క్రైమ్ మిర్రర్, ఆంధ్రప్రదేశ్ :- ఆంధ్రప్రదేశ్ రాష్ట్ర వ్యాప్తంగా నిరుద్యోగులు ఎంతగానో ఎదురు చూసే డీఎస్సీ నోటిఫికేషన్ విడుదల గురించి ఏపి ప్రభుత్వం తాజాగా అప్డేట్ ఇచ్చింది. మార్చి నెలలో డీఎస్సీ నోటిఫికేషన్ విడుదల చేస్తున్నట్లు పాఠశాల విద్యాశాఖ తాజాగా ప్రకటించింది. అయితే ఆంధ్రప్రదేశ్ రాష్ట్రంలో కూటమి సర్కార్ అధికారంలోకి వచ్చాక 16,347 ఉపాధ్యాయ పోస్టులు భర్తీకి గతంలో నోటిఫికేషన్ జారీ చేసింది. ఇక రాబోయే విద్యా సంవత్సరం నాటికి కొత్త టీచర్లు విధుల్లో చేరేందుకు కొత్త ప్రణాళికలు రూపొందిస్తున్నామని విద్యాశాఖ కార్యదర్శి శశిధర్ తెలిపారు.
హనుమాన్ ఆలయంలో మాంసం ముద్దలు.. హైదరాబాద్ లో హైటెన్షన్
కాగా గతంలో అనేక రకమైన ఉపాధ్యాయులకు సంబంధించి 45 రకాల యాప్లు ఉన్నాయని , కానీ ప్రస్తుతం వాటన్నిటిని కూడా కలిపి ఒకే ఒక్క యాప్ గా మార్చేసామని తెలిపారు. అదేవిధంగా ఉపాధ్యాయుల బదిలీలలో కూడా కొత్త సంస్కరణలు చేస్తామని తెలిపారు. అసెంబ్లీ సమావేశాల్లో దీనిపై బిల్లు పెడతారని విద్యాశాఖ కార్యదర్శి శశిధర్ అన్నారు. యూనివర్సిటీలోని వీసీల నియామక అనంతరం అన్ని యూనివర్సిటీలకు ఒకే చట్టం అమలు చేస్తామని అన్నారు. అయితే ఈ నోటిఫికేషన్ నేపథ్యంలో ఎలాంటి న్యాయపరమైన చిక్కులు లేకుండా నోటిఫికేషన్ ఇవ్వాలని విద్యాశాఖ ఆలోచిస్తుందని అన్నారు. ఇక డీఎస్సీలో మొత్తం- 16,347 ఉపాధ్యాయ పోస్టులు భర్తీ చేయనున్నారు. ఆ తరువాత సెకండరీ గ్రేడ్ టీచర్లు-6371, స్కూల్ అసిస్టెంట్లు-7725, పోస్ట్ గ్రాడ్యుయేట్ టీచర్స్-286, ప్రిన్సిపాల్ లు-52, వ్యాయామ ఉపాధ్యాయులు -132 పోస్టులను భర్తీ చేయనున్నారు.
హోంగార్డులకు ఇంకా అందని జీతాలు.. రేవంత్ పై విసుర్లు
కూటమి ప్రభుత్వం అధికారంలోకి వచ్చి రేపటితో ఎనిమిది నెలలు: సీఎం
