హైదరాబాద్ గచ్చిబౌలి దగ్గర విదేశీ గంజాయి పట్టివేత. 170 గ్రాముల విదేశీ గంజాయి సీజ్ చేశారు పోలీసులు.
గంజాయి సరఫరా చేస్తున్న శివరాంను అరెస్ట్ చేశారు. అమెరికా నుంచి హైదరాబాద్‌కు గంజాయి సరఫరా చేస్తున్నట్లు గుర్తించారు. సాఫ్ట్వేర్ ఇంజినీర్లకు గంజాయి విక్రయం చేస్తున్నారు. పరారీలో ఉన్న మరో సాఫ్ట్వేర్ ఇంజినీర్ అజయ్
కోసం గాలిస్తున్నారు పోలీసులు. హైదరాబాద్ లో అమెరికా నుంచి తీసుకొచ్చిన గంజాయి పట్టుబడ్డటం పోలీస్ శాఖలో కలకలం రేపుతోంది.
కాలిఫోర్నియా అరోమా ప్రాంతం నుంచి స్మగ్లింగ్ చేసి వయా బెంగళూరు మీదుగా హైదరాబాదులో విక్రయాలు చేస్తున్నారు నిందితులు. టెట్రా హైడ్రో క్యాన్బినాన్ మత్తు పదార్థాన్ని ఈ హై క్వాలిటీ గంజాయిలో కలిపి విక్రయిస్తోంది ఈ ముఠా. సాధారణంగా రెండు నుంచి నాలుగు పర్సెంట్ టీహెచ్సీ ఉంటే ఈ హై క్వాలిటీ 25% ఉంటుంది. ఒక గ్రామం మూడు వేలకు చొప్పున విక్రయిస్తున్నారు.
హై క్వాలిటీ ఓ జి కుష్ గంజాయిని పట్టుకున్న జిల్లా ఎక్సైజ్ టాస్క్ఫోర్స్ పోలీసులు. రాయదుర్గంలోని టింబర్ లేక్ వ్యాలీ కాలనీ ప్రశాంతి హిల్స్లో తనిఖీలు నిర్వహిస్తుండగా అక్రమంగా తరలిస్తున్న ఓజీ కుష్ స్వాధీనం చేసుకున్నారు. ప్రముఖ సాఫ్ట్వేర్ కంపెనీలో ఉద్యోగిగా ఉన్న శివరాం తోటి సాఫ్ట్వేర్ ఉద్యోగులకు గంజాయీ విక్రయిస్తుండగా పట్టుకున్నారు పోలీసులు. బెంగళూరుకు చెందిన అజయ్ అనే వ్యక్తి పరారయ్యాడు. నిందితుల వద్ద నుంచి 175 గ్రాముల ఓజి కుష్ గాంజా ఒక కేజీ లూజ్ డ్రై గంజాయి స్వాధీనం చేసుకున్నారు పోలీసులు.
