US politics - Crime Mirror

అమెరికా అధ్యక్షుడు డొనాల్డ్ ట్రంప్ ఆరోగ్య పరిస్థితిపై మరోసారి తీవ్రమైన చర్చ మొదలైంది. తాజాగా శనివారం ఆయన ఎయిర్ఫోర్స్ వన్ విమానంలో ఫ్లోరిడా చేరుకున్న అనంతరం మెట్లు దిగుతున్న దృశ్యాలు సోషల్ మీడియాలో వైరల్గా మారాయి. 78 ఏళ్ల ట్రంప్ విమానం మెట్లు దిగే సమయంలో రెయిలింగ్ను గట్టిగా పట్టుకుని, చాలా నెమ్మదిగా, జాగ్రత్తగా అడుగులు వేస్తూ కనిపించారు. ఈ వీడియో బయటకు రావడంతో ఆయన ఆరోగ్యంపై నెటిజన్ల మధ్య భిన్నమైన చర్చలు మొదలయ్యాయి. కొందరు ఆయన వయస్సు ప్రభావం స్పష్టంగా కనిపిస్తోందని వ్యాఖ్యానించగా, మరికొందరు ఆయన శారీరక పరిస్థితిపై ఆందోళన వ్యక్తం చేస్తున్నారు. సోషల్ మీడియాలో ట్రంప్ నడక తీరు, అలసటతో కనిపించిన తీరు పెద్ద చర్చకు దారి తీసింది. ఆయన చాలా అలసిపోయినట్లుగా ఉన్నారని, వయస్సు పెరిగిన ప్రభావం స్పష్టంగా కనిపిస్తోందని కొందరు నెటిజన్లు కామెంట్లు చేస్తున్నారు. అదే సమయంలో మరికొందరు రాజకీయ విమర్శల కోణంలో స్పందిస్తూ, ఆయన గతంలో తీసుకున్న నిర్ణయాల ఒత్తిడే ఇలాంటి పరిస్థితికి కారణమవుతుందని అభిప్రాయపడుతున్నారు. మరోవైపు వయస్సు ఎక్కువైనా చురుగ్గా ఉన్న మాజీ అధ్యక్షుడు జో బైడెన్ను ప్రస్తావిస్తూ ట్రంప్ను ఎద్దేవా చేసే వ్యాఖ్యలు కూడా సోషల్ మీడియాలో కనిపిస్తున్నాయి. ఇక శుక్రవారం జరిగిన మరో కార్యక్రమంలో కూడా ట్రంప్ కూర్చోవడానికి ఇబ్బంది పడినట్లు ఉన్న వీడియో ఒకటి బయటకు వచ్చింది. ఆ వీడియోలో ఆయన టేబుల్ను పట్టుకుని కుర్చీలో కూర్చోవడానికి ప్రయత్నిస్తున్న దృశ్యాలు కనిపించాయి. ఇటీవల కాలంలో ఆయన చేతుల రంగు మారడం, చీలమండలు వాచడం వంటి అంశాలు కూడా సోషల్ మీడియాలో చర్చకు దారితీశాయి. ఇవన్నీ ఆయన ఆరోగ్యంపై అనుమానాలకు మరింత బలం చేకూరుస్తున్నాయని విమర్శలు వినిపిస్తున్నాయి. అయితే వైట్ హౌస్ వైద్యుడు రోనీ జాక్సన్ నివేదికను ఉటంకిస్తూ, ట్రంప్ తనను తాను “అత్యంత ఆరోగ్యవంతమైన అధ్యక్షుడు”గా పేర్కొంటున్నారని అంతర్జాతీయ మీడియా కథనాలు చెబుతున్నాయి. అధికారికంగా ఆయన ఆరోగ్యంపై ఎలాంటి తీవ్రమైన సమస్యలు లేవని వైట్ హౌస్ వర్గాలు స్పష్టం చేస్తున్నప్పటికీ, సోషల్ మీడియాలో మాత్రం ఈ వీడియోలు పెద్ద చర్చకు కేంద్రంగా మారాయి. ALSO READ: మళ్లీ జగన్ చెంతకు పీకే?

Tag: US politics

Most Read

చేయూత పథకం ద్వారా రూ.4 వేల పింఛన్.. దరఖాస్తు ఎలా..?

వాట్సప్ ద్వారా అర నిమిషంలోనే ఆధార్ డౌన్‌లోడ్ చేసుకోవచ్చు..

పెళ్లికి నో అంటున్న యువతులు! ఎందుకో తెలుసా?

వామ్మొ!.. విమానంలో దెయ్యం.. గాల్లో ఉండగానే డోర్ తీసేందుకు యత్నం!..

EDITOR PICKS

మరోసారి ట్రంప్ ఆరోగ్యంపై చర్చ

యుద్దం ఆపేద్దామని ట్రంప్‌కు సహాయకుల సూచన?

BBC Apologies: డొనాల్డ్ ట్రంప్ వెనక్కి తగ్గుతారా?

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending