Adoni News - Crime Mirror

కర్నూలు జిల్లా ఆదోనిలో పారిశుద్ధ్య కార్మికురాలిపై జరిగిన దాడి కలకలం రేపుతోంది. ఆదోని ఆర్టీసీ బస్టాండ్ సమీపంలో నర్సమ్మ అనే మహిళపై ముగ్గురు మహిళలు, మరో వ్యక్తి కలిసి దాడి చేసినట్లు తెలుస్తోంది. అనంతరం ఆమెపై పెట్రోల్ పోసి నిప్పంటించినట్లు సమాచారం. ఈ ఘటనలో నర్సమ్మకు తీవ్ర గాయాలయ్యాయి. శరీరం 70 శాతానికిపైగా కాలిపోవడంతో ప్రస్తుతం ఆమె మృత్యువుతో పోరాడుతున్నట్లు తెలిసింది. ఘటనపై పోలీసులు కేసు నమోదు చేసి దర్యాప్తు చేపట్టారు. అసలు కారణం ఇదేనా? నర్సమ్మకు ఇద్దరు కుమారులు, ఓ కుమార్తె ఉన్నారు. ఆమె భర్త శ్రీనివాసులు గతంలో మృతి చెందడంతో కుటుంబ బాధ్యతలను నర్సమ్మే చూసుకుంటూ పారిశుద్ధ్య కార్మికురాలిగా పనిచేస్తున్నారు. ఈ క్రమంలో చిన్నఈరన్న అనే వ్యక్తితో నర్సమ్మకు సన్నిహిత సంబంధాలు ఉన్నట్లు సమాచారం. ఇటీవల చిన్నఈరన్న ఉరేసుకుని ఆత్మహత్య చేసుకున్నాడు. అయితే అతడి మృతికి నర్సమ్మే కారణమని చిన్నఈరన్న కుటుంబ సభ్యులు అనుమానించినట్లు తెలుస్తోంది. ఈ నేపథ్యంలోనే నర్సమ్మపై దాడి చేసి, పెట్రోల్ పోసి నిప్పంటించినట్లు పోలీసులు అనుమానిస్తున్నారు. ఈ ఘటనకు సంబంధించి దాడికి పాల్పడిన వారి పాత్రపై దర్యాప్తు కొనసాగుతోంది. నర్సమ్మ ఆరోగ్య పరిస్థితిపై వైద్యులు నిరంతరం పర్యవేక్షణ చేస్తున్నారు. also read: తొలిరోజే విధ్వంసం.. చీర లాగారంటూ ఎమ్మెల్యే సునీత కన్నీటి పర్యంతం!

Tag: Adoni News

Most Read

కోమటిరెడ్డి యూ టర్న్!

తెలంగాణలో ఎమ్మెల్సీ ఎన్నికల సందడి!

కౌశిక్ రెడ్డి పదవి క్షేమమేనా?

ఇక పాత రేవంత్!

EDITOR PICKS

కర్నూలులో దారుణం.. పారిశుద్ధ్య కార్మికురాలిపై పెట్రోల్‌ దాడి

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags