Traditions: పెళ్లి అనే పవిత్ర బంధం మనుషుల జీవితంలోని అత్యంత అందమైన మలుపుల్లో ఒకటి. ఇద్దరు వ్యక్తుల మనసులు, రెండు కుటుంబాల ఆలోచనలు, వారి భవిష్యత్తు కలిసిపోయే ఈ దశలో మొదటి రాత్రి ప్రత్యేక స్థానం కలిగి ఉంటుంది. భార్యభర్తల మధ్య ప్రేమ, నమ్మకం, ఆప్యాయతలకు నాంది పలికే ఆ ఘట్టం గురించి ప్రతి సంస్కృతిలో ప్రత్యేక అభిప్రాయాలు, ఆచారాలు, పద్ధతులు ఉంటాయి. ఒక చోట అది సాధారణంగా ఉండగా, మరొక చోట అది పూర్తిగా విభిన్నంగా, ఆశ్చర్యపరిచే విధంగా ఉంటుంది.
ఇలా ప్రపంచంలో ఎన్నో తెగలు, జాతులు తమ తమ ప్రత్యేక సంప్రదాయాలను శతాబ్ధాలుగా కొనసాగిస్తూ వస్తున్నాయి. మనమందరం పరిచయం ఉన్న వివాహ ఆచారాలు మాత్రమే అసలు ప్రపంచంలోని మొత్తం సంప్రదాయాలు కావు. కొన్ని తెగల్లో పాటించే పద్ధతులు ఎంతో విచిత్రంగా, నమ్మదగ్గవిగా కూడా అనిపించకపోవచ్చు. అయినప్పటికీ, ఆ ప్రాంతాల ప్రజలు వాటిని పవిత్రంగా భావిస్తూ తరతరాలుగా కొనసాగిస్తున్నారు.
ఆఫ్రికాలోని కొన్ని ప్రాచీన తెగల్లో ఇలాంటి ఒక అలవాటు ఇప్పుడు చర్చనీయాంశమవుతోంది. అక్కడ మొదటి రాత్రి కేవలం భార్యభర్తల మధ్య జరిగే వ్యవహారం మాత్రమే కాదు.. ఒక ప్రత్యేక కుటుంబ ఆచారంగా భావిస్తారు. మనం వినని, ఊహించని విధంగా, పెళ్లికూతురి తల్లే కొత్త జంట ప్రవేశించే శోభన గదిలోకి చేరుతుందట. ఆమె అక్కడికి వెళ్ళడం ఏదో సహజం కాదు, ఈ ఆచారంలో కీలకమైన పాత్రను పోషించాల్సి ఉంటుంది.
ఆ తెగ సంప్రదాయం ప్రకారం.. పెళ్లికూతురు తల్లి గదిలోకి వచ్చిన వెంటనే అల్లుడు తనకు ఏదైనా అవసరం, కోరిక, ఆకాంక్ష ఉన్నా నేరుగా ఆమెకు చెప్పాలని నమ్ముతారు. అల్లుడు కోరినదాన్ని వధువు తల్లి ఏ సందేహం లేకుండా తక్షణమే సమకూర్చాల్సి ఉంటుంది. అలా చేయకపోతే, లేదా అల్లుడు అడిగింది నెరవేరకపోతే, వెంటనే వధువుకు విడాకులు ఇవ్వడమే ఆచారం. ఈ సంప్రదాయాన్ని తమకు శుభకరంగా, కుటుంబ స్థిరత్వానికి మంచిదిగా భావిస్తూ ఆ గ్రామాలు ఇంకా పాటిస్తున్నాయి. వధువుకు తల్లి లేకపోతే, ఒక వృద్ధురాలిని ఆమె స్థానంలో పంపుతారని కూడా అక్కడి ప్రజలు నమ్ముతారు.
ఆఫ్రికాలోని ఈ గ్రామాల్లో అటవీ ప్రాంతాల్లో నివసించే ఈ తెగలు ఆధునిక నాగరికతకు ఇంకా పూర్తిగా చేరుకోలేదు. వారిలో చాలామంది ఇప్పటికీ పురాతన జీవన శైలిని, పాత ఆచారాలను, మూఢనమ్మకాల మిశ్రమాన్ని పాటిస్తున్నారు. వారి దృష్టిలో మొదటి రాత్రి ఆచారం కేవలం ఒక పద్ధతి కాదు, వారి కుటుంబ భవిష్యత్తును నిర్దేశించే శుభకార్యం.
అయితే ఆధునిక ప్రపంచం ఈ సంప్రదాయాన్ని పూర్తిగా వ్యతిరేకిస్తోంది. ఈ విధమైన ఆచారాల వలన ఆ తెగలోని కుటుంబ సంబంధాలు మానసికంగా దెబ్బతింటున్నాయని, మహిళల గౌరవం దెబ్బతింటుందని, ఇంకా భవిష్యత్తులో తెగ పురోగతికి ఇది పూర్తిగా అడ్డంకి అవుతుందని నిపుణులు హెచ్చరిస్తున్నారు. ఆచారం తప్పని కారణంగా ఈ తెగల్లో బలవంతపు విడాకులు పెరుగుతున్నాయని, కుటుంబాలలో అస్థిరత పెరుగుతోందని విమర్శలు వెల్లువెత్తుతున్నాయి.
కొందరు అయితే ఈ ఆచారాల వలన సంపూర్ణంగా తెగ అంతరించిపోయే ప్రమాదం ఉందని కూడా అంటున్నారు. కానీ ప్రజలు భావోద్వేగంగా ఈ పాత సంప్రదాయాలకు కట్టుబడి ఉండటం వల్ల స్థానిక ప్రభుత్వం కూడా ఎక్కువగా జోక్యం చేసుకోలేకపోతుంది. జోక్యం చేసుకుంటే వారి సాంస్కృతిక స్వేచ్ఛను హరిస్తున్నట్లు ఆరోపణలు రావచ్చనే భయంతో అధికారులు జాగ్రత్తగా వ్యవహరిస్తున్నారు.
(NOTE: పై ఆర్టికల్లో ఇచ్చినది ప్రజల విశ్వాసాలు, ఇంటర్నెట్లో సోషల్ సమాచారం మాత్రమే. దీన్ని ‘క్రైమ్ మిర్రర్’ నిర్ధారించట్లేదని వీక్షకులు గమనించగలరు.)
ALSO READ: Shocking: ఫస్ట్ నైట్ రోజే షాక్.. విడాకులు కోరిన వధువు
