సభలో ఎమ్మార్వోను ఇడియట్ అన్న కాంగ్రెస్ ఎమ్మెల్యే

తెలంగాణలో అధికార కాంగ్రెస్ ఎమ్మెల్యేలు రెచ్చిపోతున్నారు. తమకు సహకరించడం లేదంటూ అధికారులను బహిరంగంగానే తిడుతున్నారు. నోటికొచ్చినట్లు తిడుతున్నారు. తాజాగా మహబూబాబాద్ జిల్లా డోర్నకల్ ఎమ్మెల్యే రామచంద్రునాయక్ పబ్లిక్ గానే వీరంగం వేశాడు. తహశీల్దార్ పై బూతులతో విరుచుకుపడ్డారు. ఎమ్మెల్యే తిట్టిన విజువల్స్ సోషల్ మీడియాలో వైరల్ గా మారాయి. కాంగ్రెస్ ఎమ్మెల్ఏ తీరుపై జనం ఫైరవుతున్నారు.

ఇసుక దోచుకునేందుకు అనుమతి ఇవ్వలేదని ఎమ్మార్వోను ఇడియట్ అంటూ తిట్టారు డోర్నకల్ కాంగ్రెస్ ఎమ్మెల్యే రాంచంద్రు నాయక్. ఆలేరు వాగు నుండి ఇసుకను తీసుకెళ్లడానికి మరిపెడ మండలం తహసీల్దార్ మహబూబ్ అలీ అనుమతి ఇవ్వడంలేదని ఇడియట్ అంటూ రెచ్చిపోయాడు రామచంద్రు నాయక్. ఈ ఘటనపై రెవిన్యూ అధికారులు భగ్గుమంటున్నారు. రామచంద్రు నాయక్ తమ మనోభావాలను దెబ్బ తీసే విధంగా మాట్లాడటం సరికాదని, మరోసారి ఇలా మాట్లాడవద్దని డిమాండ్ చేసిన రెవెన్యూ ఎంప్లాయిస్ అసోసియేషన్. ఎమ్మెల్యే క్షమాపణ చెప్పకుంటే ఆందోళనకు దిగుతామని హెచ్చరించారు.