#Balod - Crime Mirror

క్రైమ్ మిర్రర్ : ఛత్తీస్గఢ్లో శుక్రవారం తెల్లవారుజామున ఘోర రోడ్డు ప్రమాదం చోటుచేసుకుంది. బలోద్ జిల్లాలోని మార్కటోలా ఘాట్ సమీపంలో జరిగిన ఈ ప్రమాదంలో ఆరుగురు ప్రాణాలు కోల్పోగా.. మరో ఏడుగురు తీవ్రంగా గాయపడ్డారు. మృతులు, క్షతగాత్రులు పికప్ వాహనంలో ప్రయాణిస్తున్న వారిగా పోలీసులు తెలిపారు. ధమతరి-కంకేర్ మార్గంలోని జాతీయ రహదారి-30పై ఈ ప్రమాదం జరిగింది. వరి ధాన్యంతో వెళ్తున్న ఓ ట్రక్కు.. డీజే పరికరాలతో ప్రయాణిస్తున్న పికప్ వాహనాన్ని ఢీకొట్టింది. ఢీకొన్న వేగానికి పికప్ వాహనం తీవ్రంగా దెబ్బతినడంతో పాటు అందులో ఉన్న డీజే పరికరాలు కూడా ధ్వంసమయ్యాయి. ప్రమాదం గురించి సమాచారం అందుకున్న పురూర్ పోలీసులు వెంటనే ఘటనాస్థలికి చేరుకున్నారు. సహాయక చర్యలు చేపట్టి వాహనంలో చిక్కుకున్న వారిని బయటకు తీసుకొచ్చారు. తీవ్రంగా గాయపడిన ఏడుగురిని చికిత్స కోసం సమీపంలోని ఆసుపత్రికి తరలించారు. ఈ ఘటన బలోద్ జిల్లాలోని పురూర్ పోలీస్ స్టేషన్ పరిధిలో జరిగినట్లు అధికారులు వెల్లడించారు. ప్రమాదంలో ఆరుగురు మృతి చెందిన విషయాన్ని బలోద్ అదనపు ఎస్పీ చంద్రకాంత్ గోవర్ణ ధృవీకరించారు. ప్రమాదానికి అసలు కారణం ఏమిటనే దానిపై పోలీసులు దర్యాప్తు చేస్తున్నారు. ట్రక్కు, పికప్ వాహనాల వేగం, డ్రైవర్ల పరిస్థితి, ప్రమాదానికి ముందు చోటుచేసుకున్న పరిణామాలు తదితర అంశాలపై వివరాలు సేకరిస్తున్నారు. దర్యాప్తు పూర్తయిన తర్వాత ప్రమాదానికి సంబంధించిన పూర్తి వివరాలు వెల్లడిస్తామని పోలీసులు తెలిపారు. also read : బ్రిజ్ భూషణ్కు మరో షాక్.. కోర్టు తీర్పును సవాల్ చేసిన మహిళా రెజ్లర్లు

Tag: #Balod

Most Read

చండీగఢ్‌లో హెడ్ కానిస్టేబుల్ అనుమానాస్పద మృతి.. కొడుకుపై అనుమానాలు

వివేకా హత్య కేసులో ఈడీ దూకుడు.. సునీల్ యాదవ్‌ను సుదీర్ఘంగా ప్రశ్నించిన అధికారులు

ఛత్తీస్‌గఢ్‌లో ఘోర రోడ్డు ప్రమాదం.. ఆరుగురు మృతి

బ్రిజ్ భూషణ్‌కు మరో షాక్.. కోర్టు తీర్పును సవాల్ చేసిన మహిళా రెజ్లర్లు

EDITOR PICKS

ఛత్తీస్‌గఢ్‌లో ఘోర రోడ్డు ప్రమాదం.. ఆరుగురు మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags