తెలంగాణ ఐటీ రంగంలో మరో భారీ ముందడుగు పడింది. హైదరాబాద్ శివార్లలో అభివృద్ధి చేస్తున్న భారత్ ఫ్యూచర్ సిటీలో అమెజాన్ వెబ్ సర్వీసెస్ (AWS) భారీ డేటా సెంటర్ ప్రాజెక్ట్కు శ్రీకారం చుట్టారు. ఈ ప్రతిష్టాత్మక ప్రాజెక్టుకు ముఖ్యమంత్రి రేవంత్ రెడ్డి శంకుస్థాపన చేశారు.
సుమారు రూ.60 వేల కోట్ల పెట్టుబడితో ఏర్పాటు కానున్న ఈ డేటా సెంటర్ తెలంగాణలోనే కాకుండా దేశంలోని అతిపెద్ద డిజిటల్ మౌలిక వసతుల ప్రాజెక్టుల్లో ఒకటిగా నిలవనుంది. రాష్ట్ర ఐటీ, టెక్నాలజీ రంగ అభివృద్ధికి ఈ ప్రాజెక్ట్ కీలకంగా మారుతుందని ప్రభుత్వం భావిస్తోంది. ఈ కార్యక్రమానికి పలువురు రాష్ట్ర మంత్రులు, ఎమ్మెల్యేలు, ప్రభుత్వ ఉన్నతాధికారులు హాజరయ్యారు. ఐటీ రంగంలో పెట్టుబడులను ఆకర్షించడం, డిజిటల్ ఎకానమీని బలోపేతం చేయడంలో ఈ ప్రాజెక్ట్ ప్రత్యేక పాత్ర పోషించనుంది.
అమెజాన్ డేటా సెంటర్ ద్వారా ప్రత్యక్షంగా, పరోక్షంగా భారీ స్థాయిలో ఉపాధి అవకాశాలు ఏర్పడే అవకాశం ఉందని అధికారులు తెలిపారు. ఫ్యూచర్ సిటీని అంతర్జాతీయ స్థాయి టెక్నాలజీ హబ్గా తీర్చిదిద్దే లక్ష్యంలో ఈ ప్రాజెక్ట్ మరో కీలక అడుగుగా మారనుంది.
also read: ఆమిర్ ఖాన్ పెళ్లిపై వివాదం.. మత వర్గాల నుంచి తీవ్ర వ్యతిరేకత
