Woman Dance: ఇప్పటి సోషల్ మీడియా ట్రెండ్స్లో రీల్స్ చేయడం సాధారణ వినోదం మాత్రమే కాదు, కొందరి జీవితంలో భాగంగా మారింది. కొంతమంది సరదాగా చేసేస్తే, మరికొందరు అలవాటుగా ప్రతి రోజూ రీల్స్ క్రియేట్ చేస్తుంటారు. అయితే కొన్ని సందర్భాల్లో ఇది పూర్తిగా వ్యసనంగా మారి, ఒక్క గంట కూడా రీల్స్ చేయకుండా ఉండలేని స్థితికి చేరతారు. ఇలాంటి వారు ఏదైనా చేసి నెటిజన్ల దృష్టిని ఆకర్షించాలని ప్రయత్నిస్తూ, సాధారణంగా ఆలోచించని రిస్క్లు తీసుకుంటుంటారు. వీరి మధ్య ప్రమాదకర స్టంట్స్ చేస్తూ, తమతో పాటు ఇతరులను కూడా ప్రమాదంలోకి నెట్టే వాళ్ల సంఖ్య రోజురోజుకూ పెరుగుతోంది. ఇటువంటి ఘటనలకు సంబంధించిన షాకింగ్ వీడియోలు సోషల్ మీడియాలో తరచూ కనిపిస్తూనే ఉంటాయి. తాజాగా అలాంటి మరో వీడియో బయటకు రావడంతో నెటిజన్లు తీవ్ర ఆగ్రహం వ్యక్తం చేస్తున్నారు.
#ViralVideo #SocialMediaShock #ReelsAddiction #DangerousStunts #WomanDance #BabySafety #OnlineTrends #InternetReaction #RecklessBehavior #PublicOutrage #NetizensComments #TrendingClip #SocialMediaWarning
Woman Dance: పిల్లాడిని తలపై పెట్టుకొని మహిళ డ్యాన్స్.. నెటిజన్ల ఆగ్రహం pic.twitter.com/vs5Nsk0THs
— Star Trinethram Telugu (@Dheekondas10019) November 22, 2025
వైరల్ అవుతున్న ఈ వీడియోలో ఒక మహిళ కెమెరా ఆన్ చేసి డాన్స్ చేస్తోంది. మొదటి చూపులో ఇది సాధారణ రీల్లానే అనిపించవచ్చు. అయితే వినూత్నంగా చూపించాలని ప్రయత్నించిన ఆ మహిళ ఏకంగా ఓ చిన్నారిని తన తలపై పెట్టుకుని డాన్స్ చేయడం అందరినీ షాక్కు గురిచేస్తోంది. పిల్లాడు ఆమె తలపై వెల్లకిలా పడుకుని ఉండగా, అతని కాళ్లు కింద వేలాడుతూ కనిపిస్తున్నాయి. చిన్నారి కాస్తా కదిలినా, మహిళ కాలు జారి పోయినా పిల్లాడు నేలపై పడే ప్రమాదం స్పష్టంగా కనిపిస్తుంది. అయినా, ఈ ప్రమాదాన్ని ఏమాత్రం పట్టించుకోకుండా ఆమె డాన్స్ కొనసాగించడం నెటిజన్ల ఆగ్రహాన్ని రగిలించింది. చిన్నారిని ప్రమాదంలో పెట్టి రీల్ చేయడం ఎంత ప్రమాదకరమో తెలిసినా, లైక్ల కోసం ఈ రిస్క్ తీసుకోవడం పై తీవ్ర విమర్శలు వెల్లువెత్తుతున్నాయి.
ఈ వీడియోపై సోషల్ మీడియాలో భారీగా స్పందనలు వెల్లువెత్తుతున్నాయి. పిల్లల భద్రతను ఇలా ఉల్లంఘిస్తూ రీల్ చేయడం పట్ల అనేక మంది తీవ్ర ఆందోళన వ్యక్తం చేస్తున్నారు. “మీ లైక్ల కోసం పిల్లలను బలిచేయకండి” అని నెటిజన్లు ఆవేదన వ్యక్తం చేస్తుండగా, “ఇలాంటి నిర్లక్ష్యంగా వ్యవహరించే వాళ్లను కఠినంగా శిక్షించాలి” అని మరికొందరు డిమాండ్ చేస్తున్నారు. వివిధ ఎమోజీలతో, భావోద్వేగాలతో వేల సంఖ్యలో కామెంట్లు వస్తున్నాయి. ఈ వీడియోకు ఇప్పటికే ఎనిమిది వేలకుపైగా లైక్లు రాగా, ఎనిమిది లక్షలకు పైగా వీక్షణలు సాధించింది.
ALSO READ: భయం మాత్రమే పైరసీని ఆపగలదు.. ఆర్జీవి సంచలన సలహా!