ఫ్యామిలీ మొత్తం కూర్చుని కేబుల్ టీవీలో సినిమా చూస్తున్నారు. సరదా సన్నివేశాలకు నవ్వుకుంటున్నారు. ఇంతలోనే ఎవరూ ఊహించనిది జరిగింది. అందరిని నిర్ఘాంతపరిచింది. గబగబా పరుగెత్తి టీవీ స్విచ్ ఆఫ్ చేయాల్సి వచ్చింది. కేబుల్ టీవీలో సినిమా మధ్యలో బ్లూ ఫిల్మ్ రావడంతో ఈ ఘటన జరిగింది. అందరిని షాక్ కు గురి చేసింది.
నంద్యాల – నందికొట్కూరులో ఈ దారుణ ఘటన చోటు చేసుకుంది. స్థానికంగా నడిచే ‘ఫిరోజ్ సిటీ కేబుల్’ నిర్వాహకులు ప్రైవేటుగా నీలి చిత్రాలు చూద్దామనుకున్నారు. అయితే ఆ వీడియోలను పొరపాటుగా ఛానల్లో ప్లే చేశారు. అంతే ఫిరోజ్ సిటీ కేబుల్ నెట్ వర్క్ ఉన్న అన్ని టీవీల్లో బ్లూ ఫిల్మ్ ప్లేయింది. దాదాపు 10 నిమిషాల పాటు నీలి చిత్రాలు ప్రదర్శితంఅయింది.
ఆ ఛానల్ పెట్టిన వందలాది మందికి అసభ్యకర దృశ్యాలు కనిపించడంతో పోలీసులకు ఫిర్యాదు చేశారు. పోలీసులు దర్యాప్తు చేసి కేబుల్ టీవీ నెట్ వర్క్ రన్ చేస్తున్న ముగ్గురు యజమానులపై కేసు నమోదు చేశారు.
