మర్రిగూడ,క్రైమ్ మిర్రర్:-మండలంలోని వట్టిపల్లి గ్రామంలో వెలసిన ఆధ్యాత్మిక క్షేత్రం, ఏకశిలపై కొలువైన శ్రీభవాని రామలింగేశ్వర స్వామి జాతర ఉత్సవాలు, బుధవారంతో అత్యంత వైభవంగా ముగిశాయి. గత మూడు రోజులుగా భక్తజన సందోహం నడుమ, ఆధ్యాత్మిక శోభతో జరిగిన ఈ వేడుకలు, సర్పంచ్ శిరసవాడ బిక్షమయ్య పర్యవేక్షణలో ప్రశాంతంగా ముగిశాయి. జాతర ముగింపు పర్వంలో భాగంగా, బుధవారం సాయంత్రం ఒక ముఖ్యమైన ఘట్టం చోటుచేసుకుంది. ఏకశిల గుట్టపై కొలువై ఉన్న శివపార్వతుల విగ్రహాలను భక్తి శ్రద్ధలతో కిందికి దింపారు. శివనామ స్మరణల మధ్య విగ్రహాలను దింపి, సురక్షితంగా భద్రపరిచారు. ఉత్సవాలు విజయవంతం కావడంలో గ్రామ కమిటీ, స్థానిక నాయకులు కీలక పాత్ర పోషించారు. ఈ కార్యక్రమంలో మాజీ సర్పంచ్ ఉప్పు బుచ్చప్ప, నాయకులు నీల యాదయ్య, చెన్నయ్య శిరసవాడ రాంబాబు, మామిడి కమలాకర్ పాల్గొన్నారు.
Read also : మర్రిగూడ: ఇరుకు రోడ్లు.. వాహనదారుల ఇక్కట్లు
Read also : Abhishek Sharma: కొత్త గెటప్లో కనిపించిన భారత స్టార్ ఓపెనర్.. ఫిదా అయిపోతున్న ఫ్యాన్స్
