ దాడుల వల్ల నూర్ఖాన్ ఎయిర్బేస్ బాగా దెబ్బతింది. దానికి పాకిస్థాన్ మరమ్మతులు చేపడుతోంది. ఆప్ఘన్ దాడుల వెనుక కారణం ఏంటి? కాబూల్, బాగ్రామ్లను లక్ష్యంగా చేసుకుని ఇటీవల పాక్ వైమానిక దాడులకు పాల్పడిందని, దానికి ప్రతీకారంగానే తాము ఈ దాడులు చేశామని అఫ్ఘాన్ అధికారులు తెలిపారు. ఇటీవలి కాలంలో ఇస్లామాబాద్, కాబూల్ మధ్య ఉద్రిక్తతలు తీవ్రంగా పెరిగాయి. సరిహద్దుల్లో భద్రతా దళాల మధ్య ఘర్షణలు అధికమయ్యాయి. ఈ నేపథ్యంలో సరిహద్దుల వెంబడి పరిస్థితిని బహిరంగ యుద్ధంగా పాక్ అభివర్ణించింది. దాడులపై స్పందించని పాక్ ప్రభుత్వం పాక్లోని కీలక స్థావరాలపై వైమానిక దాడులు చేశామంటూ తాలిబన్లు చేసిన ప్రకటనలపై పాకిస్థాన్ ఇంతవరకూ స్పందించలేదు. పాక్ అధికారులు ఎవరూ ఈ దాడులను ధ్రువీకరించలేదు. దీంతో ఈ దాడులు జరిగాయా లేదా? వాటివల్ల ఏమైనా నష్టం జరిగిందా? అనేది ఇంకా తెలియదు.

Tag: Border Tensions

Most Read

మహిళా బిల్లు అడ్డగింతపై ప్రధాని మోదీ ధ్వజం.. స్వార్థ రాజకీయాలకే విపక్షాల ప్రాధాన్యం

ఉద్యమకారులను జైల్లో పెట్టడం ఏంటి..? కవిత ఆగ్రహం

భారత నౌకలపై ఇరాన్ అటాక్..

చిట్టి త‌ల్లి ఇక వందేళ్లు జీవించ‌మ్మా…! మంత్రి నారా లోకేష్‌

EDITOR PICKS

Afghan–Pakistan Conflict: పాక్ పై అప్ఘన్ బాంబుల వర్షం, నూర్‌ ఖాన్‌ ఎయిర్‌ బేస్‌ తో సహా పలు సైనిక స్థావరాలపై దాడులు!

డ్యూరాండ్ సరిహద్దులో మళ్లీ కాల్పుల మోత.. పాక్ సైన్యాన్ని హతమార్చిన తాలిబన్లు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending