Russian Oil Imports - Crime Mirror

అమెరికాతో వాణిజ్య ఒప్పందంలో గందరగోళం, రష్యా చమురు కొనుగోళ్ల నిలిపివేతపై అయోమయం కనిపిస్తున్నాయి. రష్యా చమురు కొనుగోళ్ల నిలిపివేతపై కేంద్ర వాణిజ్య, విదేశాంగ శాఖ మంత్రులు ఇద్దరూ సమాధానం దాటవేయడం చర్చనీయాంశంగా మారింది. అమెరికాలో ఆ దేశ విదేశాంగ మంత్రి మార్కో రూబియోతో సమావేశమైన అనంతరం విదేశాంగ మంత్రి జైశంకర్ వాణిజ్య ఒప్పందంపై మాట్లాడారు. రష్యా చమురు కొనుగోళ్లను భారత్ నిలిపివేస్తుందా? అని మీడియా ప్రశ్నిస్తే.. దాని గురించి తనకు తెలియదని, వాణిజ్య మంత్రి పీయూష్ గోయల్ను అడగడం మంచిదని సమాధానమిచ్చారు. అటు ఇదే అంశంపై శనివారం పీయూష్ గోయల్ను అడిగితే.. ‘రష్యా చమురు కొనుగోళ్ల నిలిపివేతపై విదేశాంగ శాఖనే సమాచారం ఇస్తుంది’ అంటూ దాటవేశారు. ఈ అంశానికి సంబంధించి కేంద్ర ప్రభుత్వం నుంచి ఎలాంటి అధికారిక ప్రకటన వెలువడలేదు. పీయూష్ గోయల్ కూడా అంతర్జాతీయ పరిణామాలకు అనుగుణంగా వివిధ మార్గాల్లో చమురు కొనుగోలు కోసం చర్యలు చేపడుతున్నామని మాత్రమే చెప్పారు. రష్యా నుంచి చమురు కొనుగోలు ఆపేస్తామన్న భారత హామీ మేరకు 25శాతం అదనపు సుంకాలు తొలగిస్తున్నామంటూ అమెరికా అధ్యక్షుడు ఉత్తర్వులు జారీచేశారు. భారత్ ప్రత్యక్షంగా గానీ, పరోక్షంగా గానీ రష్య చమురును కొనుగోలు చేస్తే.. మళ్లీ 25శాతం సుంకాలు వసూలు చేస్తామని హెచ్చరించారు. మరోవైపు చమురు కొనుగోళ్లు నిలిపేస్తామని భారత్ నుంచి తమకు అధికారిక సమాచారమేదీ రాలేదని రష్యా ప్రకటించింది. తనకు వీలైన చోట చమురు కొనుగోలు చేసే హక్కు భారత్కు ఉందని వెల్లడించింది.

Tag: Russian Oil Imports

Most Read

మీ కష్టార్జితానికి అధిక వడ్డీ ఇచ్చే బ్యాంక్‌లు ఇవే!

గ్యాస్ సిలిండర్‌పై ఎక్స్‌పైరీ డేట్ ఎలా చెక్ చేసుకోవాలంటే.?

అడల్ట్ మోడ్ ఫీచర్‌పై నిర్ణయం మార్చుకున్న OpenAI?

ఫుల్‌గా తాగి బైక్ వద్దకు వెళ్లాడు.. చివరికి..

EDITOR PICKS

Russian Oil Imports: రష్యా నుంచి భారత్ ఆయిల్ కొనుగోలు ఉన్నట్టా? లేనట్టా?

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending