Imanvi: ప్రభాస్ అంటే కేవలం కటౌట్ మాత్రమే కాదు.. ఆయనది ఎంతో పెద్ద మనసు అని ఇండస్ట్రీలో అందరూ చెబుతుంటారు. షూటింగ్ సెట్స్లో తోటి నటీనటులకు తన ఇంటి నుంచి రుచికరమైన వంటకాలు పంపించడం ఆయనకు అలవాటు. ఇప్పుడు అదే ఆతిథ్యాన్ని తన కొత్త సినిమా ‘ఫౌజీ’ హీరోయిన్ ఇమాన్వి విషయంలోనూ రిపీట్ చేశారు.
ప్రభాస్ పంపించిన స్పెషల్ ఫుడ్ ఐటమ్స్ చూసి ఇమాన్వి ఎంతో ఆనందించింది. ఆమె తన ఇన్స్టాగ్రామ్ స్టోరీలో ఆ వంటకాల ఫోటోలను షేర్ చేస్తూ, డార్లింగ్ చూపించిన ప్రేమకు ప్రత్యేకంగా ధన్యవాదాలు తెలిపింది. ఈ ఫోటోలు సోషల్ మీడియాలో వైరల్ అవుతూ ట్రెండ్ అవుతున్నాయి. నెటిజన్లు “డార్లింగ్ ఈజ్ బ్యాక్”, “ఆతిథ్యంలో ప్రభాస్కు సాటి ఎవరూ లేరు” అంటూ కామెంట్స్ చేస్తున్నారు.
కాగా, ప్రస్తుతం ప్రభాస్- ఇమాన్వి జంటగా పీరియడ్ యాక్షన్ డ్రామాగా తెరకెక్కుతున్న చిత్రం ‘ఫౌజీ’. టాలెంటెడ్ డైరెక్టర్ హను రాఘవపూడి ఈ చిత్రాన్ని ప్రతిష్టాత్మకంగా రూపొందిస్తున్నారు. ఇప్పటికే విడుదలైన పూజా కార్యక్రమాల ఫోటోల్లో ఈ జంట చూడముచ్చటగా కనిపించడంతో, వీరి కెమిస్ట్రీ వెండితెరపై ఎలా ఉండబోతోందో అని అభిమానులు ఆసక్తిగా ఎదురుచూస్తున్నారు.
ALSO READ: Vasamsetty Subhash: కాలుపెడితే తొక్కిపడేస్తాం.. BRSకు మంత్రి స్ట్రైట్ వార్నింగ్