Virus - Crime Mirror

కరోనా వైరస్ పూర్తిగా కనుమరుగైందని భావిస్తున్న సమయంలో మళ్లీ కొత్త రూపంలో బయటపడడం ప్రపంచవ్యాప్తంగా ఆందోళనకు కారణమవుతోంది. తాజాగా BA.3.2 అనే కొత్త ఉపరూపం గుర్తించబడింది. దీనికి సికాడా అనే పేరు పెట్టారు. అమెరికా, దక్షిణాఫ్రికా, యూరప్ దేశాల్లో ఈ వైరస్ వ్యాప్తి చెందుతున్నట్లు నివేదికలు వెల్లడిస్తున్నాయి. ఈ పరిణామాలను దృష్టిలో ఉంచుకుని ప్రపంచ ఆరోగ్య సంస్థ అప్రమత్తమైంది. ఈ కొత్త రూపం పాత ఒమిక్రాన్ కుటుంబానికి చెందినదే అయినప్పటికీ సుమారు 70కి పైగా మార్పులు చోటుచేసుకోవడం గమనార్హం. ఇంత పెద్ద స్థాయిలో మార్పులు చోటుచేసుకోవడం వల్ల ఇది వేగంగా వ్యాపించే అవకాశం ఉందని ఆరోగ్య నిపుణులు అభిప్రాయపడుతున్నారు. చాలా కాలం తర్వాత మళ్లీ బయటపడిన ఈ వైరస్కు సికాడా అనే పేరు ఇవ్వడం జరిగింది. ప్రస్తుతం ఈ వైరస్ లక్షణాలు పాత ఒమిక్రాన్ లక్షణాలకే దగ్గరగా ఉన్నట్లు తెలుస్తోంది. ముఖ్యంగా టీకా తీసుకున్న వారిలో తీవ్రమైన సమస్యలు తక్కువగానే కనిపిస్తున్నాయి. దగ్గు, గొంతు నొప్పి, అలసట, నీరసం, ముక్కు కారడం లేదా ముక్కు దిబ్బడ, తలనొప్పి, ఒళ్లు నొప్పులు వంటి సాధారణ లక్షణాలు కనిపిస్తున్నాయి. కొంతమందిలో తేలికపాటి జ్వరం కూడా ఉండవచ్చు. చాలా అరుదుగా వాసన, రుచి కోల్పోవడం లేదా రాత్రిపూట చెమటలు పట్టడం వంటి లక్షణాలు కనిపిస్తున్నాయి. ఈ వైరస్ పాత వేరియంట్ల కంటే కొంత వేగంగా వ్యాపించే అవకాశం ఉందని శాస్త్రవేత్తలు అంచనా వేస్తున్నారు. ఇప్పటికే కరోనా సోకిన వారు లేదా టీకాలు తీసుకున్న వారిలో ఉన్న రోగనిరోధక శక్తిని ఈ వైరస్ కొంతవరకు తగ్గించే అవకాశం ఉన్నట్లు భావిస్తున్నారు. అయినప్పటికీ ఈ కొత్త ఉపరూపం వల్ల ప్రమాదం పెరిగిందనే స్పష్టమైన ఆధారాలు లేవు. ఆసుపత్రిలో చేరాల్సిన పరిస్థితులు కూడా ఎక్కువగా కనిపించడం లేదు. సాధారణ జలుబు లేదా జ్వరంలా వచ్చి తగ్గిపోతున్న సందర్భాలే ఎక్కువగా ఉన్నట్లు నిపుణులు చెబుతున్నారు. అందువల్ల భయపడాల్సిన అవసరం లేదని, జాగ్రత్తలు పాటిస్తే సరిపోతుందని సూచిస్తున్నారు. ముఖ్యంగా ఇంకా బూస్టర్ టీకా తీసుకోని వారు తప్పకుండా తీసుకోవడం ద్వారా తీవ్రమైన అనారోగ్యాన్ని నివారించవచ్చని వైద్యులు సూచిస్తున్నారు. అయితే జాగ్రత్తలు మాత్రం తప్పనిసరిగా పాటించాల్సిందేనని నిపుణులు హెచ్చరిస్తున్నారు. జనసమ్మర్థం ఎక్కువగా ఉన్న ప్రదేశాల్లో మాస్క్ ధరించడం, చేతులను శుభ్రంగా కడుక్కోవడం, వ్యక్తిగత పరిశుభ్రతను పాటించడం అవసరం. జ్వరం, దగ్గు వంటి లక్షణాలు ఎక్కువ రోజులు కొనసాగితే వెంటనే వైద్యులను సంప్రదించి పరీక్షలు చేయించుకోవాలి. కరోనా పూర్తిగా అంతరించిపోలేదని, కొత్త కొత్త రూపాల్లో మారుతూ మన ముందు నిలుస్తోందని ఈ సికాడా రూపం మరోసారి గుర్తు చేస్తోంది. అయినప్పటికీ ప్రస్తుతానికి ప్రపంచవ్యాప్తంగా పెద్ద ముప్పు ఏమీ లేదని ఆరోగ్య సంస్థలు స్పష్టం చేస్తున్నాయి. ALSO READ: మిగిలిపోయిన రైస్ పారేయకండి.. ఇలా పుదీనా రైస్ చేస్తే ప్లేటు ఖాళీ

Tag: Virus

Most Read

Kritika Reddy Murder Case: ప్రియురాలి కోసం భార్య హత్య.. డాక్టర్ కృతికా రెడ్డి కేసులో వెలుగులోకి షాకింగ్ మెసేజెస్!

Amarnath Yatra 2026: భక్తులకు గుడ్ న్యూస్.. జూలై 3 నుంచి అమర్‌నాథ్‌ యాత్ర.. 15 నుంచి రిజిస్ట్రేషన్లు!

Assembly Elections: పుదుచ్చేరిలో రికార్డు ఓటింగ్‌.. అసోం, కేరళలో పెరిగిన పోలింగ్‌ శాతం!

Fuel Price Security: ఇంధన భద్రతపై కేంద్ర ఫోకస్.. గల్ఫ్ టూర్‌కు జై శంకర్, పురీ!

EDITOR PICKS

కొత్త రూపాన్ని సంతరించుకున్న కరోనా.. సికాడా వేరియంట్‌తో అలజడి

రాష్ట్ర ప్రజలు అప్రమత్తం!.. రాష్ట్రంలో మొట్టమొదటిగా మనిషికి బర్డ్ ఫ్లూ కేసు నమోదు!…

ఆంధ్రప్రదేశ్ లోని నెల్లూరు జిల్లాలో జికా వైరస్ కలకలం?

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending