Samaguda - Crime Mirror

క్రెమ్ మిర్రర్, మంచిర్యాల: మంచిర్యాల జిల్లా కాసిపేట మండలం సామగూడ గ్రామంలో జరిగిన హృదయ విదారక ఘటనతో ఒక్కసారిగా గ్రామమంతా విషాదంలో మునిగింది. కుటుంబంలో ఆనందం నింపాల్సిన క్షణం.. క్షణాల్లోనే కన్నీటి సముద్రంగా మారిపోయింది. సోనాపూర్ అంగన్వాడీ కేంద్రంలో ఆయాగా పనిచేస్తున్న 38 ఏళ్ల కుడిమేత అనురాధ, జీవితంలో మరో కొత్త వెలుగుకి స్వాగతం పలకబోతున్న సమయంలో ఊహించని పరిణామం చోటుచేసుకుంది. తొమ్మిది ఏళ్ల క్రితం సీఆర్పీఎఫ్ జవాన్ లక్ష్మణ్తో వివాహం జరిగిన ఆమెకు ఇప్పటికే నాలుగేళ్ల కుమారుడు ఉన్నాడు. భర్త విధుల్లో ఉండడంతో తల్లి ఇంట్లో గర్భిణిగా గడుపుతూ సంతోషంగా రోజులు సాగిస్తుండేది. అయితే బుధవారం తెల్లవారుజామున అనురాధకు అకస్మాత్తుగా ఆరోగ్యం క్షీణించింది. పరిస్థితి విషమించడంతో కుటుంబ సభ్యులు ఆమెను మంచిర్యాల ప్రభుత్వ ఆసుపత్రికి తరలించారు. వైద్యులు అత్యవసర చికిత్స ప్రారంభించినా, ఆమెకు తీవ్ర ఫిట్స్ రావడం, రక్తహీనత ఎక్కువగా ఉండటంతో ప్రమాదం పెరిగింది. వైద్య బృందం అత్యవసర పరిస్థితిలో సిజేరియన్ చేసి మగ శిశువును వెలికి తీయగా, తల్లి ప్రాణం నిలువలేదు. కొద్ది నిమిషాలకే ఆ పసిపాప కూడా ఊపిరి ఆడక మరణించడంతో కుటుంబ సభ్యులు క్షణాల్లో ఇద్దరినీ కోల్పోయారు. ALSO READ: అమ్మో.. అమ్మో.. ఈ స్నేక్ క్యాచర్ చేసిన పనికి అందరు షాక్..! ఈ సంఘటనతో గ్రామంలో దుఃఖభరిత వాతావరణం నెలకొంది. తన గర్భంలోని శిశువును కళ్లారా చూడకుండానే తల్లి ప్రాణం విడవడం, వెంటనే ఆ పసిపాప కూడా మృతి చెందడం అందరినీ కలచివేసింది. ఒకే రోజులో తల్లి బిడ్డలిద్దరినీ కోల్పోయిన కుటుంబం కన్నీటిలో మునిగిపోయింది. భర్త లక్ష్మణ్ విధుల్లో ఉండగా ఈ దారుణ వార్త అందడంతో తల్లిదండ్రులు, బంధువులు శోకసంద్రంలో మునిగిపోయారు. గ్రామస్తులు అనురాధ మృత్యువును తట్టుకోలేక విలపిస్తున్నారు. మహిళలు, చిన్నారులు ఎక్కడ చూసినా ఈ దుఃఖ వార్తే చర్చగా మారింది. ఒక పసిపాప జననం సంతోషాన్ని ఇవ్వాల్సిన సమయం, నిమిషాల్లోనే చీకటిని మిగిల్చింది. వైద్యులు ఈ ఘటనపై విచారం వ్యక్తం చేస్తూ, రక్తహీనత మరియు గర్భకాల సంరక్షణలో లోపం కారణంగా పరిస్థితి కుదుటపడలేదని తెలిపారు. ఈ ఘటన మరలా ఒకసారి గ్రామీణ ప్రాంతాల్లో గర్భిణుల ఆరోగ్య సంరక్షణ ఎంత ముఖ్యమో చాటిచెప్పింది. ALSO READ: Latest sensation: నటి గిరిజా ఓక్.. ఎందుకు వైరల్ అవుతోంది?

Tag: Samaguda

Most Read

చేయూత పథకం ద్వారా రూ.4 వేల పింఛన్.. దరఖాస్తు ఎలా..?

వాట్సప్ ద్వారా అర నిమిషంలోనే ఆధార్ డౌన్‌లోడ్ చేసుకోవచ్చు..

పెళ్లికి నో అంటున్న యువతులు! ఎందుకో తెలుసా?

వామ్మొ!.. విమానంలో దెయ్యం.. గాల్లో ఉండగానే డోర్ తీసేందుకు యత్నం!..

EDITOR PICKS

Tragedy: బిడ్డకు జన్మనిచ్చి తల్లి మృతి.. నిమిషాల వ్యవధిలోనే..

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending